ചാത്തന്നൂര്: ചിറക്കര പഞ്ചായത്തില് ഇന്ന് കെഎസ്ആര്ടിസിയുടെ ഓര്ഡിനറി സര്വീസ് ഇല്ലാത്ത ചിറക്കര പഞ്ചായത്തില് കെഎസ്ആര്ടിസിയുടെ ഗ്രാമ വണ്ടി സര്വീസ് തുടങ്ങും. വര്ഷങ്ങളായി നാട്ടുകാര് അനുഭവിക്കുന്ന യാത്രാ ക്ലേശം കുറയ്ക്കാന് ഗ്രാമവണ്ടി സഹായിക്കും.
വിദ്യാര്ഥികള്, ജോലിക്കാര്, വയോജനങ്ങള്, സ്കൂള്- കോളജ് വിദ്യാര്ഥികള്, ആശുപത്രിയിലേക്കു പോകുന്നവര് തുടങ്ങിയവര് മതിയായ പൊതുഗതാഗത സൗകര്യത്തിന്റെ അഭാവം മൂലം ബുദ്ധിമുട്ടുകയാണ്.
കെഎസ്ആര്ടിസി ഗ്രാമവണ്ടികള് ഓര്ഡിനറി സര്വീസാണ്. അതിനാല് സ്ത്രീകള്ക്ക് സൗജന്യ യാത്രാ ആനുകൂല്യം ലഭിക്കും.
ചിറക്കര പഞ്ചായത്തിലെ 17വാര്ഡുകളെയും സ്പര്ശിച്ച് പാരിപ്പള്ളി മെഡിക്കല് കോളജിലേക്ക് എത്തിച്ചേരുന്ന ജനകീയ സര്വീസ് യാഥാര്ഥ്യമാക്കുകയാണ് പഞ്ചായത്തിന്റെ ലക്ഷ്യം.
പദ്ധതിക്കായി ബജറ്റില് തുക വകയിരുത്തിയിട്ടുണ്ടെന്ന് പഞ്ചായത്ത് പ്രസിഡന്റ് ഉല്ലാസ് കൃഷ്ണന് അറിയിച്ചു. കെഎസ്ആര്ടിസി ഓര്ഡിനറി സര്വീസുകള് അനുവദിക്കണമെന്നു ചൂണ്ടിക്കാട്ടി ബി.ബി. ഗോപകുമാര് എംഎല് എയ്ക്ക് നിവേദനം സമര്പ്പിച്ചിട്ടുണ്ട് .
Tags : Local News Nattuvishesham Kollam