മാനന്തവാടി ടൗണില് നടത്തിയ ആഹ്ലാദപ്രകടനം.
മാനന്തവാടി: ബ്ലോക്ക് പഞ്ചായത്ത് പള്ളിക്കല് ഡിവിഷന് ഉപതെരഞ്ഞെടുപ്പില് യുഡിഎഫ് സ്ഥാനാര്ഥി ലീല ഗോവിന്ദന് ജയം.
331 വോട്ടുകളുടെ ലീഡിനാണ് യുഡിഎഫ് ഡിവിഷന് നിലനിര്ത്തിയത്. മുന് തെരഞ്ഞെടുപ്പിനെ അപേക്ഷിച്ച് ലീഡ് നില മൂന്നിലൊന്നായി കുറഞ്ഞു. പള്ളിക്കല് ഡിവിഷന് അംഗമായിരുന്ന ഉഷ വിജയന് എംഎല്എ ആയി തെരഞ്ഞെടുക്കപ്പെട്ടതിനെ തുടര്ന്നാണ് ഉപതെരഞ്ഞെടുപ്പ് നടന്നത്.
കഴിഞ്ഞ തെരഞ്ഞെടുപ്പില് 1055 വോട്ടുകള്ക്കാണ് ഉഷ വിജയന് ജയിച്ചത്. വിജയിച്ച ലീല ഗോവിന്ദന് 2636 വോട്ടാണ് ലഭിച്ചത്. എല്ഡിഎഫ് സ്ഥാനാര്ഥി ജി. രമ്യയ്ക്ക് 2305 വോട്ടും എന്ഡിഎ സ്ഥാനാര്ഥി ശ്രീജ ബാലചന്ദ്രന് 376 വോട്ടും ലഭിച്ചു. യുഡിഎഫ് ഭരിക്കുന്ന മാനന്തവാടി ബ്ലോക്ക് പഞ്ചായത്തില് ആകെ 14 ഡിവിഷനുകളാണുള്ളത്. ഇതില് 10 സീറ്റുകള് യുഡിഎഫിന്റേതും നാലെണ്ണം എല്ഡിഎഫിന്റേതുമാണ്. യുഡിഎഫിന്റെ കൂട്ടായ പ്രവര്ത്തനത്തിന്റെ ഭാഗമാണ് വിജയമെന്ന് യുഡിഎഫ് സ്ഥാനാര്ഥി ലീലാ ഗോവിന്ദന് പറഞ്ഞു. യുഡിഎഫിന്റെ വിജയത്തിനായി എല്ലാവരും ഒറ്റക്കെട്ടായി പ്രവര്ത്തിച്ചതായി ഉഷ വിജയന് എംഎല്എ പറഞ്ഞു.
Tags : Nattuvishesham DistrictNews DeepikaNews