3

ചെ​ങ്ങ​ന്നൂ​ർ: എം​സി റോ​ഡി​ൽ മു​ണ്ട​ൻ​കാ​വ് ജം​ഗ്ഷ​നി​ൽ മ​ണി​ക്കൂ​റു​ക​ളോ​ളം ഗ​താ​ഗ​ത​സ്തം​ഭ​നം സൃ​ഷ്ടി​ച്ച കെ​എ​സ്ആ​ർ​ടി​സി സ്വി​ഫ്റ്റ് ബ​സ് ഒ​ടു​വി​ൽ നീ​ക്കം ചെ​യ്തു. ഇ​ന്ന​ലെ പു​ല​ർ​ച്ചെ അ​പ​ക​ട​ത്തി​ൽ​പ്പെ​ട്ട ബ​സ് 16 മ​ണി​ക്കൂ​റു​ക​ൾ​ക്കുശേ​ഷം ഇ​ന്ന​ലെ വൈ​കി​ട്ട് ക്രെ​യി​ൻ ഉ​പ​യോ​ഗി​ച്ച് റോ​ഡി​ൽ​നി​ന്ന് മാ​റ്റി​യ​തോ​ടെ​യാ​ണ് ഗ​താ​ഗ​തം പൂ​ർ​ണ​മാ​യി പു​നഃ​സ്ഥാ​പി​ക്കാ​നാ​യ​ത്.

സു​ൽ​ത്താ​ൻ​ബ​ത്തേ​രി​യി​ൽ​നി​ന്ന് തി​രു​വ​ന​ന്ത​പു​ര​ത്തേ​ക്ക് വ​രി​ക​യാ​യി​രു​ന്ന സ്വി​ഫ്റ്റ് ബ​സ് ഇ​ന്ന​ലെ പു​ല​ർ​ച്ചെ മൂ​ന്നോ​ടെ​യാ​ണ് അ​പ​ക​ട​ത്തി​ൽ​പ്പെ​ട്ട​ത്. ഇ​ട​റോ​ഡി​ൽ​നി​ന്ന് അ​പ്ര​തീ​ക്ഷി​ത​മാ​യി പ്ര​ധാ​ന റോ​ഡി​ലേ​ക്ക് പ്ര​വേ​ശി​ച്ച പി​ക്ക​പ്പ് വാ​നി​നെ മ​റി​ക​ട​ക്കു​ന്ന​തി​നി​ടെ ബ​സ് ഡി​വൈ​ഡ​റി​ലേ​ക്ക് ഇ​ടി​ച്ചു​ക​യ​റു​ക​യാ​യി​രു​ന്നു. ബ​സി​ലു​ണ്ടാ​യി​രു​ന്ന യാ​ത്ര​ക്കാ​ർ അ​ദ്ഭുത​ക​ര​മാ​യാ​ണ് ര​ക്ഷ​പ്പെ​ട്ട​ത്.

അ​പ​ക​ട​ത്തി​നു പി​ന്നാ​ലെ ബ​സ് നീ​ക്കം ചെ​യ്യാ​ൻ അ​ധി​കൃ​ത​ർ കാ​ണി​ച്ച അ​നാ​സ്ഥ​യി​ൽ നാ​ട്ടു​കാ​രു​ടെ പ്ര​തി​ഷേ​ധം ശ​ക്ത​മാ​യി​രു​ന്നു. റോ​ഡി​ന്‍റെ മ​ധ്യ​ഭാ​ഗ​ത്തുത​ന്നെ ബ​സ് കി​ട​ന്ന​തോ​ടെ മ​ണി​ക്കൂ​റു​ക​ളോ​ളം യാ​ത്ര​ക്കാ​ർ ദു​രി​ത​ത്തി​ലാ​യി. രാ​വി​ലെ സ്കൂ​ൾ ബ​സു​ക​ളും ഓ​ഫീ​സ് വാ​ഹ​ന​ങ്ങ​ളും ഉ​ൾ​പ്പെ​ടെ നി​ര​നി​ര​യാ​യി കി​ട​ന്ന​തോ​ടെ ഗ​താ​ഗ​തം സ്തം​ഭി​ച്ചു. ദീ​ർ​ഘ​നേ​രം ക​ഴി​ഞ്ഞും ബ​സ് നീ​ക്കം ചെ​യ്യാ​ൻ ന​ട​പ​ടി​യു​ണ്ടാ​കാ​തി​രു​ന്ന​ത് വ​ലി​യ വി​മ​ർ​ശ​ന​ങ്ങ​ൾ​ക്ക് വ​ഴി​വച്ചു. ഒ​ടു​വി​ൽ വൈ​കി​ട്ട് ഏ​ഴോ​ടെ ക്രെ​യി​ൻ ഉ​പ​യോ​ഗി​ച്ച് ബ​സ് മാ​റ്റി​യ​തോ​ടെ​യാ​ണ് മ​ണി​ക്കൂ​റു​ക​ൾ നീ​ണ്ട ദു​രി​ത​ത്തി​ന് അ​റു​തി​യാ​യ​ത്.

Tags : KSRTC bus Nattuvishesham District News