4

കൊ​ല്ലം: മ​ഴ​ക്കാ​ല​ത്തു​ണ്ടാ​കു​ന്ന ഭ​ക്ഷ്യ​വി​ഷ​ബാ​ധ​ക​ളും മ​ഞ്ഞ​പ്പി​ത്തം, ടൈ​ഫോ​യ്ഡ്, കോ​ള​റ തു​ട​ങ്ങി​യ ജ​ല​ജ​ന്യ രോ​ഗ​ങ്ങ​ളും പൂ​ര്‍​ണ​മാ​യും ഇ​ല്ലാ​താ​ക്കു​ക എ​ന്ന​ല​ക്ഷ്യ​ത്തോ​ടെ ഭ​ക്ഷ്യ​സു​ര​ക്ഷാ​വ​കു​പ്പ് ആ​രം​ഭി​ച്ച സു​ര​ക്ഷാ-​പ​രി​ശോ​ധ​നാ കാ​മ്പ​യി​നാ​യ "ഓ​പ്പ​റേ​ഷ​ന്‍ മ​ണ്‍​സൂ​ണ്‍' പ്ര​വ​ര്‍​ത്ത​ന​ങ്ങ​ള്‍ ജി​ല്ല​യി​ല്‍ ശ​ക്ത​മാ​ക്കി​യ​താ​യി ഭ​ക്ഷ്യ സു​ര​ക്ഷാ വ​കു​പ്പ്.

മ​ഴ​ക്കാ​ല​ത്ത് കു​ടി​വെ​ള്ള സ്രോ​ത​സു​ക​ള്‍ മ​ലി​ന​മാ​കാ​നും ഈ​ര്‍​പ്പം കാ​ര​ണം ഭ​ക്ഷ​ണ​സാ​ധ​ന​ങ്ങ​ള്‍ വേ​ഗ​ത്തി​ല്‍ കേ​ടു​വ​രാ​നും സാ​ധ്യ​ത കൂ​ടു​ത​ലാ​യ​തി​നാ​ലാ​ണ് ഈ ​കാ​ല​യ​ള​വി​ല്‍ ഭ​ക്ഷ്യ​സു​ര​ക്ഷാ വ​കു​പ്പ് പ്ര​ത്യേ​ക സ്‌​ക്വാ​ഡു​ക​ള്‍ രൂ​പീ​ക​രി​ച്ച് പ​രി​ശോ​ധ​ന ശ​ക്ത​മാ​ക്കു​ന്ന​ത്. അ​തേ​സ​മ​യം, കൂ​ടു​ത​ല്‍ ഉ​ദ്യോ​ഗ​സ്ഥ​രെ നി​യ​മി​ക്കു​ക​യും ത​ട്ടു​ക​ട​ക​ള്‍ ഉ​ള്‍​പ്പെ​ടെ​യു​ള്ള താ​ഴേ​ത്ത​ട്ടി​ലെ ക​ച്ച​വ​ട​ങ്ങ​ളി​ല്‍ ക​ര്‍​ശ​ന​മാ​യ നി​രീ​ക്ഷ​ണം തു​ട​രു​ക​യും ചെ​യ്താ​ല്‍ മാ​ത്ര​മേ ജി​ല്ല​യി​ലെ ഭ​ക്ഷ്യ​സു​ര​ക്ഷ പൂ​ര്‍​ണ​മാ​യും കാ​ര്യ​ക്ഷ​മ​മാ​ക്കാ​ന്‍ സാ​ധി​ക്കൂ​വെ​ന്ന വി​മ​ര്‍​ശ​ന​വു​മു​യ​രു​ന്നു.
കു​ടി​വെ​ള്ള​ത്തി​ന്‍റെ ഗു​ണ​നി​ല​വാ​രം

