28

സു​ല്‍​ത്താ​ന്‍ ബ​ത്തേ​രി: നൂ​ല്‍​പ്പു​ഴ മാ​റോ​ട് കാ​ട്ടാ​ന​ശ​ല്യ​ത്തി​ന് പ​രി​ഹാ​ര​മാ​യി​ല്ല. ക​ഴി​ഞ്ഞ​ദി​വ​സ​ങ്ങ​ളി​ല്‍ ഇ​റ​ങ്ങി​യ കാ​ട്ടാ​ന നെ​ല്ല്, വാ​ഴ, തെ​ങ്ങ് അ​ട​ക്ക​മു​ള്ള വി​ള​ക​ള്‍ ന​ശി​പ്പി​ച്ചു.

സ​മീ​പ​ത്തെ വ​ന​ത്തി​ല്‍ നി​ന്നെ​ത്തി​യ കാ​ട്ടാ​ന പ്ര​ദേ​ശ​വാ​സി​യും ക​ര്‍​ഷ​ക​നു​മാ​യ ഗോ​പി​യു​ടെ നെ​ല്‍​കൃ​ഷി​യും സ​മീ​പ​ത്തെ വാ​ഴ​കൃ​ഷി​യും ന​ശി​പ്പി​ച്ചു. ഇ​ന്ന​ലെ പു​ല​ര്‍​ച്ചെ​യാ​ണ് കാ​ട്ടാ​ന ഇ​റ​ങ്ങി വി​ള​ക​ള്‍ ന​ശി​പ്പി​ച്ച​ത്. സ​മീ​പ​ത്തെ കൃ​ഷി​യി​ട​ത്തി​ലെ തെ​ങ്ങും ക​ഴി​ഞ്ഞ​ദി​വ​സ​ങ്ങ​ളി​ല്‍ കാ​ട്ടാ​ന​ന​ശി​പ്പി​ച്ചി​രു​ന്നു. ക​ഴി​ഞ്ഞ കു​റ​ച്ച് ദി​വ​സ​ങ്ങ​ളാ​യി പ്ര​ദേ​ശ​ത്ത് രൂ​ക്ഷ​മാ​യ കാ​ട്ടാ​ന​ശ​ല്യ​മാ​ണ്. ഇ​തി​നു​പ​രി​ഹാ​രം കാ​ണാ​ന്‍ വ​നം​വ​കു​പ്പി​ന് സാ​ധി​ക്കാ​ത്ത​തി​ല്‍ ക​ര്‍​ഷ​ക​രു​ടെ ഇ​ട​യി​ല്‍ ശ​ക്ത​മാ​യ പ്ര​തി​ഷേ​ധ​വും നി​ല​നി​ല്‍​ക്കു​ന്നു​ണ്ട്.

പ്ര​തി​രോ​ധ സം​വി​ധാ​ന​ങ്ങ​ള്‍ ഇ​ല്ലാ​ത്ത​തി​നാ​ല്‍ വ​ന്യ​മൃ​ഗ​ങ്ങ​ള്‍ കൃ​ഷി​യി​ട​ത്തി​ലി​റ​ങ്ങു​ന്ന​ത് ത​ട​യാ​ന്‍ രാ​ത്രി കാ​വ​ല്‍​കി​ട​ക്കാ​നും ക​ര്‍​ഷ​ക​ര്‍ ഭ​യ​ക്കു​ക​യാ​ണ്. ഇ​ത്ത​വ​ണ മ​ഴ​കു​റ​വാ​യി​ട്ടും കൃ​ഷി​ഇ​റ​ക്കി​യ​ത് എ​ങ്ങ​നെ​യെ​ങ്കി​ലും കൃ​ഷി​ചെ​യ്‌​തെ​ടു​ക്കാ​മെ​ന്ന് ക​രു​തി​യാ​ണെ​ന്നും അ​തി​ന് കാ​ട്ടാ​ന​ക​ള്‍ സ​മ്മ​തി​ക്കു​ന്നി​ല്ലെ​ന്നാ​ണ് ക​ര്‍​ഷ​ക​രു​ടെ പ​രി​ഭ​വം.

ര​ണ്ട് വ​ര്‍​ഷം​മു​മ്പ് പ്ര​ദേ​ശ​ത്തെ ക​ര്‍​ഷ​ക​നാ​യ രാ​ജു​വി​നെ കൃ​ഷി​യി​ട​ത്തി​ല്‍ കാ​ട്ടാ​ന ആ​ക്ര​മി​ച്ചു​കൊ​ന്നി​രു​ന്നു. അ​ന്ന് കാ​ട്ടാ​ന​ശ​ല്യ​ത്തി​ന് പ​രി​ഹാ​രം കാ​ണ​ണ​മെ​ന്നാ​വ​ശ്യ​പ്പെ​ട്ട് നാ​ട്ടു​ക​ര്‍ ശ​ക്ത​മാ​യ പ്ര​തി​ഷേ​ധ​വു​മാ​യി രം​ഗ​ത്തെ​ത്തി. ഇ​തേ തു​ട​ര്‍​ന്ന സ്ഥ​ല​ത്തെ​ത്തി​യ മ​ന്ത്രി​മാ​ര്‍ ഗ്രാ​മ​ത്തി​നു​ചു​റ്റും വ​നാ​തി​ര്‍​ത്തി​യി​ല്‍ തൂ​ക്ക് വേ​ലി സ്ഥാ​പി​ക്കാ​മെ​ന്ന് പ​റ​ഞ്ഞെ​ങ്കി​ലും ഇ​തു​വ​രെ ന​ട​പ​ടി​യാ​യി​ട്ടി​ല്ല. ഇ​തു​കാ​ര​ണം പ​ന്നി, മാ​ന്‍ തു​ട​ങ്ങി​യ മൃ​ഗ​ങ്ങ​ള്‍ കൃ​ഷി​യി​ട​ത്തി​ല്‍ എ​ത്തു​ന്ന​ത് ത​ട​യാ​ന്‍ ക​ഴി​യു​ന്നി​ല്ല. പ്ര​ദേ​ശ​ത്ത് പ​ട്രോ​ളിം​ഗ് ഉ​ണ്ടെ​ങ്കി​ലും അ​തു​കൊ​ണ്ടൊ​ന്നും കാ​ട്ടാ​ന കൃ​ഷി​യി​ട​ത്തി​ല്‍ ഇ​റ​ങ്ങു​ന്ന​ത് ത​ട​യാ​നാ​കി​ല്ലെ​ന്നാ​ണ് ക​ര്‍​ഷ​ക​ര്‍ ചൂ​ണ്ടി​ക്കാ​ണി​ക്കു​ന്ന​ത്. പ്ര​ദേ​ശ​ത്തെ കാ​ട്ടാ​ന​ശ​ല്യ​ത്തി​ന് അ​ടി​യ​ന്ത​ര പ​രി​ഹാ​രം കാ​ണാ​ന്‍ വ​നം​വ​കു​പ്പ് ത​യാ​റാ​ക​ണ​മെ​ന്ന ആ​വ​ശ്യ​മാ​ണ് ഉ​യ​രു​ന്ന​ത്.

Tags : Nattuvishesham DistrictNews DeepikaNews