ഹ​രി​പ്പാ​ട്: കെ​എ​സ്ആ​ർ​ടി​സി ഡി​പ്പോ ക​വാ​ട​ത്തി​ലെ അ​ശാ​സ്ത്രീ​യ​ത​യും സു​ര​ക്ഷാ​വീ​ഴ്ച​ക​ളും ചൂ​ണ്ടി​ക്കാ​ട്ടി ദീ​പി​ക ന​ൽ​കി​യ വാ​ർ​ത്ത​ക​ൾ​ക്ക് പി​ന്നാ​ലെ അ​ടി​യ​ന്ത​ര മ​ന്ത്രി​ത​ല ഇ​ട​പെ​ട​ൽ. ക​വാ​ട​ത്തി​ലെ അ​പ​ക​ട​സാ​ധ്യ​ത​ക​ൾ ഒ​ഴി​വാ​ക്കാ​നും ഡി​പ്പോ​യു​ടെ സ​മ​ഗ്ര വി​ക​സ​ന​ത്തി​നു​മാ​യി ഗ​താ​ഗ​ത മ​ന്ത്രി സി.​പി. ജോ​ണി​ന്‍റെ അ​ധ്യ​ക്ഷ​ത​യി​ൽ ആ​ഭ്യ​ന്ത​ര മ​ന്ത്രി ര​മേ​ശ് ചെ​ന്നി​ത്ത​ല​യു​ടെ സാ​ന്നി​ധ്യ​ത്തി​ൽ തി​രു​വ​ന​ന്ത​പു​ര​ത്ത് ചേ​ർ​ന്ന ഉ​ന്ന​ത​ത​ല യോ​ഗ​ത്തി​ൽ നി​ർ​ണാ​യ​ക തീ​രു​മാ​ന​ങ്ങ​ളാ​യി.

ബ​സു​ക​ൾ സ്റ്റാ​ൻ​ഡി​ലേ​ക്ക് പ്ര​വേ​ശി​ക്കേ​ണ്ട പാ​ത​യി​ലൂ​ടെ​ത്ത​ന്നെ പു​റ​ത്തേ​ക്കും ഇ​റ​ങ്ങു​ന്ന​താ​ണ് ഡി​പ്പോ ക​വാ​ട​ത്തി​ൽ വ​ലി​യ അ​പ​ക​ട​ഭീ​ഷ​ണി​യാ​കു​ന്ന​ത്. ഇ​ടു​ങ്ങി​യ പ്ര​വേ​ശ​ന വ​ഴി​യി​ലൂ​ടെ ബ​സു​ക​ൾ പു​റ​ത്തി​റ​ങ്ങു​ന്ന​ത് കാ​ൽ​ന​ട​യാ​ത്ര​ക്കാ​ർ​ക്കും ഇ​രു​ച​ക്ര​വാ​ഹ​ന​ങ്ങ​ൾ​ക്കും ക​ടു​ത്ത അ​പ​ക​ട​സാ​ധ്യ​ത​യാ​ണ് സൃ​ഷ്ടി​ക്കു​ന്ന​ത്. ക​ഴി​ഞ്ഞ ദി​വ​സം ബൈ​ക്ക് യാ​ത്രി​ക​നാ​യ യു​വാ​വ് സ്റ്റാ​ൻ​ഡി​ലേ​ക്ക് ക​യ​റേ​ണ്ട വ​ഴി​യി​ലൂ​ടെ പു​റ​ത്തേ​ക്ക് വ​ന്ന ബ​സി​ന​ടി​യി​ൽ​പ്പെ​ട്ട് ദാ​രു​ണ​മാ​യി മ​ര​ണ​പ്പെ​ട്ടി​രു​ന്നു. ഇ​വി​ടു​ത്തെ ഗു​രു​ത​ര​മാ​യ സു​ര​ക്ഷാ​വീ​ഴ്ച​ക​ളും അ​ശാ​സ്ത്രീ​യ​ത​യും ചൂ​ണ്ടി​ക്കാ​ട്ടി ദീ​പി​ക വാർത്ത പ്ര​സി​ദ്ധീ​ക​രി​ച്ചി​രു​ന്നു.