ഓ​പ്പ​റേ​ഷ​ന്‍ മ​ണ്‍​സൂ​ണി​ലൂ​ടെ പ്ര​ധാ​ന​മാ​യും ല​ക്ഷ്യ​മി​ടു​ന്ന​ത് കു​ടി​വെ​ള്ള​ത്തി​ന്‍റെ ഗു​ണ നി​ല​വാ​രം ഉ​റ​പ്പാ​ക്കു​ക എ​ന്ന​താ​ണ്. കു​ടി​വെ​ള്ള​വും ഭ​ക്ഷ​ണം പാ​കം ചെ​യ്യാ​നു​ള്ള വെ​ള്ള​വും ശു​ദ്ധ​മാ​യാ​ല്‍​ത്ത​ന്നെ 70 ശ​ത​മാ​നം പ്ര​ശ്‌​ന​ങ്ങ​ളും പ​രി​ഹ​രി​ക്കാ​മെ​ന്നാ​ണ് ഭ​ക്ഷ്യ​സു​ര​ക്ഷാ വ​കു​പ്പു​ത​ന്നെ പ​റ​യു​ന്ന​ത്.

മ​ഴ​ക്കാ​ല​ത്ത് മ​ലി​ന​ജ​ലം ക​ല​രാ​ന്‍ സാ​ധ്യ​ത​യു​ള്ള​തി​നാ​ല്‍ ഹോ​ട്ട​ലു​ക​ള്‍, റ​സ്റ്ററ​ന്‍റുക​ള്‍, ജ്യൂ​സ് ബാ​റു​ക​ള്‍ എ​ന്നി​വ​ിട​ങ്ങ​ളി​ല്‍ ഉ​പ​യോ​ഗി​ക്കു​ന്ന വെ​ള്ളം, ഐ​സ് എ​ന്നി​വ​യു​ടെ സാ​മ്പി​ളു​ക​ള്‍ വ്യാ​പ​ക​മാ​യി ശേ​ഖ​രി​ച്ച് പ​രി​ശോ​ധി​ക്കു​ന്നു. കി​ണ​റു​ക​ളും വാ​ട്ട​ര്‍ ടാ​ങ്കു​ക​ളും കൃ​ത്യ​മാ​യി ക്ലോ​റി​നേ​ഷ​ന്‍ ന​ട​ത്തി​യി​ട്ടു​ണ്ടോ എ​ന്ന് ഉ​റ​പ്പു​വ​രു​ത്താ​ന്‍ സ്ഥാ​പ​ന​ങ്ങ​ള്‍​ക്കും ത​ദ്ദേ​ശ​സ്ഥാ​പ​ന​ങ്ങ​ള്‍​ക്കും നി​ര്‍​ദേ​ശം ന​ല്‍​കി​യി​ട്ടു​ണ്ട്.

ക​ര്‍​ശ​ന നി​രീ​ക്ഷ​ണം

കൊ​ല്ലം ന​ഗ​ര​ത്തി​ലും ബീ​ച്ച് പ​രി​സ​ര​ങ്ങ​ളി​ലു​മു​ള്ള രാ​ത്രി​കാ​ല ത​ട്ടു​ക​ട​ക​ള്‍, റോ​ഡ​രി​കി​ലെ ക​ച്ച​വ​ട​ങ്ങ​ള്‍ എ​ന്നി​വ കേ​ന്ദ്രീ​ക​രി​ച്ച് പ്ര​ത്യേ​ക പ​രി​ശോ​ധ​ന​ക​ള്‍ ന​ട​ത്തു​ന്നു​ണ്ട്. തു​റ​ന്നു​വെ​ച്ച രീ​തി​യി​ല്‍ ആ​ഹാ​ര​സാ​ധ​ന​ങ്ങ​ള്‍ വി​ല്‍​ക്കു​ന്ന​തും ഈ​ച്ച​യും പൊ​ടി​യും അ​ടി​ക്കു​ന്ന സാ​ഹ​ച​ര്യ​ങ്ങ​ളി​ല്‍ ഭ​ക്ഷ​ണം സൂ​ക്ഷി​ക്കു​ന്ന​തും ഈ ​പ​ദ്ധ​തി​യി​ലൂ​ടെ ത​ട​യു​ന്നു.

