10

മൃതദേഹം കണ്ടെത്തിയത് അഴുകിയ നിലയിൽ

ആ​റ്റി​ങ്ങ​ൽ: മി​ന്ന​ൽ ഫൈ​സ​ലി​ന്‍റെ മ​ര​ണം കൊ​ല​പാ​ത​കം, പ്ര​തി പി​ടി​യി​ൽ. ക​ല്ല​മ്പ​ലം നാ​വാ​യി​ക്കു​ളം സ​ബീ​ന മ​ൻ​സി​ലി​ൽ അ​ൻ​സി​ൽ (26) ആ​ണ് പി​ടി​യി​ലാ​യ​ത്. നി​ര​വ​ധി കേ​സു​ക​ളി​ലെ പ്ര​തി മു​ട്ട​പ്പ​ലം പ്ലാ​വി​ള പു​ത്ത​ൻ​വീ​ട്ടി​ൽ മി​ന്ന​ൽ ഫൈ​സ​ലി​ന്‍റെ (45) മൃ​ത​ദേ​ഹം ജീ​ർ​ണി​ച്ച നി​ല​യി​ൽ ക​ണ്ടെ​ത്തി​യ സം​ഭ​വ​മാ​ണ് കൊ​ല​പാ​ത​ക​മെ​ന്നു വ്യ​ക്ത​മാ​യ​ത്. ‌

പ​ത്തു ദി​വ​സം പ​ഴ​ക്കം​ചെ​ന്ന നി​ല​യി​ലാ​ണു മൃ​ത​ദേ​ഹം ക​ണ്ടെ​ത്തി​യ​ത്. കൊ​ല​പാ​ത​കം ന​ട​ന്ന​ത് ജൂ​ൺ 20 നാ​യി​രു​ന്നു. മൃ​ത​ദേ​ഹം ക​ണ്ടെ​ത്തി​യ​ത് ജൂ​ലൈ ഒ​ന്നി​നും. ത​ല​ക്കേ​റ്റ വെ​ട്ടാ​ണ് മ​ര​ണ​കാ​ര​ണ​മെ​ന്നു പോ​സ്റ്റു​മോ​ർ​ട്ട​ത്തി​ൽ ക​ണ്ടെ​ത്തി​യി​രു​ന്നു. അ​ഞ്ചു പോ​ലീ​സ് സ്റ്റേ​ഷ​നു​ക​ളി​ലാ​യി മോ​ഷ​ണം, വ​ധ​ശ്ര​മം, ല​ഹ​രി വി​ല്പ​ന തു​ട​ങ്ങി 26 കേ​സു​ക​ളി​ലെ പ്ര​തി​യാ​യ ഫൈ​സ​ലി​ന്‍റെ പേ​രി​ൽ കാ​പ്പ കേ​സും നി​ല വി​ലു​ണ്ട്.

മോ​ഷ​ണ​മു​ത​ൽ പ​ങ്കി​ടു​ന്ന​തി​നെ​ച്ചൊ​ല്ലി മ​ദ്യ​ല​ഹ​രി​യി​ലു​ണ്ടാ​യ ത​ർ​ക്ക​മാ​ണു കൊ​ല​പാ​ത​ക​ത്തി​നു കാ​ര​ണ​മാ​യ​ത്. തെ​ളി​വു​ക​ൾ ഇ​ല്ലാ​തി​രു​ന്ന സം​ഭ​വ​ത്തി​ൽ റൂ​റ​ൽ എ​സ്പി പ്ര​ശാ​ന്ത​ൻ കാ​ണി​യു​ടെ നി​ർ​ദേ​ശാ​നു​സ​ര​ണം ആ​റ്റി​ങ്ങ​ൽ ഡി​വൈ​എ​സ്പി ജി.​സ​ന്തോ​ഷ്കു​മാ​റി​ന്‍റെ നേ​തൃ​ത്വ​ത്തി​ൽ പ്ര​ത്യേ​ക സ്ക്വാ​ഡ് രൂ​പീ​ക​രി​ച്ചാ​യി​രു​ന്നു അ​ന്വേ​ഷ​ണം.

ഭ​ക്ഷ​ണം കൊ​ണ്ടു​ന​ൽ​കി​യ ഓ​ട്ടോ​റി​ക്ഷാ ഡ്രൈ​വ​റി​ൽ​നി​ന്നു ല​ഭി​ച്ച വി​വ​ര​ത്തി​ൽ തു​ട​ങ്ങി നാ​ട്ടി​ലെ മൊ​ത്തം സി​സി​ടി​വി ദൃ​ശ്യ​ങ്ങ​ളും പ​രി​ശോ​ധി​ച്ചാ​ണു തെ​ളി​വെ​ടു​ത്ത​ത്. പ്ര​തി​യു​ടെ രൂ​പം കി​ട്ടി​യി​ട്ടും ആ​ളി​നെ ക​ണ്ടെ​ത്താ​ൻ പ്ര​യാ​സ​പ്പെ​ട്ടു. അ​ൻ​സി​ൽ ഫോ​ൺ ഉ​പ​യോ​ഗി​ക്കാ​ത്ത​ത് പോ​ലീ​സി​നു കൂ​ടു​ത​ൽ പ്ര​യാ​സം സൃ​ഷ്ടി​ച്ചു. ആ​റ്റി​ങ്ങ​ൽ ന​ഗ​ര​ത്തി​ലെ സി​സി​ടി​വി​യി​ൽ ബാ​റി​ലേ​ക്കു പ്ര​തി​യും മ​റ്റൊ​രു യു​വാ​വും പോ​കു​ന്ന​തു ക​ണ്ടി​രു​ന്നു. ആ ​യു​വാ​വി​നെ ക​ണ്ടെ​ത്തി അ​ന്വേ​ഷി​ച്ച​പ്പോ​ൾ ബോ​ട്ടി​ൽ മ​ത്സ്യ​ബ​ന്ധ​ത്തി​നു പോ​യ​പ്പോ​ഴു​ള്ള പ​രി​ച​യ​മാ​ണെ​ന്നും കൂ​ടു​ത​ൽ വി​വ​രം അ​റി​യി​ല്ലെ​ന്നും വി​വ​രം ല​ഭി​ച്ചു.

തു​ട​ർ​ന്ന് ബോ​ട്ടു​ട​മ​യെ ക​ണ്ടെ​ത്തി ന​ട​ത്തി​യ അ​ന്വേ​ഷ​ണ​ത്തി​ലാ​ണു പ്ര​തി​യെ തി​രി​ച്ച​റി​ഞ്ഞ​ത്. അ​ൻ​സി​ലി​ന്‍റെ പേ​രി​ൽ ക​ല്ല​മ്പ​ലം സ്റ്റേ​ഷ​നി​ൽ കേ​സ് നി​ല​വി​ലു​ണ്ട്. നാ​വാ​യി​കു​ള​ത്തു​നി​ന്നും അ​റ​സ്റ്റുചെ​യ്ത് അ​ൻ​സി​ലി​നെ ആ​റ്റി​ങ്ങ​ൽ കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തു. തെ​ളി​വെ​ടു​പ്പി​നായി പ്ര​തി​യെ പോ​ലീ​സ് പിന്നീട് ക​സ്റ്റ​ഡി​യി​ൽ വാ​ങ്ങും.

Tags : Local News Nattuvishesham Thiruvananthapuram