ഈ ​അ​പ​ക​ടാ​വ​സ്ഥ നേ​രി​ൽ​ക്ക​ണ്ട് ശാ​ശ്വ​ത പ​രി​ഹാ​രം കാ​ണു​ന്ന​തി​നാ​യി ഈ ​മാ​സം 23ന് ​രാ​വി​ലെ കെ​എ​സ്ആ​ർ​ടി​സി​യും മോ​ട്ടോ​ർ വാ​ഹ​ന വ​കു​പ്പും സം​യു​ക്ത​മാ​യി സ്ഥ​ല​ത്ത് നേ​രി​ട്ടെ​ത്തി പ​രി​ശോ​ധ​ന ന​ട​ത്തും. കൂ​ടാ​തെ, ഡി​പ്പോ​യി​ലെ അ​ടി​സ്ഥാ​ന സൗ​ക​ര്യ​ങ്ങ​ൾ മെ​ച്ച​പ്പെ​ടു​ത്തു​ന്ന​തി​ന്‍റെ ഭാ​ഗ​മാ​യി അ​ന്ന് രാ​വി​ലെ 10.30ന് ​കെ​എ​സ്ആ​ർ​ടി​സി സി​എം​ഡി പ്ര​മോ​ജ് ശ​ങ്ക​റി​ന്‍റ് നേ​തൃ​ത്വ​ത്തി​ലു​ള്ള സം​ഘ​വും ഡി​പ്പോ സ​ന്ദ​ർ​ശി​ക്കും.

ദേ​ശീ​യ​പാ​ത​യോ​ര​ത്ത് ആ​ളു​ക​ളെ ക​യ​റ്റി​യി​റ​ക്കു​ന്ന​ത് ഒ​ഴി​വാ​ക്കാ​ൻ മി​ന്ന​ൽ ഒ​ഴി​കെ​യു​ള്ള എ​ല്ലാ കെ​എ​സ്ആ​ർ​ടി​സി ബ​സു​ക​ളും നി​ർ​ബ​ന്ധ​മാ​യും ഡി​പ്പോ​യ്ക്കു​ള്ളി​ൽ പ്ര​വേ​ശി​ക്ക​ണ​മെ​ന്ന് ക​ർ​ശ​ന നി​ർ​ദേ​ശം ന​ൽ​കി.​ഡി​പ്പോ​യ്ക്ക് പ്ര​ത്യേ​ക ബ​ജ​റ്റ് ടൂ​റി​സം ലി​വ​റി ബ​സ് അ​നു​വ​ദി​ക്കും. ജീ​വ​ന​ക്കാ​രു​ടെ കു​റ​വ് പ​രി​ഹ​രി​ക്കാ​നും പാ​സ​ഞ്ചേ​ഴ്സ് ഫോ​റം ത​യാ​റാ​ക്കി​യ സ​മ​ഗ്ര വി​ക​സ​ന രേ​ഖ ന​ട​പ്പാ​ക്കാ​നും യോ​ഗ​ത്തി​ൽ തീ​രു​മാ​ന​മാ​യി.

തീ​ർ​ഥാ​ട​ക​ർ​ക്കാ​യി തൃ​ക്കു​ന്ന​പ്പു​ഴ, മു​തു​കു​ളം, വീ​യ​പു​രം വ​ഴി​യു​ള്ള മൂ​ന്നു പു​തി​യ പ​മ്പ സ​ർ​വീ​സു​ക​ൾ ഉ​ട​ൻ ആ​രം​ഭി​ക്കും. മു​തു​കു​ളം-വെ​ട്ട​ത്ത്ക​ട​വ് വ​ഴി ഉ​ൾ​പ്പെ​ടെ​യു​ള്ള പു​തി​യ റൂ​റ​ൽ സ​ർ​വീ​സു​ക​ൾ, നെ​ടു​മ്പാ​ശേ​രി, പ​ള​നി, മൈ​സൂ​ർ, മൂ​കാം​ബി​ക, തെ​ങ്കാ​ശി, ക​മ്പം റൂ​ട്ടു​ക​ളും കൊ​ച്ചു​വേ​ളി–​ആ​ർ​സി​സി ക​ണ​ക്റ്റി​വി​റ്റി സ​ർ​വീ​സും ഉ​ട​ൻ പ​രി​ഗ​ണി​ക്കും. കെ​എ​സ്ആ​ർ​ടി​സി സി​എം​ഡി പ്ര​മോ​ജ് ശ​ങ്ക​ർ, പാ​സ​ഞ്ചേ​ഴ്സ് ഫോ​റം പ്ര​സി​ഡ​ന്‍റ് വി. ​ഷു​ക്കൂ​ർ തു​ട​ങ്ങി​യ​വ​രും യോ​ഗ​ത്തി​ൽ പ​ങ്കെ​ടു​ത്തു.

Tags : NattuVishesham.DistricteNews