ഹെ​ല്‍​ത്ത് കാ​ര്‍​ഡും ജീ​വ​ന​ക്കാ​രു​ടെ ശു​ചി​ത്വ​വും

ഹോ​ട്ട​ലു​ക​ളി​ലെ​യും ബേ​ക്ക​റി​ക​ളി​ലെ​യും ത​ട്ടു​ക​ട​ക​ളി​ലെ​യും മ​റ്റു സ്ഥാ​പ​ന​ങ്ങ​ളി​ലെ​യും ജീ​വ​ന​ക്കാ​ര്‍​ക്ക് പ​നി, വ​യ​റി​ള​ക്കം തു​ട​ങ്ങി​യ പ​ക​ര്‍​ച്ച​വ്യാ​ധി​ക​ള്‍ ഇ​ല്ലെ​ന്ന് ഉ​റ​പ്പാ​ക്കാ​ന്‍ ഹെ​ല്‍​ത്ത് കാ​ര്‍​ഡു​ക​ള്‍ ന​ല്‍​കു​ക​യും നി​ല​വി​ലു​ള്ള​വ പ​രി​ശോ​ധി​ക്കു​ക​യും ചെ​യ്യും. കൂ​ടാ​തെ പാ​ച​കം ചെ​യ്യു​ന്ന സ്ഥ​ല​വും പ​രി​സ​ര​വും പൂ​ര്‍​ണ​മാ​യും വൃ​ത്തി​യാ​യി സൂ​ക്ഷി​ക്കു​ന്നു​ണ്ടോ എ​ന്ന് സ്‌​ക്വാ​ഡു​ക​ള്‍ നേ​രി​ട്ടെ​ത്തി വി​ല​യി​രു​ത്തു​ന്നു.

സ​ര്‍​ക്കാ​ര്‍ സ്‌​കൂ​ളു​ക​ളി​ലെ​യും അ​ങ്ക​ണ​വാ​ടി​ക​ളി​ലെ​യും പാ​ച​ക​ക്കാ​ര്‍​ക്കും സ​ഹാ​യി​ക​ള്‍​ക്കും ഹെ​ല്‍​ത്ത് കാ​ര്‍​ഡു​ക​ള്‍ നി​ര്‍​ബ​ന്ധ​മാ​ക്കി​യി​ട്ടു​ണ്ട്. കു​ട്ടി​ക​ളു​ടെ സു​ര​ക്ഷ മു​ന്‍​നി​ര്‍​ത്തി സ്‌​കൂ​ളു​ക​ളി​ല്‍ ബോ​ധ​വ​ല്‍​ക്ക​ര​ണ ക്ലാ​സു​ക​ളും ന​ട​ത്തു​ന്നു.

പ​ഴ​കി​യ​ ഭ​ക്ഷ​ണ​ങ്ങ​ള്‍ പി​ടി​ച്ചെ​ടു​ക്ക​ല്‍

മ​ഴ​ക്കാ​ല​ത്ത് മീ​ന്‍, ചി​ക്ക​ന്‍ എ​ന്നി​വ കേ​ടു​വ​രാ​തെ സൂ​ക്ഷി​ക്കാ​ന്‍ രാ​സ​വ​സ്തു​ക്ക​ള്‍ ചേ​ര്‍​ക്കാ​നു​ള്ള സാ​ധ്യ​ത മു​ന്‍​നി​ര്‍​ത്തി കൊ​ല്ല​ത്തെ പ്ര​ധാ​ന ഹാ​ര്‍​ബ​റു​ക​ളി​ലും ( ശ​ക്തി​കു​ള​ങ്ങ​ര, നീ​ണ്ട​ക​ര) മാ​ര്‍​ക്ക​റ്റു​ക​ളി​ലും പ​രി​ശോ​ധ​ന ന​ട​ത്തും. ഹോ​ട്ട​ലു​ക​ളി​ല്‍ ദി​വ​സ​ങ്ങ​ള്‍ പ​ഴ​ക്ക​മു​ള്ള ആ​ഹാ​രം ഫ്രീ​സ​റി​ല്‍ സൂ​ക്ഷി​ക്കു​ന്ന​ത് ക​ണ്ടെ​ത്തി​യാ​ല്‍ ലൈ​സ​ന്‍​സ് റ​ദ്ദാ​ക്ക​ല്‍ ഉ​ള്‍​പ്പെ​ടെ​യു​ള്ള ക​ടു​ത്ത ന​ട​പ​ടി​ക​ള്‍ സ്വീ​ക​രി​ക്കും.

