ഗുരുവായൂർ ദേവസ്വം ആനകൾക്കുള്ള സുഖചികിത്സ പുന്നത്തൂർ കോട്ടയിൽ നടന്ന ചടങ്ങിൽ ജൂണിയർ വിഷ്ണു എന്ന ആനയ്ക്ക് മരുന്നുരുള നൽകി ദേവസ്വം, റവന്യൂ സെക്രട്ടറി എം.ജി
ഗുരുവായൂർ: ക്ഷേത്രത്തിനു കീഴിലുള്ള ആനകൾക്ക് സുഖചികിത്സ തുടങ്ങി. റവന്യൂ-ദേവസ്വം സെക്രട്ടറി എം.ജി. രാജമാണിക്യം കൊന്പൻ ജൂണിയർ വിഷ്ണുവിന് ഒൗഷധ ചോറുരുള നൽകി ഉദ്ഘാടനം ചെയ്തു. തുടർന്ന് കൊന്പൻമാരായ വിനായകൻ, ഗോപീകൃഷ്ണൻ ഉൾപ്പെടെ മറ്റ് ആനകൾക്കും ഉരുളകൾ നൽകി. ദേവസ്വം ചെയർമാൻ എ.വി. ഗോപിനാഥ് ചടങ്ങിൽ അധ്യക്ഷനായി.
ദേവസ്വം ഭരണസമിതി അംഗങ്ങളായ മല്ലിശേരി പരമേശ്വരൻ നന്പൂതിരിപ്പാട്, തന്ത്രി ചേന്നാസ് ദിനേശൻ നന്പൂതിരിപ്പാട്, സി. മനോജ്, മനോജ് ബി. നായർ, എം.യു. ഷിനിജ എന്നിവരും ആനകൾക്ക് മരുന്നുരുള നൽകി. ജീവധനം ഡിഎ കെ. ഗീത, ക്ഷേത്രം ഡിഎ എം. രാധ, വിദഗ്ധസമിതി അംഗങ്ങളായ ഡോ. പി.ബി. ഗിരിദാസ്, ഡോ. എം.എൻ. ദേവൻ നന്പൂതിരി, ഡോ. കെ. വിവേക്, ഡോ. യു. ഗിരീഷ്, ഡോ. വി. ശബരീനാഥ്, നാകേരി വാസുദേവൻ നന്പൂതിരി, ജീവനക്കാർ എന്നിവർ സന്നിഹിതരായി. ദേവസ്വം ആനത്താവളത്തിലെ 35 ആനകളിൽ മദപ്പാടിലുള്ളതും ക്ഷേത്രത്തിൽ ശീവേലി എഴുന്നള്ളിപ്പുചുമതല ഉള്ളവയും ഒഴികെ 17 ആനകൾ സുഖചികിത്സ ഉദ്ഘാടനച്ചടങ്ങിൽ അണിനിരന്നു. ഒരു മാസം നീളുന്ന സുഖചികിത്സ 30നു സമാപിക്കും.
Tags : Nattuvishesham District news