ബാലുശേരി ഹൈസ്കൂളിന് സമീപം മർക്കസ് ജംഗ്ഷനിൽ ഡ്രൈനേജ് സൗകര്യമില്ലാത്തതിനാൽ മഴവെള്ളം റോഡിൽ കെട്ടിക്കിടക്കുന്നു.
ബാലുശേരി: ബാലുശേരി കണ്ണാടി പോയിൽ റോഡിൽ ബാലുശേരി ഹൈസ്കൂളിന് സമീപം മർക്കസ് ജംഗ്ഷനിൽ ഡ്രൈനേജ് സൗകര്യമില്ലാത്തതിനാൽ മഴപെയ്യുമ്പോൾ മഴവെള്ളം റോഡിലൂടെ ഒഴുകുന്നത് കാൽനടയാത്രക്കാർക്കും വിദ്യാർഥികൾക്കും ദുരിതമായി മാറുന്നു.
ബാലുശേരി ഹൈസ്കൂളിലേക്കും മാർക്കസ് സ്കൂളിലേക്കും ദിവസേന നൂറുകണക്കിന് വിദ്യാർഥികൾ പോകുന്ന പ്രധാന വഴിയാണിത്.മഴക്കാലത്ത് റോഡിലൂടെ ശക്തമായി വെള്ളം ഒഴുകുന്നതിനാൽ വിദ്യാർഥികൾ ഉൾപ്പെടെയുള്ള കാൽനടയാത്രക്കാർ റോഡിന്റെ നടുഭാഗത്തുകൂടിയാണ് സഞ്ചരിക്കേണ്ടി വരുന്നത്.
ഇത് അപകടസാധ്യത വർധിക്കുന്നതായാണ് പരാതി. വിദ്യാർഥികളുടെ സുരക്ഷയും കാൽനടയാത്രക്കാരുടെ സൗകര്യവും മുൻനിർത്തി ഈ ഭാഗത്ത് അടിയന്തരമായി ഡ്രൈനേജ് നിർമിച്ച് മഴവെള്ളം സുഗമമായി ഒഴുകിപ്പോകുന്നതിനുള്ള സംവിധാനം ഒരുക്കണമെന്ന് നാട്ടുകാർ ബന്ധപ്പെട്ട അധികൃതരോട് ആവശ്യപ്പെട്ടു.
മഴക്കാലത്ത് അപകടഭീഷണി ഒഴിവാക്കാൻ വിഷയത്തിൽ ഉടൻ ഇടപെടണമെന്ന ആവശ്യവും ശക്തമാണ്.
Tags : Local News Nattuvishesham Kozhikode