പ​രി​ശോ​ധ​ന​ക​ള്‍ ത​കൃ​തി, പ്ര​തി​സ​ന്ധി​ക​ളും

പ​രി​ശോ​ധ​ന​ക​ള്‍ കൃ​ത്യ​മാ​യി ന​ട​ത്തു​ന്നു​ണ്ടെ​ന്നും ന​ട​പ​ടി​ക​ളെ​ടു​ക്കു​ന്നു​ണ്ടെ​ന്നും ഭ​ക്ഷ്യ​സു​ര​ക്ഷാ വ​കു​പ്പ് അ​വ​കാ​ശ​പ്പെ​ടു​മ്പോ​ഴും ഭ​ക്ഷ്യ​വി​ഷ​ബാ​ധ​യും പ​ക​ര്‍​ച്ച​വ്യാ​ധി​ക​ളും വ്യാ​പ​ക​മാ​യി റി​പ്പോ​ര്‍​ട്ടു ചെ​യ്യ​പ്പെ​ടു​ന്നു​ണ്ട്. ഭ​ക്ഷ്യ വി​ഷ​ബാ​ധ​മൂ​ലം ര​ണ്ടു നി​ല​മേ​ല്‍ സ്വ​ദേ​ശി​ക​ള്‍ മ​രി​ച്ച​ത് ഫെ​ബ്രു​വ​രി​യി​ലാ​ണ്. നി​ല​മേ​ല്‍ സ്വ​ദേ​ശി​ക​ളാ​യ റ​ഷീ​ദാ ബീ​വി, ഷാ​ജി എ​ന്നി​വ​ര്‍​ക്ക് ക​ടു​ത്ത ശാ​രീ​രി​ക അ​സ്വ​സ്ഥ​ത​ക​ള്‍ ഉ​ണ്ടാ​കു​ക​യും തു​ട​ര്‍​ന്ന് മ​ര​ണ​പ്പെ​ടു​ക​യു​മാ​യി​രു​ന്നു.

ഇ​വ​രു​ടെ മ​ക​ള്‍ ഗു​രു​ത​രാ​വ​സ്ഥ​യി​ല്‍ ചി​കി​ത്സ​യി​ലാ​വു​ക​യും ചെ​യ്തു. ഭ​ക്ഷ്യ​വി​ഷ​ബാധ​യു​ണ്ടാ​യ​ത് വി​ഴി​ഞ്ഞ​ത്തെ ഹോ​ട്ട​ലി​ല്‍​നി​ന്നു ഭ​ക്ഷ​ണം ക​ഴി​ച്ച​പ്പോ​ഴാ​ണ്. ഹോ​ട്ട​ല്‍ പി​ന്നീ​ട് പൂ​ട്ടി. ഏ​ഴാം​മൈ​ലി​ലു​ള്ള ഒ​രു സ്വ​കാ​ര്യ സ്‌​കൂ​ളി​ല്‍ മു​പ്പ​തി​ല​ധി​കം കു​ട്ടി​ക​ള്‍​ക്ക് ഭ​ക്ഷ്യ​വി​ഷ​ബാ​ധ​യേ​റ്റ​ത് ജൂ​ണ്‍ മാ​സ​ത്തി​ലാ​ണ്.

സ്‌​കൂ​ളി​ലെ വാ​ട്ട​ര്‍ പ​മ്പ് ത​ക​രാ​റി​ലാ​യ​തി​നെ തു​ട​ര്‍​ന്ന് പു​റ​ത്തു​നി​ന്ന് ടാ​ങ്ക​റി​ല്‍ എ​ത്തി​ച്ച കു​ടി​വെ​ള്ളം ഉ​പ​യോ​ഗി​ച്ച കു​ട്ടി​ക​ള്‍​ക്കാ​ണ് ഛര്‍​ദ്ദി​യും മ​റ്റ് അ​സ്വ​സ്ഥ​ത​ക​ളും ഉ​ണ്ടാ​യ​ത്. ഒ​രു ക്വാ​റി​യി​ല്‍ (പാ​റ​മ​ട) നി​ന്നു​ള്ള മ​ലി​ന​മാ​യ വെ​ള്ള​മാ​ണ് ക​രാ​റു​കാ​ര​ന്‍ എ​ത്തി​ച്ച​തെ​ന്ന് ആരോപണമുയർന്നെങ്കിലും ന​ട​പ​ടി ഇ​ഴ​യു​ക​യാ​ണെ​ന്ന് ആ​ക്ഷേ​പ​മു​ണ്ട്.

