പാല്ക്കുളങ്ങര വാര്ഡിലെ മണ്ണറക്കോണം മഞ്ചാടിതലക്കല് തോടിനു കുറുകെയുള്ള നടപ്പാലത്തിന്റെ കരിങ്കല് പാര്ശ്വഭിത്തി തകര്ന്ന നിലയില്.
വെള്ളറട: പെരുങ്കടവിള പഞ്ചായത്തിലെ പാല്ക്കുളങ്ങര വാര്ഡിലെ മണ്ണറക്കോണം മഞ്ചാടിതലക്കല് തോടിനു കുറുകെയുള്ള നടപ്പാലത്തിന്റെ കരിങ്കല് പാര്ശ്വഭിത്തി തകർന്നു. കഴിഞ്ഞ ദിവസത്തെ കനത്ത മഴയിലാണ് പാര്ശ്വഭിത്തി ഇടിഞ്ഞുവീണത്. ഇതോടെ മുക്കണ്ടം തലയ്ക്കലിലെ പത്തോളം കുടുംബങ്ങള് ദുരിതത്തിലായി.
നിരവധി വിദ്യാര്ഥികളും സ്ത്രീകളും വയോജനങ്ങളും വിവിധ ആവശ്യങ്ങള്ക്കായി കീഴാറൂര്, മാരായമുട്ടം, പെരുങ്കടവിള പ്രദേശങ്ങളിലേക്കു പോകുന്നത് ഇതുവഴിയാണ്. കാലവര്ഷം കനത്താല് തോട്ടിലെ നീരൊഴുക്ക് തടസപ്പെട്ടു സമീപവാസികൾക്ക് കൂടുതൽ ദുരിതമാകും. പാലം അടിയന്തരമായി പുനര് നിര്മിക്കാന് ബന്ധപ്പെട്ട അധികാരികള് നടപടിയെടുക്കണമെന്നാണ് നാട്ടുകാരുടെ ആവശ്യം.
ഇക്കാര്യങ്ങൾ ചൂണ്ടിക്കാട്ടി ചെറുകിട ജലസേചന വിഭാഗം അസി. എക്സിക്യൂട്ടീവ് എന്ജിനീയര്ക്കു നിവേദനം നൽകുമെന്ന് സിപിഐ പെരുങ്കടവിള ലോക്കല് കമ്മിറ്റി സെക്രട്ടറി കാനക്കോട് ബാലരാജ് പറഞ്ഞു.
Tags : Local News Nattuvishesham Thiruvananthapuram