18

മു​ക്കം: മു​ക്ക​ത്ത് ര​ണ്ടേ​മു​ക്കാ​ൽ കി​ലോ​യി​ല​ധി​കം എം​ഡി​എം​എ പി​ടി​കൂ​ടി​യ സം​ഭ​വ​ത്തി​ൽ ഒ​രു സ്ത്രീ ​കൂ​ടി പി​ടി​യി​ലാ​യി. നീ​ലേ​ശ്വ​രം മാ​ങ്ങാ​പൊ​യി​ൽ സ്വ​ദേ​ശി​നി ഖ​ദീ​ജ​യെ (40) യാ​ണ് താ​മ​ര​ശേ​രി ഡി​വൈ​എ​സ്പി പി. ​വി​നോ​ദ് കു​മാ​ർ അ​റ​സ്റ്റ് ചെ​യ്ത​ത്. മു​ക്കം മു​ണ്ടു​പാ​റ പു​ല്ല​മ്പാ​ടി​പ​റ​മ്പി​ൽ മു​ഹ​മ്മ​ദ്‌ ഹ​നീ​ഫ (36)യെ 517 ​ഗ്രാം എം​ഡി​എം​എ​യു​മാ​യി അ​ഗ​സ്ത്യ​മൂ​ഴി​യി​ൽ നി​ന്നും ​ഡാ​ൻ​സാ​ഫ് സം​ഘം മു​ന്പ് പി​ടി​കൂ​ടി​യി​രു​ന്നു. തു​ട​ർ​ന്ന് ഹ​നീ​ഫ​യു​ടെ മു​ത്താ​ല​ത്തു​ള്ള വാ​ട​ക വീ​ട്ടി​ൽ നി​ന്നും 2.306 കി​ലോ​ഗ്രാം എം​ഡി​എം​എ ക​ണ്ടെ​ടു​ക്കു​ക​യും ഇ​വി​ടെ​യു​ണ്ടാ​യി​രു​ന്ന ബേ​പ്പൂ​ർ സ്വ​ദേ​ശി​നി റൈ​ഹാ​ന​ത്ത് അ​റ​സ്റ്റി​ലാ​വു​ക​യും ചെ​യ്തു.

പി​ന്നീ​ട് പോ​ലീ​സ് ന​ട​ത്തി​യ അ​ന്വേ​ഷ​ണ​ത്തി​ൽ മു​ഹ​മ്മ​ദ് ഹ​നീ​ഫ വ​ൻ​തോ​തി​ൽ എം​ഡി​എം​എ കേ​ര​ള​ത്തി​ൽ എ​ത്തി​ച്ചു വി​ല്പ​ന ന​ട​ത്തി​യ​താ​യി ക​ണ്ടെ​ത്തി.
കേ​ര​ള​ത്തി​ൽ ന​ട​ന്ന ഏ​റ്റ​വും വ​ലി​യ ല​ഹ​രി വേ​ട്ട​യാ​ണ് അ​ന്ന് മു​ക്ക​ത്ത് ന​ട​ന്ന​ത്. ഹ​നീ​ഫ​യു​ടെ നാ​ട്ടു​കാ​രി​യും അ​ടു​ത്ത സു​ഹൃ​ത്തു​മാ​ണ് ഇ​ന്ന​ലെ അ​റ​സ്റ്റി​ലാ​യ ഖ​ദീ​ജ. ഹ​നീ​ഫ​യു​ടെ മ​യ​ക്കു​മ​രു​ന്നു​മാ​യി ബ​ന്ധ​പ്പെ​ട്ട പ​ണ​മി​ട​പാ​ടു​ക​ൾ ഖ​ദീ​ജ​യു​ടെ അ​ക്കൗ​ണ്ട് മു​ഖേ​ന​യാ​ണ് ന​ട​ത്തി​യി​രു​ന്ന​ത്.

ഫാ​ഷ​ൻ ഡി​സൈ​നിം​ഗാ​ണ് ഇ​വ​രു​ടെ ജോ​ലി. മേ​യ്‌ 23 ന് ​പോ​ലീ​സ് ക​സ്റ്റ​ഡി​യി​ൽ വാ​ങ്ങി ഡ​ൽ​ഹി​ക്ക് തെ​ളി​വെ​ടു​പ്പി​നാ​യി കൊ​ണ്ട് പോ​കു​ന്ന​തി​നി​ടെ വ​ഡോ​ദ​ര​യി​ൽ വെ​ച്ച് ഹ​നീ​ഫ ട്രെ​യി​നി​ൽ നി​ന്നും​ചാ​ടി ര​ക്ഷ​പ്പെ​ട്ടി​രു​ന്നു. തു​ട​ർ​ന്ന് പ​ത്താം ദി​വ​സ​മാ​ണ് ഇ​യാ​ൾ ക​ർ​ണാ​ട​ക​യി​ലെ ക​ൽ​ബു​ർ​ഗി​ൽ വ​ച്ച് പോ​ലീ​സി​ന്‍റെ പി​ടി​യി​ലാ​കു​ന്ന​ത്. ക​സ്റ്റ​ഡി​യി​ൽ നി​ന്നും ര​ക്ഷ​പ്പെ​ട്ട സ​മ​യ​ത്ത് ഖ​ദീ​ജ​യാ​യി​രു​ന്നു ഇ​യാ​ൾ​ക്ക് വേ​ണ്ടി പ​ല​ത​വ​ണ​യാ​യി ഒ​ന്ന​ര ല​ക്ഷ​ത്തോ​ളം രൂ​പ സാ​മ്പ​ത്തി​ക സ​ഹാ​യം ന​ൽ​കി​യ​ത്.  

Tags : Local News Nattuvishesham Kozhikode