ലോക സമുദ്ര ദിനത്തിൽ മേപ്പയ്യൂർ സലഫി ഐടിഇ, ഫേസ് കോടിക്കലിന്റെ സഹകരണത്തോടെ കടൽ പറഞ്ഞ കഥകൾ എന്ന പേരിൽ കടലനുഭവങ്ങളുടെപശ്ചാത്തലത്തിൽ സംഘടിപ്പിച്ച പരി
മേപ്പയ്യൂർ: ലോക സമുദ്ര ദിനത്തിൽ മേപ്പയ്യൂർ സലഫി ഐടിഇ, ഫേസ് കോടിക്കലിന്റെ സഹകരണത്തോടെ കടൽ പറഞ്ഞ കഥകൾ എന്ന പേരിൽ കടലനുഭവങ്ങളുടെ അവതരണവും കടൽ വിഷയമായി വരച്ച ചിത്രങ്ങളുടെ പ്രദർശനവും സംഘടിപ്പിച്ചു.
കോടിക്കൽ ഫേസ് ഹാളിൽ നടന്ന പരിപാടി കടലിന്റെ കഥാകാരനും ചിത്രകാരനുമായ ഡോ. സോമൻ കടലൂർ ഉദ്ഘാടനം ചെയ്തു. സലഫി ഐടിഇ പ്രിൻസിപ്പൽ അജയ് ആവള അധ്യക്ഷത വഹിച്ചു.
ചടങ്ങിൽ മത്സ്യ തൊഴിലാളികളായ കാട്ടിൽ വളപ്പിൽ വേണു, മന്നത്ത് ജയചന്ദ്രൻ എന്നിവർ കടലനുഭവങ്ങൾ അധ്യാപക-വിദ്യാർഥികളുമായി പങ്കുവച്ചു. എൻ.എം. ലിയാഖത്ത്, പ്രഫ. സി.കെ. ഹസൻ, പി.ടി. സലിം, കെ. സീമ, കെ.സി. രാജീവൻ, വി.കെ. സുരേഷ് തുടങ്ങിയവർ പ്രസംഗിച്ചു.
Tags : Local News Nattuvishesham Kozhikode