അയര്ക്കുന്നം: പാറേക്കടവ് പാലം നിര്മാണം 10 വര്ഷമായി അനിശ്ചിതത്വത്തിലാക്കിയതിനും പുതുപ്പള്ളി നിയോജക മണ്ഡലത്തിലെ വികസനം തടയുന്നതിനുമെതിരേ പ്രതിഷേധവുമായി ജനങ്ങള്. അയര്ക്കുന്നം വികസനസമിതിയുടെയും ഉള്നാടന് മത്സ്യത്തൊഴിലാളി യൂണിയന്റെയും സംയുക്താഭിമുഖ്യത്തില് പണിതീരാത്ത പാലത്തിനു സമീപം സംഘടിപ്പിച്ച ജനകീയ പ്രക്ഷോഭം നാട്ടുകാരുടെ വലിയ പങ്കാളിത്തത്താല് ശ്രദ്ധേയമായി.
അയര്ക്കുന്നം പഞ്ചായത്ത് പ്രസിഡന്റ് ഗീതാ രാധാകൃഷ്ണന് പ്രക്ഷോഭം ഉദ്ഘാടനം ചെയ്തു. ജനങ്ങളുടെ യാത്രാക്ലേശം പരിഹരിക്കാന് 10 വര്ഷം മുന്പ് ആരംഭിച്ച പദ്ധതി ഇന്നും പാതിവഴിയില് നില്ക്കുന്നത് മണ്ഡലത്തോടുള്ള കടുത്ത അവഗണനയാണെന്ന് ഉദ്ഘാടന പ്രസംഗത്തില് അവര് ചൂണ്ടിക്കാട്ടി. വികസനസമിതി പ്രസിഡന്റ് ജോയി കൊറ്റത്തില് അധ്യക്ഷത വഹിച്ചു.
ബ്ലോക്ക് കോണ്ഗ്രസ് വൈസ്പ്രസിഡന്റും ഉള്നാടന് മത്സ്യത്തൊഴിലാളി യൂണിയന് പ്രസിഡന്റുമായ ജോയ്സ് കൊറ്റത്തില്, മണ്ഡലം പ്രസിഡന്റ് ജിജി നാകമറ്റം, ജില്ലാ പഞ്ചായത്തംഗം ഗ്രേസി കരിമ്പന്നൂര്, ബ്ലോക്ക് പഞ്ചായത്തംഗം കെ.സി. ഐപ്പ്, വാര്ഡംഗം ആലീസ് സിബി, പി.കെ. സുധാകരന് നീറിക്കാട്, ജാഫര് പണയില്, മീര പ്രശാന്ത്, ഏബ്രഹാം ഫിലിപ്പ് കൊറ്റത്തില്, ജോസ് വാതല്ലൂര്, ബാബു തോട്ടം, സജി പനച്ചിക്കല്, എം.ജി. ഗോപാലന്, ബേബി മുരിങ്ങയില്, ശ്രീനി ആയാട്ടില് തുടങ്ങിയവര് പ്രസംഗിച്ചു.
Tags : nattu vishesham Parakadava Bridge