സാൽവേഷൻ ആർമി സ്ഥാപക ദിനാഘോഷവും ലഹരിവിരുദ്ധ ബോധവത്കരണവും മന്ത്രി കെ . മുരളീധരൻ ഉദ്ഘടാനം ചെയ്യുന്നു.
തിരുവനന്തപുരം: ലഹരിക്കെതിരെ സാൽവേഷൻ ആർമി സഭ നടത്തുന്ന പോരാട്ടം ശ്രദ്ധേയമാണെന്നു ആരോഗ്യ മന്ത്രി കെ. മുരളീധരൻ. സാൽവേഷൻ ആർമി തിരുവനന്തപുരം സെൻട്രൽ ചർച്ചിന്റെ ആഭിമുഖ്യത്തിൽ സംഘടിപ്പിച്ച സാൽവേഷൻ ആർമി സ്ഥാപക ദിനാഘോഷവും ലഹരി വിരുദ്ധ ബോധവത്കരണ സമ്മേളനവും ഉദ്ഘാടനം ചെയ്യുകയായിരുന്നു മന്ത്രി.
സാൽവേഷൻ ആർമി പേഴ്സണൽ സെക്രട്ടറി ലെഫ്റ്റനന്റ് കേണൽ ജസ്റ്റിൻ രാജ് അധ്യക്ഷത വഹിച്ചു. ടെറിട്ടോറിയൽ കമാൻഡർ കേണൽ പ്രകാശ് ചന്ദ്ര പ്രധാൻ അനുഗ്രഹപ്രഭാഷണം നടത്തി. വാർഡ് കൗണ്സിലർ എസ്. അനിത, ചീഫ് സെക്രട്ടറി ലെഫ്റ്റനന്റ് കേണൽ ജേക്കബ് ജോസഫ്, കോർ ഓഫീസർ മേജർ വി.എസ്. മോൻസി, ടി.പി. ജോർജ് കുട്ടി എന്നിവർ പ്രസംഗിച്ചു.