ചാത്തന്നൂര്: എഐ സാങ്കേതിക വിദ്യയില് പ്രവര്ത്തിക്കുന്ന സൗരോര്ജ കാര്ഷിക ഉപകരണം ചാത്തന്നൂര് എംഇഎസ് ഇന്സ്റ്റിറ്റ്യൂട്ട് ഓഫ് ടെക്നോളജി ആന്ഡ് മാനേജ്മെന്റിലെ വിദ്യാര്ഥികള് രൂപ കല്പന ചെയ്തു.
അവസാന വര്ഷ മെക്കാനിക്കല് എന്ജിനിയറിംഗ് വിദ്യാര്ഥികളാണ് ഇന്റലിജന്റ് സോളര് അഗ്രി മെഷീന് വികസിപ്പിച്ചെടുത്തത്. പുല്ല് വെട്ട്, വിത്ത് വിതയ്ക്കുക,വളം, വെള്ളം എന്നിവ ശരിയായ അളവില് തളിക്കുക എന്നിവ ഉപസകരണ സഹായത്താല് ചെയ്യാനാകും. സൗരോര്ജത്തില് പ്രവര്ത്തിക്കുന്നതിനാല് പരിസ്ഥിതി സൗഹൃദവും ഇന്ധന രഹിതവുമാണ്.
അമല് സുരേഷ്, എ. ആഷിഖ് മുഹമ്മദ്, എന്. മുഹമ്മദ് അഫ്സല്, എന്. മുഹമ്മദ് ഷാഹിന് എന്നിവരാണ് ഉപകരണം രൂപകല്പന ചെയ്തു നിര്മിച്ചത്. പ്രഫ. സംഗീത സാഗര്, ഡിപ്പാര്ട്ട്മെന്റ് മേധാവി ഡോ.എസ്. ഷാനവാസ് എന്നിവരുടെ മേല്നോട്ടത്തിലായിരുന്നു യന്ത്രം വികസിപ്പിച്ചെടുത്തത്.