ലൈ​സ​ന്‍​സി​ല്ലാ​തെ​യും മാ​ന​ദ​ണ്ഡ​ങ്ങ​ള്‍ ലം​ഘി​ച്ചും പ്ര​വ​ര്‍​ത്ത​നം

ത​ട്ടു​ക​ട​ക​ള്‍ മു​ത​ല്‍ വ​ന്‍​കി​ട ഹോ​ട്ട​ലു​ക​ള്‍ വ​രെ നി​ര​ന്ത​ര​മാ​യി നി​രീ​ക്ഷി​ക്കു​ന്നു​ണ്ടെ​ങ്കി​ലും, ലൈ​സ​ന്‍​സി​ല്ലാ​തെ​യും മാ​ന​ദ​ണ്ഡ​ങ്ങ​ള്‍ ലം​ഘി​ച്ചും പ്ര​വ​ര്‍​ത്തി​ക്കു​ന്ന ചി​ല സ്ഥാ​പ​ന​ങ്ങ​ള്‍ ഇ​പ്പോ​ഴും പൊ​തു​ജ​നാ​രോ​ഗ്യ​ത്തി​ന് ഭീ​ഷ​ണി​യാ​കു​ന്നു​ണ്ട്.

ലൈ​സ​ന്‍​സ് ഇ​ല്ലാ​ത്ത​തും വൃ​ത്തി​ഹീ​ന​വു​മാ​യ നി​ര​വ​ധി സ്ഥാ​പ​ന​ങ്ങ​ള്‍ പ​രി​ശോ​ധ​ന​ക​ളി​ല്‍ പൂ​ട്ടി​ക്കാ​റു​ണ്ടെ​ന്ന് ഭ​ക്ഷ്യ സു​ര​ക്ഷാ വ​കു​പ്പ് അ​റി​യി​ക്കു​ന്നു​ണ്ടെ​ങ്കി​ലും അ​തൊ​ക്കെ പേ​രി​നു​മാ​ത്ര​മാ​ണെ​ന്നാ​ണ് ജ​ന​ങ്ങ​ളു​ടെ അ​നു​ഭ​വം. നി​യ​മ​ലം​ഘ​നം ന​ട​ത്തു​ന്ന വ​മ്പ​ന്‍​മാ​രെ തൊ​ടാ​ന്‍ ഭ​ക്ഷ്യ സു​ര​ക്ഷാ​വ​കു​പ്പ് ഇ​പ്പോ​ഴും ത​യാ​റാ​കു​ന്നി​ല്ലെ​ന്ന് വ​ലി​യ പ​രാ​തി ഉ​യ​രു​ന്നു​ണ്ട്.

