തൃശൂർ: പ്രായമായവര്ക്കു ചികിത്സാസഹായവും ആനുകൂല്യവും ഒരുക്കിക്കൊടുക്കുകയെന്നതു ജനാധിപത്യസര്ക്കാരിന്റെ കടമയാണെന്നു കെ. രാധാകൃഷ്ണന് എംപി പറഞ്ഞു. സെന്ട്രല് ഗവണ്മെന്റ് ഹെല്ത്ത് സ്കീം ബെനഫിഷറീസ് വെല്ഫെയര് അസോസിയേഷൻ പ്രഥമസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
തൃശൂരിൽ വെല്നസ് സെന്റര് വേണമെന്ന അസോസിയേഷന്റെ ആവശ്യം കേന്ദ്രമന്ത്രാലയത്തെ അറിയിച്ചിട്ടുണ്ടെന്ന് എംപി അറിയിച്ചു. അംഗത്വവിതരണോദ്ഘാടനം രാജന് ജെ. പല്ലന് എംഎൽഎ നിര്വഹിച്ചു. അസോസിയേഷന് പ്രസിഡന്റ് കെ. ശ്രീധരന് അധ്യക്ഷത വഹിച്ചു. ഡിവിഷന് കൗണ്സിലർ അഡ്വ. ജോയ് ബാസ്റ്റ്യൻ, ഇ. നന്ദകുമാര്, എ.വി. ശ്രീകുമാരന്, അഡ്വ. സജീവന്, വി.വി. സുരേഷ് തുടങ്ങിയവര് പ്രസംഗിച്ചു.