പ്രതീകാത്മക ചിത്രം
പുത്തൂർ: പുരോഹിതരുടെ വിശുദ്ധനായ വിശുദ്ധ ജോൺ മരിയ വിയാനിയുട തിരുനാളിനോടനുബന്ധിച്ച് തൃശൂർ അതിരൂപത പുത്തൂർ ഫൊറോന കൗൺസിലിന്റെ നേതൃത്വത്തിൽ മൂന്നാമത് പദയാത്ര ഞായറാഴ്ച നടക്കും. രാവിലെ 10.00ന് വിശുദ്ധ കുർബാനയ്ക്കു ശേഷം പുത്തൂർ ഫൊറോന പള്ളി അങ്കണത്തിൽ നിന്ന് പദയാത്ര ആരംഭിക്കും. മാർ ബോസ്കോ പുത്തൂർ പദയാത്ര ഫ്ലാഗ് ഓഫ് ചെയ്യും. പുത്തൂർ ഫൊറോന വികാരി ഫാദർ ജോജു പനയ്ക്കൽ അദ്ധ്യക്ഷത വഹിക്കും. രാജൻ പല്ലൻ എംഎൽഎ, ഫാ. പ്രിൻസ് നായങ്കര തുടങ്ങിയവർ പങ്കെടുക്കും.
വിശുദ്ധ ജോൺ മരിയ വിയാനിയുടെ നാമധേയത്തിലുള്ള തൃശൂർ അതിരൂപതയിലെ ഏക ഇടവകയായ മാന്ദാമംഗലം സെന്റ് ജോൺ മരിയ വിയാനി പള്ളിയിലേക്കാണ് പദയാത്ര. വിവിധ ഇടവകകളിലെ വിശ്വാസപരിശീലക പ്രധാനാധ്യാപകർ നിശ്ചിത സ്ഥലങ്ങളിൽ പതാക ഏറ്റുവാങ്ങി പദയാത്ര ഉച്ചയ്ക്ക് 12ഓടെ മാന്ദാമംഗലം പള്ളിയിൽ എത്തിച്ചേരും.
പുത്തൂർ ഫൊറോന വികാരി ഫാ. ജോജു പനയ്ക്കൽ, മാന്ദാമംഗലം പള്ളി വികാരി ഫാ. സെബി വെളിയൻ, പുത്തൂർ ഫൊറോന കൗൺസിൽ സെക്രട്ടറി അഡ്വ.ഡേവീസ് കണ്ണൂക്കാടൻ എന്നിവർ വാർത്താസമ്മേളനത്തിൽ പങ്കെടുത്തു.
Tags : Padayatra NattuVishasham DistrictNews