31

ചെ​റാ​യി: 52 ദി​വ​സ​ത്തെ ട്രോ​ളിം​ഗ് നി​രോ​ധ​ന​ത്തി​നു ശേ​ഷം ഇ​ന്ന് അ​ർ​ധ​രാ​ത്രി ക​ഴി​ഞ്ഞ് മ​ത്സ്യ​ബ​ന്ധ​ന ബോ​ട്ടു​ക​ൾ ക​ട​ലി​ലേ​ക്ക് കു​തി​ക്കും. ഇ​തി​നാ​യി മു​ന​മ്പം, മു​രു​ക്കും​പാ​ടം മ​ത്സ്യ​ബ​ന്ധ​ന മേ​ഖ​ല​യി​ലെ ഭൂ​രി​ഭാ​ഗം ബോ​ട്ടു​ക​ളും ഒരുങ്ങി.

അ​റ്റ​കു​റ്റ​പ്പ​ണി​ക​ൾ പൂ​ർ​ത്തി​യാ​ക്കി​യ ബോ​ട്ടു​ക​ൾ ഹാ​ർ​ബ​റു​ക​ളി​ലേ​ക്ക് എ​ത്തി​ത്തു​ട​ങ്ങി. ഐ​സ്, ഭ​ക്ഷ്യ​വ​സ്തു​ക്ക​ൾ, വ​ല​ക​ൾ, മ​റ്റു മ​ത്സ്യ​ബ​ന്ധ​ന ഉ​പ​ക​ര​ണ​ങ്ങ​ൾ എ​ല്ലാം ത​ന്നെ ബോ​ട്ടു​ക​ളി​ൽ ക​യ​റ്റി​ക്ക​ഴി​ഞ്ഞു. ഇ​ന്ന് ഇ​ന്ധ​നം നി​റ​യ്ക്കും. ട്രോ​ളിം​ഗ് നി​രോ​ധ​നം ക​ഴി​ഞ്ഞ് ക​ട​ലി​ൽ പോ​കു​ന്ന ബോ​ട്ടു​ക​ൾ നി​റ​യെ കി​ളി​മീ​ൻ, കൂ​ന്ത​ൽ, ക​രി​ക്കാ​ടി ചെ​മ്മീ​ൻ, ക​ണ​വ എ​ന്നി​വ​യു​മാ​യാ​ണ് തി​രി​ച്ച് വ​രാ​റ്. ചെ​റി​യ ബോ​ട്ടു​ക​ൾ നാ​ളെ വൈ​കു​ന്നേ​ര​ത്തോ​ടെ ത​ന്നെ തീ​ര​മ​ണ​യും. ഇ​ട​ത്ത​രം ബോ​ട്ടു​ക​ൾ മൂ​ന്നോ നാ​ലോ ദി​വ​സ​ങ്ങ​ൾ​ക്കു​ശേ​ഷം തി​രി​ച്ചെ​ത്തും. അ​തേ സ​മ​യം ആ​ഴ​ക്ക​ട​ലി​ലേ​ക്ക് പോ​കു​ന്ന ബോ​ട്ടു​ക​ളാ​ക​ട്ടെ പ​ത്തി​ൽ കൂ​ടു​ത​ൽ ദി​വ​സം ക​ട​ലി​ൽ ത​ങ്ങി മ​ത്സ്യ​ങ്ങ​ൾ പി​ടി​ച്ച​ശേ​ഷ​മേ തി​രി​ച്ചെ​ത്തൂ.

ഇ​തി​നി​ടെ ക​ട​ലി​ൽ നി​ശ്ചി​ത ദൂ​ര​പ​രി​ധി​യി​ൽ മ​ത്സ്യ​ബ​ന്ധ​നം ന​ട​ത്തു​ന്ന ബോ​ട്ടു​ക​ൾ​ക്ക് പു​തു​താ​യി പാ​സ് ഏ​ർ​പ്പെ​ടു​ത്തി​യി​രി​ക്കു​ന്ന കേ​ന്ദ്ര​സ​ർ​ക്കാ​ർ നീ​ക്കം ആ​ശ​ങ്കാ ജ​ന​ക​മാ​ണെ​ന്ന് മു​ന​മ്പം ബോ​ട്ട് ഓ​ണേ​ഴ്സ് ആ​ൻ​ഡ് ഓ​പ്പ​റേ​റ്റേ​ഴ്സ് കോ-​ഓ​ർ​ഡി​നേ​ഷ​ൻ ക​മ്മി​റ്റി ചെ​യ​ർ​മാ​ൻ കെ.​ബി. രാ​ജീ​വ്, ട്രോ​ൾ നെ​റ്റ് ബോ​ട്ട് ഓ​ണേ​ഴ്സ് അ​സോ​സി​യേ​ഷ​ൻ സെ​ക്ര​ട്ട​റി പി.​പി. ഗി​രീ​ഷ് എ​ന്നി​വ​ർ പ​റ​ഞ്ഞു.

Tags : Trawling ban NattuVishasham DistrictNews