26

കു​ള​ത്തൂ​പ്പു​ഴ: കു​ള​ത്തൂ​പ്പു​ഴ തെ​ങ്കാ​ശി അ​ന്ത​ര്‍ സം​സ്ഥാ​ന​പ​ത​യി​ല്‍ കു​ള​ത്തൂ​പ്പു​ഴ ടൗ​ണി​നോ​ട് ചേ​ര്‍​ന്നു​ള്ള അ​യ്യ​ന്‍​പി​ള്ള വ​ള​വി​ന് സ​മീ​പം കാ​ട്ടു പോ​ത്തി​ന്‍റെ ആ​ക്ര​മ​ണ​ത്തി​ല്‍ ബൈ​ക്ക് മ​റി​ഞ്ഞ് ദ​മ്പ​തി​ക​ള്‍​ക്കും മൂ​ന്നു വ​യ​സു​ള്ള കു​ഞ്ഞി​നും പ​രി​ക്ക്.

കു​ള​ത്തൂപ്പു​ഴ ആ​ര്‍​പി​എ​ല്‍ എ​സ്റ്റേ​റ്റി​ലെ തൊ​ഴി​ലാ​ളി​ക​ളാ​യ ഗു​ണ​ശീ​ല​ന്‍, അ​നീ​ഷ, മ​ക​ള്‍ കൃ​തി​ക എ​ന്നി​വ​ര്‍​ക്കാ​ണ് പ​രി​ക്ക്. ഇ​വ​ര്‍ സ​ഞ്ച​രി​ച്ചി​രു​ന്ന ബൈ​ക്കി​ന് കു​റു​കെ കാ​ട്ടു​പോ​ത്ത് ചാ​ടി​യ​പ്പോ​ള്‍ ര​ക്ഷ​പ്പെ​ടാ​ന്‍ ശ്ര​മി​ക്കു​ന്ന​തി​നി​ടെ ബൈ​ക്ക് മ​റി​യു​ക​യാ​യി​രു​ന്നു.
കു​ള​ത്തൂ​പ്പു​ഴ​യി​ല്‍ വ​ന്നി​ട്ട് രാ​ത്രി വീ​ട്ടി​ലേ​ക്ക് പോ​കു​ന്ന സ​മ​യ​ത്ത് അ​യ്യ​ന്‍​പി​ള്ള വ​ള​വി​ല്‍ വെ​ച്ച് അ​പ്ര​തീ​ക്ഷി​ത​മാ​യി കാ​ട്ടു​പോ​ത്ത് കു​റു​കെ ചാ​ടു​ക​യാ​യി​രു​ന്നു.

നാ​ട്ടു​കാ​ര്‍ ഉ​ട​ന്‍​ത​ന്നെ ഇ​വ​രെ കു​ള​ത്തൂപ്പു​ഴ​ പ്രാ​ഥ​മി​ക ആ​രോ​ഗ്യ കേ​ന്ദ്ര​ത്തി​ല്‍ പ്ര​വേ​ശി​പ്പി​ച്ചു. ര​ണ്ട് ദി​വ​സം മു​ന്‍​പ് ഇ​തേ​സ്ഥ​ല​ത്ത് പ്ര​ദേ​ശ​ത്തെ താ​മ​സ​ക്കാ​രാ​യ ര​ണ്ടു​പേ​രെ കാ​ട്ടു​പോ​ത്ത് ആ​ക്ര​മി​ക്കാ​ന്‍ ശ്ര​മി​ച്ചിരുന്നു. അ​ന്ന് അ​ത്ഭു​ത​ക​ര​മാ​യാ​ണ് അ​വ​ര്‍ ര​ക്ഷ​പ്പെ​ട്ട​ത്. ഒ​മ്പ​തിന് ശേ​ഷം പ്ര​ദേ​ശ​ത്തെ ക​ട​ക​ള്‍ അ​ട​ച്ചു ക​ഴി​ഞ്ഞാ​ല്‍ അ​ന്ത​ര്‍സം​സ്ഥാ​ന പാ​ത​യി​ല്‍ തെ​രു​വ് വി​ള​ക്കു​ക​ള്‍ ക​ത്താ​ത്തത് മൂ​ലം കാ​ട്ട്‌​പോ​ത്തു​ക​ള്‍ വ​രു​ന്ന​ത് വാ​ഹ​ന യാ​ത്ര​ക്കാ​ര്‍​ക്കും കാ​ല്‍​ന​ട​യാ​ത്ര​ക്കാ​ര്‍​ക്കും കാ​ണാ​ന്‍ ക​ഴി​യാ​റി​ല്ല.

പ്ര​ദേ​ശ​വാ​സി​ക​ള്‍ പ​ഞ്ചാ​യ​ത്ത് അ​ധി​കൃ​ത​ര്‍​ക്ക് പ​രാ​തി ന​ല്‍​കി​യി​ട്ടും തെ​രു​വ് വി​ള​ക്കു​ക​ളു​ടെ അ​റ്റ​കു​റ്റ​പ്പ​ണി ന​ട​ത്ത​ാത്ത​തിൽ പ്ര​ദേ​ശ​വാ​സി​ക​ള്‍ പ്ര​തി​ഷേ​ധി​ച്ചു.

Tags : Local News Nattuvishesham Kollam