10

കൊ​ര​ട്ടി: അ​മ​ലോ​ത്ഭ​വമാ​താ പ​ള്ളി​യി​ൽ വി​ശു​ദ്ധ അ​ന്തോ​ണി​സി​ന്‍റെ ഊ​ട്ടു​നേ​ർ​ച്ച തി​രു​നാ​ൾ ഭ​ക്തി​നി​ർ​ഭ​ര​മാ​യി ആ​ഘോ​ഷി​ച്ചു. അ​സാ​ധ്യകാ​ര്യ​ങ്ങ​ളു​ടെ മ​ധ്യ​സ്ഥ​നും അ​ത്ഭു​ത പ്ര​വ​ർ​ത്ത​ക​നു​മാ​യ വി​ശു​ദ്ധ അ​ന്തോ​ണീ​സി​ന്‍റെ തി​രു​ന​ട​യി​ൽ പ്രാ​ർ​ഥ​നാ നി​യോ​ഗ​ങ്ങ​ളു​മാ​യി രാ​വി​ലെ മു​ത​ൽ രാ​ത്രി 11.30വ​രെ നാ​നാ​ജാ​തി മ​ത​സ്ഥ​രാ​യ ആ​യി​ര​ക്ക​ണ​ക്കി​ന് ഭ​ക്ത​രാ​ണ് നാ​ടി​ന്‍റെ വി​വി​ധ​യി​ട​ങ്ങ​ളി​ൽ നി​ന്നും ഒ​ഴു​കി​യെ​ത്തി​യ​ത്.

രാ​വി​ലെ 6.30 മു​ത​ൽ രാ​ത്രി എട്ടുവരെ തു​ട​ർ​ച്ച​യാ​യി ദി​വ്യ​ബ​ലി​യും അ​നു​ബ​ന്ധ പ്രാ​ർ​ഥ​നാ ശു​ശ്രൂ​ഷ​ക​ളും ഉ​ണ്ടാ​യി​രു​ന്നു. നേ​ർ​ച്ച​സ​ദ്യ​യു​ടെ വെ​ഞ്ച​രി​പ്പ് തീ​ർ​ഥാ​ട​ന കേ​ന്ദ്രം റെ​ക്ട​ർ ഫാ. ​ജോ​സ​ഫ് ഒ​ളി​പ്പ​റ​മ്പി​ൽ നി​ർ​വ​ഹി​ച്ചു. കു​ട്ടി​ക​ളു​ടെ ചോ​റൂ​ട്ടി​നും നി​ര​വ​ധി പേ​രാ​ണ് എ​ത്തി​യ​ത്. വ​രാ​പ്പു​ഴ അ​തി​രൂ​പ​ത സ​ഹാ​യമെ​ത്രാ​ൻ ഫാ.​ഡോ. ആ​ന്‍റണി വാ​ലു​ങ്ക​ൽ ആ​ണ് ആ​ഘോ​ഷ​മാ​യ തി​രു​നാ​ൾ പൊ​ന്തി​ഫി​ക്ക​ൽ ദി​വ്യ​ബ​ലി​ക്ക് മു​ഖ്യകാ​ർ​മി​ക​ത്വം വ​ഹി​ച്ച​ത്. തു​ട​ർ​ന്ന് തി​രു​സ്വ​രൂ​പ​ങ്ങ​ൾ വ​ഹി​ച്ചു​കൊ​ണ്ട് ന​ട​ന്ന ഭ​ക്തി​നി​ർ​ഭ​ര​മാ​യ പ്ര​ദ​ക്ഷി​ണ​ത്തി​ലും ഒ​ട്ടേ​റെ ഭ​ക്ത​ജ​ന​ങ്ങ​ൾ പ​ങ്കെ​ടു​ത്തു.

മ​ന്ത്രി ഒ.​ജെ. ജെ​നീ​ഷ്, ജി​ല്ലാ ക​ള​ക്ട​ർ ശി​ഖ സു​രേ​ന്ദ്ര​ൻ, ബെ​ന്നി ബ​ഹ​നാ​ൻ എംപി, സ​നീ​ഷ്കു​മാ​ർ ജോ​സ​ഫ് എംഎ​ൽ​എ, കൊ​ര​ട്ടി പ​ഞ്ചാ​യ​ത്ത് പ്ര​സി​ഡ​ന്‍റ് ലീ​ല സു​ബ്ര​മ​ണ്യ​ൻ തു​ട​ങ്ങി​യ​വ​രും എ​ത്തി​യി​രു​ന്നു.

ഒ​ന്ന​ര ല​ക്ഷം പേ​ർ​ക്ക് ഒ​രു​ക്കി​യ നേ​ർ​ച്ച​സ​ദ്യ വി​ത​ര​ണം രാ​ത്രി 11.30വ​രെ നീ​ണ്ടു. ആ​റാ​യി​ര​ത്തോ​ളം പേ​ർ​ക്ക് ഒ​രേ​സ​മ​യം നേ​ർ​ച്ച ഭ​ക്ഷ​ണം ക​ഴി​ക്കാ​നു​ള്ള ക്ര​മീ​ക​ര​ണ​ങ്ങ​ളാ​ണ് ഒ​രു​ക്കി​യ​ത്.

വി​കാ​രി ഫാ. ​ജോ​സ​ഫ് ഒ​ളി​പ്പ​റ​മ്പി​ൽ, സ​ഹ​വി​കാ​രി ഫാ. ​ശ​ര​ത് ജോ​സ് പ​ന​ക്ക​ൽ, ഫാ. ​ജോ​ൺ കാ​ട്ടു​പ​റ​മ്പി​ൽ, കൈ​ക്കാ​ര​ന്മാ​രാ​യ ടെ​റി ക​ബ്രാ​ൾ, ബി​നു ചാ​ലാ​വീ​ട്ടി​ൽ, അ​ബ്ര​ഹാം കു​ന്ന​ത്തൂ​ർ, പാ​രി​ഷ് കൗ​ൺ​സി​ൽ വൈ​സ് പ്ര​സി​ഡ​ന്‍റ് ജോ​ളി വ​ലി​യ​പ​റ​മ്പി​ൽ, കേ​ന്ദ്ര സ​മി​തി ലീ​ഡ​ർ ജോ​ഫ്രി ക​ബ്രാ​ൾ, മീ​ഡി​യ ക​ൺ​വീ​ന​ർ ആ​ന്‍റണി ക​ണ്ടം​പ​റ​മ്പി​ൽ, പ​ബ്ലി​സി​റ്റി ക​ൺ​വീ​ന​ർ ഡെ​ഫ്രി​ൻ ഡി​സൂ​സ, എ​ൻ.ജെ. ​യേ​ശു​ദാ​സ് എ​ന്നി​വ​ർ നേ​തൃ​ത്വം ന​ൽ​കി.

Tags : Nattuvishesham Local news Koratty Thousands of people