പ​രി​ശോ​ധ​ന​ക​ള്‍ പേ​രി​നു​മാ​ത്രം

ജി​ല്ല​യി​ലെ ഹോ​ട്ട​ലു​ക​ള്‍, ബേ​ക്ക​റി​ക​ള്‍, ത​ട്ടു​ക​ട​ക​ള്‍, ക​ച്ച​വ​ട സ്ഥാ​പ​ന​ങ്ങ​ള്‍ എ​ന്നി​വ​യു​ടെ എ​ണ്ണ​വു​മാ​യി താ​ര​ത​മ്യം ചെ​യ്യു​മ്പോ​ള്‍ ഭ​ക്ഷ്യ​സു​ര​ക്ഷാ ഉ​ദ്യോ​ഗ​സ്ഥ​രു​ടെ എ​ണ്ണം വ​ള​രെ കു​റ​വാ​ണ്. ഇ​ത് എ​ല്ലാ സ്ഥാ​പ​ന​ങ്ങ​ളി​ലും കൃ​ത്യ​മാ​യ ഇ​ട​വേ​ള​ക​ളി​ല്‍ പ​രി​ശോ​ധ​ന ന​ട​ത്തു​ന്ന​തി​ന് ത​ട​സ​മാ​കു​ന്നു. പ​ല​പ്പോ​ഴും പ​രി​ശോ​ധ​ന പ്ര​ഹ​സ​ന​മാ​വു​ന്ന​തി​ന്‍റെ കാ​ര​ണ​വും മ​റ്റൊ​ന്ന​ല്ല. പ​രി​ശോ​ധ​ന​ക​ളു​ടെ എ​ണ്ണം തി​ക​യ്ക്കാ​ന്‍ വേ​ണ്ടി മാ​ത്ര​മാ​ണ് പ​ല പ​രി​ശോ​ധ​ന​ക​ളു​മെ​ന്ന് ഉ​ദ്യോ​ഗ​സ്ഥ​ര്‍​ത​ന്നെ അ​ട​ക്കം പ​റ​യു​ന്നു.

ന​ട​പ​ടി​ക​ള്‍ ദു​ര്‍​ബ​ലം

വ​ലി​യൊ​രു ഭ​ക്ഷ്യ​വി​ഷ​ബാ​ധ​യോ പ​രാ​തി​യോ ഉ​ണ്ടാ​കു​മ്പോ​ള്‍ മാ​ത്രം പ​രി​ശോ​ധ​ന​ക​ള്‍ ശ​ക്ത​മാ​വു​ക​യും പി​ന്നീ​ട് അ​ത് ത​ണു​ക്കു​ക​യും ചെ​യ്യു​ന്ന ഒ​രു രീ​തി പൊ​തു​വേ ദൃ​ശ്യ​മാ​ണ്. തുടർപരിശോധന പ​ല​പ്പോ​ഴും ഉ​ണ്ടാ​കാ​റി​ല്ല. കൊ​ല്ലം ന​ഗ​ര​ത്തി​ലും ബീ​ച്ച് പ​രി​സ​ര​ങ്ങ​ളി​ലും രാ​ത്രി​കാ​ല ത​ട്ടു​ക​ട​ക​ളു​ടെ എ​ണ്ണം വ​ള​രെ കൂ​ടു​ത​ലാ​ണ്. ഇ​വ​രി​ല്‍ പ​ല​ര്‍​ക്കും കൃ​ത്യ​മാ​യ ര​ജി​സ്‌​ട്രേ​ഷ​നോ, വൃ​ത്തി​യു​ള്ള വെ​ള്ളം ഉ​പ​യോ​ഗി​ക്കാ​നു​ള്ള സാ​ഹ​ച​ര്യ​മോ ഇ​ല്ല. ഇ​വ​രെ പൂ​ര്‍​ണ​മാ​യി നി​യ​ന്ത്രി​ക്കാ​ന്‍ സാ​ധി​ച്ചി​ട്ടി​ല്ല.

ശേ​ഖ​രി​ക്കു​ന്ന ഭ​ക്ഷ​ണ സാ​മ്പി​ളു​ക​ള്‍ തി​രു​വ​ന​ന്ത​പു​ര​ത്തെ ല​ബോ​റ​ട്ട​റി​യി​ലേ​ക്ക് അ​യ​ച്ചാ​ണ് പ​രി​ശോ​ധി​ക്കു​ന്ന​ത്. ഇ​തി​ന്‍റെ ഫ​ലം വ​രാ​ന്‍ ദി​വ​സ​ങ്ങ​ളെ​ടു​ക്കു​ന്ന​ത് കു​റ്റ​ക്കാ​ര്‍​ക്കെ​തി​രെ ഉ​ട​ന​ടി നി​യ​മ​ന​ട​പ​ടി സ്വീ​ക​രി​ക്കു​ന്ന​തി​ന് താ​മ​സം വ​രു​ത്തു​ന്നു.

Tags : Local News Nattuvishesham Kollam