17

മ​ല​പ്പു​റം: തു​ട​ര്‍​ച്ച​യാ​യി പെ​യ്തി​റ​ങ്ങി​യ ക​ന​ത്ത മ​ഴ​യ്ക്ക് ശ​മ​ന​മാ​യ​തോ​ടെ തീ​ര​ദേ​ശ-മ​ല​യോ​ര നി​വാ​സി​ക​ള്‍​ക്ക് ആ​ശ്വാ​സം. കാ​ലാ​വ​സ്ഥ സാ​ധാ​ര​ണ നി​ല​യി​ലേ​ക്ക് മ​ട​ങ്ങു​ന്ന​ത് വെ​ള്ള​പ്പൊ​ക്കം, മ​ണ്ണി​ടി​ച്ചി​ല്‍, ക​ട​ല്‍​ക്ഷോ​ഭം എ​ന്നി​വ കാ​ര​ണം ദു​രി​ത​ത്തി​ലാ​യ നൂ​റു​ക​ണ​ക്കി​ന് കു​ടും​ബ​ങ്ങ​ള്‍​ക്ക് വ​ലി​യ ആ​ശ്വാ​സ​മാ​ണ്. മ​ല​യോ​ര മേ​ഖ​ല​ക​ളി​ലും തീ​ര​ദേ​ശ​ത്തും ന​ല്‍​കി​യി​രു​ന്ന ജാ​ഗ്ര​താ നി​ര്‍​ദേ​ശ​ങ്ങ​ളി​ല്‍ ഇ​ള​വ് വ​രു​ത്തി​യി​ട്ടു​ണ്ട്.

ക​ഴി​ഞ്ഞ ദി​വ​സ​ങ്ങ​ളി​ല്‍ ദു​രി​തം വി​ത​ച്ച തോ​രാ​മ​ഴ മാ​റി തെ​ളി​ഞ്ഞ ആ​കാ​ശ​മാ​യ​തോ​ടെ ദൈ​നം​ദി​ന ജീ​വി​തം വീ​ണ്ടും സ​ജീ​വ​മാ​യി തു​ട​ങ്ങി. മ​ഴ ക​ന​ത്ത​തോ​ടെ ഉ​യ​ര്‍​ന്ന മ​ല​യോ​ര മേ​ഖ​ല​ക​ളി​ലെ ഉ​രു​ള്‍​പൊ​ട്ട​ല്‍ ഭീ​ഷ​ണി​ക്കും താ​ഴ്ന്ന പ്ര​ദേ​ശ​ങ്ങ​ളി​ലെ വെ​ള്ള​ക്കെ​ട്ടി​നും ആ​ശ്വാ​സ​മാ​യി​ട്ടു​ണ്ട്. ജ​ലാ​ശ​യ​ങ്ങ​ളി​ലെ ജ​ല​നി​ര​പ്പ് താ​ഴാ​ന്‍ തു​ട​ങ്ങി​യ​തോ​ടെ ന​ദി​ക്ക​ര​ക​ളി​ല്‍ താ​മ​സി​ക്കു​ന്ന​വ​രും ആ​ശ്വാ​സ​ത്തി​ലാ​ണ്. മ​ഴ കാ​ര​ണം സ്തം​ഭി​ച്ചു​പോ​യ ഗ​താ​ഗ​ത സം​വി​ധാ​ന​ങ്ങ​ളും വ്യാ​പാ​ര മേ​ഖ​ല​യും സാ​ധാ​ര​ണ ഗ​തി​യി​ലേ​ക്ക് തി​രി​കേയെ​ത്തി.

അ​ടു​ത്ത കു​റ​ച്ചു ദി​വ​സ​ങ്ങ​ളി​ല്‍ വ​ര​ണ്ട​തോ കു​റ​ഞ്ഞ മ​ഴ​യോ ഉ​ള്ള കാ​ലാ​വ​സ്ഥ​യാ​യി​രി​ക്കു​മെ​ന്നാ​ണ് നി​രീ​ക്ഷ​ണ കേ​ന്ദ്ര​ത്തി​ന്‍റെ അ​റി​യി​പ്പ്. ത​ക​ര്‍​ന്ന റോ​ഡു​ക​ളു​ടെ അ​റ്റ​കു​റ്റ​പ്പ​ണി​ക​ളും ശു​ചീ​ക​ര​ണ പ്ര​വ​ര്‍​ത്ത​ന​ങ്ങ​ളും പ്രാ​ദേ​ശി​ക ഭ​ര​ണ​കൂ​ട​ങ്ങ​ളു​ടെ നേ​തൃ​ത്വ​ത്തി​ല്‍ പ​ല​യി​ട​ത്തും തു​ട​രു​ക​യാ​ണ്. ഓ​ണ​ക്കാ​ല​ത്ത് കാ​ര്‍​ഷി​ക മേ​ഖ​ല​യ്ക്കും ഈ ​കാ​ലാ​വ​സ്ഥാ മാ​റ്റം അ​നു​ഗ്ര​ഹ​മാ​ണ്.

ദി​വ​സ​ങ്ങ​ളാ​യി തു​ട​രു​ന്ന മ​ഴ കാ​ര​ണം പ​ണി​മു​ട​ക്കി​യ തൊ​ഴി​ലാ​ളി​ക​ളും സാ​ധാ​ര​ണ​ക്കാ​രും ജീ​വി​തം സാ​ധാ​ര​ണ നി​ല​യി​ലാ​ക്കാ​നു​ള്ള ശ്ര​മ​ങ്ങ​ളി​ലാ​ണ്. ക​ന​ത്ത മ​ഴ​യ്ക്ക് താത്കാ​ലി​ക ശ​മ​ന​മു​ണ്ടാ​യെ​ങ്കി​ലും വ​രും ദി​വ​സ​ങ്ങ​ളി​ലെ കാ​ലാ​വ​സ്ഥാ വ്യ​തി​യാ​ന​ങ്ങ​ള്‍ ദു​ര​ന്ത​നി​വാ​ര​ണ അ​ഥോ​റി​റ്റി ജാ​ഗ്ര​ത​യോ​ടെ നി​രീ​ക്ഷി​ക്കു​ക​യാ​ണ്.

Tags : nattu vishesham Relief from heavy rain