കട്ടപ്പന: കളഞ്ഞുകിട്ടിയ ഒരു പവന് തൂക്കം വരുന്ന സ്വര്ണച്ചെയിന് ഉടമയ്ക്ക് തിരികെ നല്കി ഇരട്ടയാര് വാഴവര മണ്ണിപ്ലാക്കല് ഏഥല് മാതൃകയായി. കഴിഞ്ഞദിവസം കട്ടപ്പനയിലെ സ്വകാര്യ ആശുപത്രിയില് എത്തിയപ്പോഴാണ് നിലത്ത് വീണുകിടക്കുന്ന സ്വര്ണച്ചെയിന് ഏഥലിന്റെ ശ്രദ്ധയില്പ്പെട്ടത്. ഇക്കാര്യം പിതാവ് സജിയോട് പറയുകയും ചെയിന് ലഭിച്ച വിവരം ആശുപത്രി അധികൃതരെ അറിയിക്കുകയും ചെയ്തു.
ആശുപത്രിയിലെത്തിയ ശാന്തിഗ്രാം സ്വദേശികളുടെ കുട്ടിയുടെ കൈയിലെ സ്വര്ണ ചെയിനാണ് നഷ്ടപ്പെട്ടുപോയത്. ചെയിന് നഷ്ടപ്പെട്ട വിവരം ഇവര് ആശുപത്രിയില്നിന്ന് പുറത്തുപോയശേഷമാണ് മനസിലാകുന്നത്. തുടര്ന്ന് തിരികെ ആശുപത്രിയിലെത്തി തിരക്കിയപ്പോള് ചെയിന് ലഭിച്ച വിവരം ആശുപത്രി അധികൃതര് ഇവരോട് പറഞ്ഞു. തുടര്ന്ന് സജിയും മകള് ഏഥലും കട്ടപ്പന പോലീസ് സ്റ്റേഷനിലെത്തി ചെയിന് ഉടമസ്ഥര്ക്ക് കൈമാറി.
Tags : nattu visheshsam gold chain money was stolen.