25

മാ​ന്നാ​ർ: പ​രു​മ​ല ആ​ശു​പ​ത്രി​ക്ക് സ​മീ​പ​മു​ള്ള പ്ര​ധാ​ന പാ​ത​യി​ലെ വെ​ള്ള​ക്കെ​ട്ടി​ന് പ​രി​ഹാ​ര​മാ​കു​ന്നു. ചെ​ങ്ങ​ന്നൂ​ർ-​മാ​ന്നാ​ർ റോ​ഡി​ൽ പ​രു​മ​ല ആ​ശു​പ​ത്രി​ക്കും തി​ക്ക​പ്പു​ഴ ജം​ഗ്ഷ​നും ഇ​ട​യി​ലു​ള്ള അ​ര​കി​ലോ​മീ​റ്റ​റാ​ണ് ചെ​റി​യ മ​ഴ​യി​ൽ പോ​ലും സ്ഥി​ര​മാ​യി വെ​ള്ള​ക്കെ​ട്ട് രൂ​പ​പ്പെ​ട്ട് പു​ഴ​യാ​യി മാ​റി​യി​രു​ന്ന​ത്. റോ​ഡി​ലെ വെ​ള്ളം ഒ​ഴു​കി പ്പോ​കാ​ൻ സം​വി​ധാ​നം ഇ​ല്ലാ​ഞ്ഞ​താ ണ് പു​ഴ രൂ​പ​പ്പെ​ടാ​ൻ കാ​ര​ണ​മാ​യ​ത്.

ഈ ​അ​വ​സ​ര​ങ്ങ​ളി​ൽ ഇ​വി​ട​ത്തെ വ്യാ​പാ​ര സ്ഥാ​പ​ന​ങ്ങ​ൾ തു​റ​ക്കു​വാ​ൻ ക​ഴി​യു​മാ​യി​രു​ന്നി​ല്ല. പ​രു​മ​ല പ​ള്ളി, ആ​ശു​പ​ത്രി, കോ​ള​ജ് തു​ട​ങ്ങി​യ ഇ​ട​ങ്ങ​ളി​ലേ​ക്ക് ദി​നം​പ്ര​തി എ​ത്തു​ന്ന നി​ര​വ​ധി വാ​ഹ​ന​ങ്ങ​ൾ​ ഈ ​വെ​ള്ള ക്കെ​ട്ടി​ൽ പെ​ട്ടി​രു​ന്നു. റോ​ഡി​ന്‍റെ സ​മീ​പ​ത്താ​യി താ​മ​സി​ക്കു​ന്ന​വ​ർ​ക്കും വെ​ള്ള കെ​ട്ട് ഏ​റെ പ്ര​ശ്ന​മാ​യി. വെ​ള്ള​ക്കെ​ട്ട് പ്ര​ശ്ന​ങ്ങ​ൾ സൃ​ഷ്ടി​ച്ച​തോ​ടെ ശ​ക്ത​മാ​യ പ്ര​തി​ഷേ​ധ​ങ്ങ​ളും ഉ​യ​ർ​ന്നു.

പ്ര​തി​ഷേ​ധ​ങ്ങ​ൾ ശ​ക്ത​മാ​യ​തോ​ടെ വെ​ള്ള​ക്കെ​ട്ടി​ന് പ​രി​ഹാ​രം കാ​ണാ​ൻ പി​ഡ​ബ്ല്യുഡി അ​ധി​കൃ​ത​ർ സ്ഥ​ല​ത്തെ​ത്തു​ക​യും റോ​ഡി​ന്‍റെ ഒ​രു വ​ശ​ത്ത് ഓ​ട നി​ർ​മി​ച്ച് റോ​ഡ് മ​ണ്ണി​ട്ടു​യ​ർ​ത്തി വെ​ള്ളം ഓ​ട​യി​ലൂ​ടെ ഒ​ഴു​ക്കി വി​ടാ​ൻ നി​ർ​ദേ​ശി​ക്കു​ക​യാ​യി​രു​ന്നു. ഒ​രു വ​ർ​ഷം മു​മ്പ് അ​ന്ന​ത്തെ എം​എ​ൽ​എ മാ​ത്യു. ടി. ​തോ​മ​സ് ഇ​തി​ന്‍റെ പ്ര​വൃ​ത്തി​ക​ൾ​ക്കാ​യി 40 ല​ക്ഷം അ​നു​വ​ദി​ക്കു​ക​യും ചെ​യ്തു.  ഇ​തി​ന്‍റെ നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്കാ​യി ക​രാ​ർ ന​ൽ​കു​ക​യും ചെ​യ്തു.

എ​ന്നാ​ൽ നി​ർ​മാ​ണ പ്ര​വ​ർ​ത്ത​ന​ങ്ങ​ൾ ക​ഴി​ഞ്ഞ ദി​വ​സ​മാ​ണ് ആ​രം​ഭി​ച്ച​ത്. നി​ർ​മാ​ണോ​ദ്ഘാ​ട​നം വ​ർ​ഗീ​സ് മാ​മ​ൻ എം​എ​ൽ​എ നി​ർ​വ​ഹി​ച്ചു. പ​രു​മ​ല പെ​രു​ന്നാ​ളി​ന് മു​ൻ​പാ​യി ഓ​ട​യു​ടെ നി​ർ​മാ​ണം പൂ​ർ​ത്തീ​ക​രി​ക്കും. അ​തി​ന് ശേ​ഷം റോ​ഡ് നി​ർ​മാ​ണ​വും ന​ട​ത്തും. ഇ​തോ​ടെ വ​ർ​ഷ​ങ്ങ​ളാ​യി ഉ​ണ്ടാ​യി​രു​ന്ന പ​രു​മ​ല​യി​ലെ വെ​ള്ള​ക്കെ​ട്ടി​ന് പ​രി​ഹാ​ര​മാ​കും.

Tags : Nattuvishesham DistrictNews DeepikaNews construction