കാളികാവ്: കാളികാവ് ബസാർ ഗവണ്മെന്റ് യുപി സ്കൂളിന് റവന്യു മന്ത്രി എ.പി. അനിൽകുമാർ, എംഎൽഎ ഫണ്ടിൽ നിന്ന് അനുവദിച്ച തുക പ്രയോജനപ്പെടുത്തി നിലവാരമുള്ള കളിമുറ്റം സജ്ജമാക്കി. കളിമുറ്റം മന്ത്രി ഉദ്ഘാടനം ചെയ്തു.
വിദ്യാലയത്തിലെ 1500 കുരുന്നുകൾക്കിനി ആർട്ടിഫിഷൽ ഗ്രൗണ്ടിൽ കളിച്ചുവളരാം. വിദ്യാലയങ്കണത്തിൽ നടന്ന ചടങ്ങിൽ ഗ്രാമപഞ്ചായത്ത് പ്രസിഡന്റ് രമാരാജൻ അധ്യക്ഷത വഹിച്ചു.
വൈസ് പ്രസിഡന്റ് അബ്ദുറഹിമാൻ അഞ്ചച്ചവടി, വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ സവാദ്, മെംബർമാരായ ശിഹാബ്, ഹാരിസ്, ജമാൽ, റിയാസ്, ഷാഹിന, ജിംഷാദ്, മെഹ്റുന്നീസ, ശങ്കരൻ പുല്ലാണി, റിയാന, പഞ്ചായത്ത് സെക്രട്ടറി ഷുക്കൂർ തുടങ്ങിയവർ പ്രസംഗിച്ചു.