30

നെ​യ്യാ​ർ​ഡാം : വൈ​ദ്യു​ത വി​ള​ക്കു​ക​ൾ മി​ഴി തു​റ​ന്ന​തോ​ടെ നെ​യ്യാ​ർ​ഡാ​മി​ലെ ഓ​ണാ​ഘോ​ഷം കാണാൻ ജ​നതി​രക്ക്. തി​രു​വോ​ണ​ത്തി​നും ഇ​ന്ന​ലെ​യും വ​ൻ ജനകൂ​ട്ട​മാ​ണ് ഇ​വി​ടെ എ​ത്തി​യ​ത്. പ​ക​ൽ എ​ത്തി​യ​വ​ർ വൈ​കി​ട്ട​ത്തെ വെ​ളി​ച്ച​ത്തി​ൽ കു​ളി​ച്ച് നി​ൽ​ക്കു​ന്ന ഡാം ​ക​ണ്ടി​ട്ടേ മ​ട​ങ്ങു​ന്നു​ള്ളൂ. നെ​യ്യാ​ർ​ഡാം മു​ഖ്യ ക​വാ​ട പ​രി​സ​ര​ത്ത് ഓ​ണ​പ​താ​ക ഉ​യ​ർ​ത്തി​യാ​ണ് ആ​ഘോ​ഷ​ത്തി​ന് തു​ട​ക്ക​മി​ട്ട​ത്. നീ​ല​ജ​ലാ​ശ​യ​ത്തി​ലെ സു​ന്ദ​ര​മാ​യ യാ​ത്ര​യും ഹ​രി​ത​ഭം​ഗി​യാ​ർ​ന്ന വ​ന​താ​ഴ് വാ​ര​ത്തെ സു​ഖ​ക​ര​മാ​യ അ​ന്ത​രീ​ക്ഷ​വും നു​ക​രാ​ൻ ഇ​ക്കു​റി എ​ത്തി​യ സ​ഞ്ചാ​രി​ക​ളെ​യും കാ​ത്ത് നി​ര​വ​ധി വി​ഭ​വ​ങ്ങ​ളാ​ണ് ഇ​വി​ടെ ഒ​രു​ക്കി​യി​രു​ന്ന​ത്.

ഉ​ദ്യാ​ന​ത്തി​ലെ പ്ര​തി​മ​ക​ൾ മി​നു​ക്ക്പ​ണി​ക​ൾ ന​ട​ത്തി ന​ന്നാ​ക്കി ക​ഴി​ഞ്ഞു. രാ​ത്രി മ​നോ​ഹ​ര​മാ​ക്കാ​ൻ ഉ​ദ്യാ​ന​ത്തി​ലെ വി​ള​ക്കു​ക​ൾ ഭം​ഗി​യാ​ക്കി​യി​ട്ടു​ണ്ട്. കേ​ടു​വ​ന്ന​വ മാ​റ്റു​ക​യും പു​തു​താ​യി പ​ലേ​ട​ത്തും സ്ഥാ​പി​ക്കു​ക​യും ചെ​യ്തു. ട​വ​ർ, ഡാം ​ബ്രി​ഡ്ജ്, അ​ക്വോ​റി​യം, സൈ​ക്കി​ൽ​പാ​ർ​ക്ക് എ​ന്നി​വി​ട​ങ്ങ​ളി​ൽ പ്ര​ത്യേ​ക ദീ​പ​സം​വി​ധാ​നം ഒ​രു​ക്കി​യി​ട്ടു​ണ്ട്. വെ​ളി​ച്ച​ത്തി​ൽ കു​ളി​ച്ച് നി​ൽ​ക്കു​ക​യാ​ണ് നെ​യ്യാ​ർ​ഡാം. കു​ട്ടി​ക​ളു​ടെ പാ​ർ​ക്കി​ൽ വ​ൻ തി​ര​ക്കാ​ണ്. മീ​ൻ​മു​ട്ടി, മു​ല്ല​യാ​ർ, കൊ​മ്പൈ​ക്കാ​ണി, വ​ര​യാ​ട്ടു​മു​ടി എ​ന്നി​വി​ട​ങ്ങ​ളി​ൽ സാ​ഹ​സി​ക​സ​ഞ്ചാ​രം വ​നം വ​കു​പ്പ് ന​ട​ത്തി. ബോ​ട്ട് സ​ർ​വീ​സ് കാ​ര്യ​ക്ഷ​മ​മാ​യി ന​ട​ത്താ​ൻ അഞ്ച് ബോ​ട്ടു​ക​ളാ​ണ് സ​ജ്ജ​മാ​ക്കി​യി​രി​ക്കു​ന്നത്. ബോ​ട്ട് സ​ർ​വീ​സി​നാ​യി ധാ​രാ​ളം പേ​ർ എ​ത്തി. മാ​ൻ​പാ​ർ​ക്ക്, ചീ​ങ്ക​ണ്ണി പാ​ർ​ക്ക്, എ​ന്നി​വി​ട​ങ്ങ​ളി​ൽ ന​ല്ല തി​ര​ക്കു​ള്ള​തി​നാ​ൽ ഇ​വി​ടേ​യ്ക്ക് ബോ​ട്ട് സ​ർ​വീ​സും ഉണ്ട്.

മീ​ൻ​മു​ട്ടി വെ​ള്ള​ചാ​ട്ടം കാ​ണാ​ൻ സൗ​ക​ര്യം ഒ​രു​ക്കി​യി​ട്ടു​ണ്ട്. കാ​പ്പു​കാ​ട് ആ​ന​പാ​ർ​ക്കി​ൽ ഓ​ണ​ക്ക​ളി​ക​ളും സ​ദ്യ​യും ഒ​രു​ക്കി​യി​ട്ടു​ണ്ട്. ആ​ന​സ​വാ​രി​യ്ക്കും ആ​ന​യൂ​ട്ടി​നും ഇ​ക്കു​റി ന​ല്ല തി​ര​ക്കാ​ണ്.

ന​ക്ഷ​ത്ര അ​ക്വേ​റി​യ​ത്തി​ൽ പു​തി​യ ഇ​നം മ​ൽ​സ്യ​ങ്ങ​ൾ എ​ത്തി​യി​ട്ടു​ണ്ട്്. ഇ​ത് കാ​ണി​ക​ൾ​ക്ക് പു​തി​യ അ​നു​ഭ​വം ന​ൽ​കും.​ആ​ഘോ​ഷം ഇന്ന് ​സാംസ്കാരിക ​ഘോ​ഷ​യാ​ത്ര​യോ​ടെ​ സമാപിക്കും.

Tags : Nattuvishesham DistrictNews DeepikaNews