10

വൈ​ക്കം: വെ​ച്ചൂ​ർ പ​ഞ്ചാ​യ​ത്തി​ൽ കു​ടി​വെ​ള്ളം ല​ഭി​ക്കാ​ത്ത​തി​ൽ പ്ര​തി​ഷേ​ധി​ച്ച് വെ​ച്ചൂ​ർ പ​ഞ്ചാ​യ​ത്ത് ഭ​ര​ണസ​മി​തി അം​ഗ​ങ്ങ​ൾ വൈ​ക്കം വാ​ട്ട​ർ അഥോ റിറ്റി അ​സി​സ്റ്റ​ന്‍റ് എ​ക്സി​ക്യു​ട്ടീ​വ് എ​ൻ​ജി​നീ​യ​റു​ടെ കാ​ര്യാ​ല​യം ഉ​പ​രോ​ധി​ച്ചു. ഒ​രാ​ഴ്ച​യാ​യി പ​ഞ്ചാ​യ​ത്തി​ൽ കു​ടി​വെ​ള്ളം ല​ഭി​ക്കു​ന്നി​ല്ലെ​ന്നും മാ​സ​ങ്ങ​ളാ​യി വെ​ച്ചൂ​രി​ലെ ഉ​ൾ​പ്ര​ദേ​ശ​ങ്ങ​ളി​ൽ വെ​ള്ളം കി​ട്ടാ​ത്ത സ്ഥ​ല​ങ്ങ​ളു​ണ്ടെ​ന്നും പ​ഞ്ചാ​യ​ത്ത് അം​ഗ​ങ്ങ​ൾ ആ​രോ​പി​ച്ചു. വെ​ച്ചൂ​രി​ലെ ജ​ന​സാ​ന്ദ്ര​ത​യേ​റി​യ കൈ​പ്പു​ഴ​മു​ട്ട്, അം​ബി​കാ മാ​ർ​ക്ക​റ്റ്, മ​ഞ്ചാ​ടി​ക്ക​രി, പു​ത്ത​ൻ​പാ​ലം, ക​ള​രി​ക്ക​ൽ, ച​ക്രം​പു​ര​യ്ക്ക​ൽ, ഇ​ട​യാ​ഴം തു​ട​ങ്ങി​യ സ്ഥ​ല​ങ്ങ​ളി​ലാ​ണ് കു​ടി​വെ​ള്ള​ക്ഷാ​മം അ​തി​രൂ​ക്ഷ​മാ​യ​ത്.

പ​ഞ്ചാ​യ​ത്തി​ലെ 14 വാ​ർ​ഡു​ക​ളി​ലും മു​മ്പ് ആ​ഴ്ച​യി​ൽ ര​ണ്ട് ദി​വ​സ​മെ​ങ്കി​ലും വെ​ള്ളം ല​ഭി​ച്ചി​രു​ന്ന​താ​ണെ​ന്നും ക​ഴി​ഞ്ഞ ആ​റു​ മാ​സ​മാ​യി കു​ടി​വെ​ള്ള വി​ത​ര​ണം താ​റു​മാ​റാ​യെ​ന്നും ജ​ന​പ്ര​തി​നി​ധി​ക​ൾ കു​റ്റ​പ്പെ​ടു​ത്തു​ന്നു. വെ​ച്ചൂ​രി​ലെ കു​ടി​വെ​ള്ള വി​ത​ര​ണ​ത്തിന്‍റെ ക്ര​മീ​ക​ര​ണ​ങ്ങ​ൾ ന​ട​ത്തു​ന്ന ഓ​പ്പ​റേ​റ്റ​റെ അ​ടു​ത്ത​കാ​ല​ത്ത് മാ​റ്റി​യ​തും കു​ടി​വെ​ള്ള വി​ത​ര​ണം കാ​ര്യ​ക്ഷ​മ​മാ​ക്കാ​ൻ അ​ധി​കൃ​ത​ർ ഏ​കോ​പ​ന​ത്തോ​ടെ ന​ട​പ​ടി സ്വീ​ക​രി​ക്കാ​ത്ത​തു​മാ​ണ് കു​ടി​വെ​ള്ള വി​ത​ര​ണം മു​ട​ങ്ങു​ന്ന​തി​നി​ട​യാ​ക്കു​ന്ന​തെ​ന്നാ​ണ് ആ​രോ​പ​ണം. വൈ​ക്ക​ത്തെ തു​റു​വേ​ലി​ക്കു​ന്ന്, ത​ല​യാ​ഴ​ത്തെ കൂ​വം, ക​ടു​ത്തു​രു​ത്തി​ലെ മാ​ന്നാ​ർ എ​ന്നി​വ​ട​ങ്ങ​ളി​ൽ വാ​ൽ​വ് തു​റ​ന്നാ​ൽ വെ​ച്ചൂ​രി​ൽ എ​ല്ലാ​യി​ട​ങ്ങ​ളി​ലും വെ​ള്ളം ല​ഭി​ക്കി​ല്ല.

