31

അ​മ്പ​ല​പ്പു​ഴ: ട്രോ​ളിം​ഗ് നി​രോ​ധ​നം നാ​ളെ അ​ർ​ദ്ധ​രാ​ത്രി​യോ​ടെ അ​വ​സാ​നി​ക്കും. ജൂ​ൺ എ​ട്ടി​ന് തീ​ര​ത്തെ​ത്തി​യ ബോ​ട്ടു​ക​ൾ 52 ദി​വ​സ​ത്തെ കാ​ത്തി​രി​പ്പി​നു​ശേ​ഷം അ​റ്റ​കു​റ്റ​പ്പ​ണി​ക​ൾ പൂ​ർ​ത്തി​യാ​ക്കി നാ​ളെ പു​ല​ർ​ച്ചെ മു​ത​ൽ ക​ട​ലി​ലി​റ​ങ്ങും.

ബോ​ട്ടു​ക​ള്‍ ക​ട​ലി​ല്‍ ഇ​റ​ങ്ങു​ന്ന​തോ​ടെ ചെ​മ്മീ​ന്‍ പീ​ലിം​ഗ് ഷെ​ഡു​ക​ളും ഐ​സ് ഫാ​ക്ട​റി​ക​ളും സ​ജീ​വ​മാ​കും. ഈ ​സ​മ​യ​ത്താ​ണ് നാ​ര​ന്‍, പൂ​വാ​ല​ന്‍, ക​രി​ക്കാ​ടി, പു​ല്ല​ന്‍ ചെ​മ്മീ​നു​ക​ള്‍ അ​ധി​ക​വും കി​ട്ടു​ന്ന​ത്. കൂ​ടാ​തെ ക​ണ​വ​യു​ടെ വ​രു​വും പീ​ലിം​ഗ് മേ​ഖ​ല​ക്ക് ഉ​ണ​ര്‍​വേ​കും.ട്രോ​ളിം​ഗ് നി​രോ​ധ​ന സ​മ​യ​ത്ത് പ്ര​തീ​ക്ഷി​ച്ച മീ​ൻ കൊ​യ്ത്തു ല​ഭി​ക്കാ​ത്ത നി​രാ​ശ​യി​ലാ​ണ് പ​ര​മ്പ​രാ​ഗ​ത വ​ള്ള​ങ്ങ​ൾ . കു​റ​ഞ്ഞ​തോ​തി​ല്‍ മ​ത്തി​യും പൂ​വാ​ല​ന്‍ ചെ​മ്മീ​നും കി​ട്ടി​യ​ത​ല്ലാ​തെ പ്ര​തീ​ക്ഷി​ച്ച​പോ​ലെ ക​ട​ൽ ക​നി​ഞ്ഞി​ല്ല. നീ​ട്ടു​വ​ല​ക്കാ​ര്‍​ക്കും ഡി​സ്കോ വ​ള്ള​ങ്ങ​ളി​ലു​മാ​ണ് മ​ത്തി കി​ട്ടി​യ​ത്.

എ​ന്നാ​ല്‍ ഡി​സ്കോ വ​ള്ള​ങ്ങ​ളി​ല്‍ പ​ല​തി​ലും ല​ക്ഷ​ങ്ങ​ളു​ടെ മ​ത്തി കി​ട്ടി​യെ​ങ്കി​ലും തൊ​ട്ട​ടു​ത്ത ദി​വ​സ​ങ്ങ​ളി​ൽ നി​രാ​ശ​യോ​ടെ തീ​രം അ​ണ​യേ​ണ്ടി​വ​ന്നു.

ജി​ല്ല​യു​ടെ തീ​ര​ങ്ങ​ളി​ല്‍ ഇ​ത്ത​വ​ണ ചാ​ക​ര​തെ​ളി​യാ​തി​രു​ന്ന​തി​നാ​ൽ പ​ര​മ്പ​രാ​ഗ​ത മ​ത്സ്യ​ത്തൊ​ഴി​ലാ​ളി​ക​ള്‍​ക്ക് വ​റു​തി​യു​ടെ ദി​ന​ങ്ങ​ളാ​യി​രു​ന്നു. കാ​റ്റും കോ​ളും ആ​ഴ​ക്ക​ട​ലി​ലെ ശ​ക്ത​മാ​യ തി​ര​മാ​ല​യും പ്ര​തി​കൂ​ല​മാ​യ തോ​ടെ പ​ല ദി​വ​സ​ങ്ങ​ളി​ലും വ​ള്ള​ങ്ങ​ൾ​ക്കു ക​ട​ലി​ൽ പോ​കാ​നാ​യി​ല്ല. ട്രോ​ളിം​ഗ് കാ​ല​യ​ള​വി​ൽ കി​ട്ടാ​റു​ള്ള നാ​ര​ൻ ചെ​മ്മീ​ന​ട​ക്കം ഇ​ക്കു​റി ക​ണി​കാ​ണാ​ൻ പോ​ലും കി​ട്ടി​യി​ല്ല​ന്ന് പ​ര​മ്പ​രാ​ഗ​ത മ​ത്സ്യ​ത്തൊ​ഴി​ലാ​ളി​ക​ള്‍ പ​റ​യു​ന്നു.

Tags : trawling ban NattuVishasham DistrictNews