19

ചാ​വ​ക്കാ​ട്: ന​ഗ​ര​സ​ഭ മ​ണ​ത്ത​ല​യി​ൽ ആ​രം​ഭി​ക്കു​ന്ന തെ​രു​വു​നാ​യ വ​ന്ധ്യം​ക​ര​ണ കേ​ന്ദ്രം നാ​ളെ തു​റ​ക്കു​മെ​ന്ന് ന​ഗ​ര​സ​ഭ ചെ​യ​ർ​പ​ഴ്സ​ൺ എ.​എ​ച്ച്. അ​ക്ബ​ർ, വൈ​സ് ചെ​യ​ർ​പേ​ഴ്സ​ൺ ബി​ൻ​സി സ​ന്തോ​ഷ് എ​ന്നി​വ​ർ വാ​ർ​ത്താ​സ​മ്മേ​ള​ന​ത്തി​ൽ അ​റി​യി​ച്ചു. ജി​ല്ല​യി​ൽ മു​നി​സി​പ്പ​ൽ​ത​ല​ത്തി​ൽ ചാ​വ​ക്കാ​ടാ​ണ് ആ​ദ്യ​ത്തെ എ​ബി​സി സെ​ന്‍റ​ർ വ​രു​ന്ന​ത്.

ന​ഗ​ര​സ​ഭ​യു​ടെ അ​ധീ​ന​ത​യി​ലു​ള്ള വെ​റ്റ​റി​ന​റി ബ്ലോ​ക്കി​ൽ ജി​ല്ലാ​പ​ഞ്ചാ​യ​ത്ത് 45 ല​ക്ഷം രൂ​പ മു​ട​ക്കി​യാ​ണ് കെ​ട്ടി​ടം നി​ർ​മി​ച്ച​ത്. മൂ​ന്നു​മാ​സം​കൊ​ണ്ട് 300 നാ​യ്ക്ക​ളെ വ​ന്ധ്യം​ക​ര​ണം ചെ​യ്യാ​ൻ ന​ഗ​ര​സ​ഭ എ​ട്ടു​ല​ക്ഷം രൂ​പ വ​ക​യി​രു​ത്തി​യി​ട്ടു​ണ്ട്.

നാ​യ​യെ പി​ടി​ച്ചു​കൊ​ണ്ടു​വ​ന്ന് വ​ന്ധ്യം​ക​ര​ണം​ന​ട​ത്തി ഏ​ഴു​ദി​വ​സ​ത്തെ ചി​കി​ത്സ​യ്ക്കു​ശേ​ഷം പി​ടി​ച്ച സ്ഥ​ല​ത്തു​ത​ന്നെ വി​ടാ​ൻ 2,600 രൂ​പ​യാ​ണ് ഒ​രു നാ​യ്ക്ക് ചെ​ല​വ് പ്ര​തീ​ക്ഷി​ക്കു​ന്ന​ത്. ഗു​രു​വാ​യൂ​ർ, കു​ന്നം​കു​ളം ന​ഗ​ര​സ​ഭ​ക​ളും മ​റ്റ് 11 പ​ഞ്ചാ​യ​ത്തു​ക​ള​ൾ​ക്കും ഉ​പ​യോ​ഗ​പ്പെ​ടു​ത്താ​വു​ന്ന ത​ര​ത്തി​ലാ​ണ് പ​ദ്ധ​തി. നാ​ളെ രാ​വി​ലെ 10.30ന് ​എ​ൻ.​കെ. അ​ക്ബ​ർ എം​എ​ൽ​എ ഉ​ദ്ഘാ​ട​നം​ചെ​യ്യും. ജി​ല്ലാ​പ​ഞ്ചാ​യ​ത്ത് പ്ര​സി​ഡ​ന്‍റ് മേ​രി തോ​മ​സ്, ക​ള​ക്ട​ർ ശി​ഖ സു​രേ​ന്ദ്ര​ൻ എ​ന്നി​വ​ർ മു​ഖ്യാ​തി​ഥി​ക​ളാ​കും.

സ്റ്റാ​ൻ​ഡിം​ഗ് ക​മ്മി​റ്റി അ​ധ്യ​ക്ഷ​രാ​യ പി. ​യ​തീ​ന്ദ്ര​ദാ​സ്, കെ.​എ​ച്ച്. സ​ലാം, ലി​ഷാ മ​ത്രം​കോ​ട്ട്, സെ​ക്ര​ട്ട​റി പി.​പി. റി​ഷ്മ എ​ന്നി​വ​രും വാ​ർ​ത്താ​സ​മ്മേ​ള​ന​ത്തി​ൽ പ​ങ്കെ​ടു​ത്തു.

Tags : Local News Nattuvishesham Street sterilization center dog