മു​ൻ​കാ​ല​ങ്ങ​ളി​ൽ വെ​ച്ചൂ​രി​ലേ​ക്ക് വെ​ള്ളം വി​ടു​ന്ന ദി​വ​സം ഈ ​വാ​ൽ​വു​ക​ൾ തു​റ​ന്നി​രു​ന്നി​ല്ല. ദി​വ​സ​ങ്ങ​ളാ​യി കു​ടി​വെ​ള്ളം ല​ഭി​ക്കാ​ത്ത കാ​ര്യം നി​ര​വ​ധി ത​വ​ണ പ​രാ​തി​പ്പെ​ട്ടി​ട്ടും അ​ധി​കൃ​ത​ർ സാ​ങ്കേ​തി​ക​ത്വം പ​റ​ഞ്ഞ് ത​ടി​ത​പ്പു​ക​യാ​ണെ​ന്ന് ജ​ന​പ്ര​തി​നി​ധി​ക​ൾ കു​റ്റ​പ്പെ​ടു​ത്തു​ന്നു. പ​ഞ്ചാ​യ​ത്ത് ഭ​ര​ണ​സ​മി​തി അം​ഗ​ങ്ങ​ളു​മാ​യി അ​സി​സ്റ്റ​ന്‍റ് എ​ക്സി​ക്യു​ട്ടീ​വ് എ​ൻ​ജി​നി​യ​ർ എ​ൻ. നൂ​ർ​ജ​ഹാ​നു​മാ​യി ന​ട​ത്തി​യ ച​ർ​ച്ച​യി​ൽ അ​പാ​ക​ത​ക​ൾ പ​രി​ഹ​രി​ച്ച് കു​ടി​വെ​ള്ള വി​ത​ര​ണം കാ​ര്യ​ക്ഷ​മ​മാ​ക്കു​മെ​ന്ന ഉ​റ​പ്പ് ല​ഭി​ച്ച​തി​നെ തു​ട​ർ​ന്നാ​ണ് സ​മ​രം അ​വ​സാ​നി​പ്പി​ച്ച​ത്.

ച​ർ​ച്ച​യി​ലെ ധാ​ര​ണ പ്ര​കാ​രം ബ​ന്ധ​പ്പെ​ട്ട അ​സി​സ്റ്റന്‍റ് എ​ൻ​ജി​നി​യ​ർ, ഓ​വ​ർ​സി​യ​ർ, വെ​ച്ചൂ​രി​ൽ വാ​ൽ​വ് തു​റ​ക്കു​ന്ന ഓ​പ്പ​റേ​റ്റ​ർ തു​ട​ങ്ങി​യ​വ​രു​മാ​യി സം​സാ​രി​ച്ച് കു​ടി​വെ​ള്ള വി​ത​ര​ണം കാ​ര്യ​ക്ഷ​മ​മാ​ക്കു​ന്ന​തി​ന് ന​ട​പ​ടി ത്വ​രി​ത​പ്പെ​ടു​ത്തു​മെ​ന്ന് അ​സി​സ്റ്റന്‍റ് എ​ക്സി​ക്യു​ട്ടീ​വ് എ​ൻ​ജി​നീയ​ർ എ​ൻ. നൂ​ർ ജ​ഹാ​ൻ പ​റ​ഞ്ഞു.

സ​മ​ര​പ​രി​പാ​ടി​ക്ക് പ​ഞ്ചാ​യ​ത്ത് പ്ര​സി​ഡ​ന്‍റ് ബി​ന്ദു​ അ​ജി, വൈ​സ് പ്ര​സി​ഡ​ന്‍റ് എ​ൻ.​അ​ഭി​ഷേ​ക്, ശ്രീ​ദേ​വി ജ​യ​ൻ, ടി.​ഡി. ഗീ​ത, ലൈ​ജു കു​ഞ്ഞു​മോ​ൻ, മി​നി​മോ​ൾ കോ​ട്ട​യ്ക്ക​ൽ, ഇ.​എം.​അ​മ​ലേ​ന്ദു, പി.​ആ​ർ. ര​ജീ​ഷ്, രാ​കേ​ഷ് പ​ഞ്ചാ​രി, വി.​ടി. ജ​യ​ശ്രീ എ​ന്നി​വ​ർ നേ​തൃ​ത്വം ന​ൽ​കി.

Tags : Local News Nattuvishesham Kottayam