പേഴുംകര മോഡൽ ഹൈസ്കൂൾ വിദ്യാർഥികൾ നടത്തിയ ലഹരിവിരുദ്ധ റാലി നോർത്ത് പോലീസ് സ്റ്റേഷൻ അസിസ്റ്റന്റ് സബ് ഇൻസ്പെക്ടർ വിജയം ഉദ്ഘാടനം ചെയ്യുന്നു.
പാലക്കാട്: ലഹരിക്കെതിരേ ശക്തമായ പോരാട്ടവുമായി പേഴുംകര മോഡൽ ഹൈസ്കൂൾ വിദ്യാർഥികൾ. വിദ്യാലയത്തിലെ വിവിധ ക്ലബ്ബുകളുടെ ആഭിമുഖ്യത്തിൽ വിദ്യാർഥികൾ ലഹരിവിരുദ്ധ റാലിയും സാമൂഹ്യ ബോധവത്കരണവും തെരുവുനാടകവും സംഘടിപ്പിച്ചു. ‘ചിറകരിയുന്ന ലഹരിവേണ്ട, ചിന്തയുണർത്തും നാളെ മതി’ എന്ന സന്ദേശം ഉയർത്തിയായിരുന്നു വിദ്യാർഥികളുടെ ഈ ലഹരിവിരുദ്ധ പോരാട്ടം.
ജെആർസി, സ്കൗട്ട് ആൻഡ് ഗൈഡ്സ്, മലർവാടി, ടീൻ ഇന്ത്യ തുടങ്ങി സ്കൂളിലെ മുഴുവൻ ക്ലബുകളും പരിപാടിയിൽ പങ്കാളികളായി. വിദ്യാർഥികൾ തയാറാക്കിയ ലഹരിവിരുദ്ധ തെരുവ് നാടകം ശ്രദ്ധേയമായി. ലഹരിവിരുദ്ധ സന്ദേശങ്ങളും ചിത്രങ്ങളും അടങ്ങിയ മുദ്രാവാക്യങ്ങൾ എഴുതിയ പ്ലക്കാർഡുകളുമേന്തിയാണ് പെണ്കുട്ടികൾ ഉൾപ്പെടെ നൂറുകണക്കിനു വിദ്യാർഥികൾ റാലിയിൽ അണിനിരന്നത്.
പരിപാടി നോർത്ത് പോലീസ് സ്റ്റേഷൻ അസി. സബ് ഇൻസ്പെക്ടർ വിജയം ഉദ്ഘാടനം ചെയ്തു. പ്രിൻസിപ്പൽ എം.പി. പുഷ്പരാജ് അധ്യക്ഷത വഹിച്ചു. വൈസ് പ്രിൻസിപ്പൽ പി.എം. ബഷീർ മാസ്റ്റർ സ്വാഗതവും പ്രോഗ്രാം കോ- ഓർഡിനേറ്റർ നുസൈബ ടീച്ചർ നന്ദിയും പറഞ്ഞു. നോർത്ത് പോലീസ് സ്റ്റേഷൻ സിപിഒ രാജേഷ്, ഹോം ഗാർഡ് പ്രദീപ്, സ്കൂൾ അഡ്മിനിസ്ട്രേറ്റർ ഡി.എം. ഷെരീഫ്, സ്കൂൾ മാനേജർ എൻ.പി. മുഹമ്മദ് അഷ്റഫ്, ഷാഹുൽ ഹമീദ്, ഫിർദൗസ്, അധ്യാപകർ, പിടിഎ പ്രതിനിധികൾ എന്നിവർ പങ്കെടുത്തു.
Tags : Nattuvishesham District news