ജില്ലാ മദ്യനിരോധന സമിതി ഗാന്ധി ഗൃഹത്തിൽ സംഘടിപ്പിച്ച പഠനവും പരീക്ഷയുമെന്ന പരിപാടിയുടെ സമാപന സമ്മേളനത്തിൽ ജില്ലാ പഞ്ചായത്ത് പ്രസിഡന്റ് മില്ലി മോഹൻ സംസാരിക
കോഴിക്കോട് : സ്വന്തം ജീവനും ജീവിതവും രക്ഷിക്കാനായി ഭീകരരാസലഹരികളെ കുറിച്ച് അറിയാനും പെട്ടുപോകാതിരിക്കാനും വിദ്യാര്ഥികള് ശ്രദ്ധിക്കണമെന്ന് ജില്ലാ പഞ്ചായത്ത് പ്രസിഡന്റ് മില്ലി മോഹൻ പറഞ്ഞു.
ഓപറേഷൻ തുഫാന് പിന്തുണയുമായി ജില്ലാ മദ്യനിരോധന സമിതി ഗാന്ധി ഗൃഹത്തിൽ സംഘടിപ്പിച്ച ആയിരം വിദ്യാർഥികള്ക്കുള്ള പഠനവും പരീക്ഷയുമെന്ന പരിപാടിയുടെ സമാപന സന്ദേശം നല്കുകയായിരുന്നു അവര്. മദ്യത്തിനും മറ്റു ലഹരികൾക്കുമെതിരെ പ്രശ്നോത്തരി പുസ്തകവിതരണവും സമ്മാനദാനവും മില്ലി മോഹന് നിര്വഹിച്ചു.
20-ഓളം വിദ്യാർത്ഥികൾക്കുള്ള ലഹരി വിരുദ്ധ കവിതാലാപന മൽസരവും നടന്നു. മദ്യനിരോധനസമിതി സംസ്ഥാന അധ്യക്ഷന്ഇയ്യച്ചേരി കുഞ്ഞികൃഷ്ണൻ ഉദ്ഘാടനം ചെയ്തു. ജില്ലാ പ്രസിഡന്റ് അഡ്വ. ആയാടത്തിൽ ശ്രീധരൻ അധ്യക്ഷത വഹിച്ചു.
സമിതി സംസ്ഥാന കോഡിനേറ്റർ പ്രൊഫ.ടി.എം. രവീന്ദ്രൻ മത്സരങ്ങൾ നിയന്ത്രിച്ചു. പ്രൊഫ.ഒ.ജെ. ചിന്നമ്മ വിദ്യാര്ഥികള്ക്ക് ലഹരി വിരുദ്ധ പ്രതിജ്ഞ ചൊല്ലിക്കൊടുത്തു. ജോസഫ് പൂതക്കുഴി, ഡോ: പ്രശാന്ത് ബാവ ,സഫിയ അലി, രത്നം ജയദേവൻ , ഇയ്യച്ചേരി പദ്മിനി, ബി.കെ കൗസല്യ വി. കെ ദാമോദരൻ, പൊയിലിൽ കൃഷ്ണൻ ഉള്പ്പെടെയുള്ളവര് പങ്കെടുത്തു.
Tags : Local News Nattuvishesham Kozhikode