18

സു​ല്‍​ത്താ​ന്‍ ബ​ത്തേ​രി: അ​ടി​സ്ഥാ​ന സൗ​ക​ര്യ​ങ്ങ​ളി​ല്ലാ​തെ ദു​രി​ത​ത്തി​ലാ​യി വ​ന​ഗ്രാ​മ​ത്തി​ലെ ഉ​ന്ന​തി. നൂ​ല്‍​പ്പു​ഴ പ​ഞ്ചാ​യ​ത്തി​ലെ പി​ലാ​ക്കാ​വ് കാ​ട്ടു​നാ​യ്ക്ക ഉ​ന്ന​തി​വാ​സി​ക​ളാ​ണ് അ​ടി​സ്ഥാ​ന സൗ​ക​ര്യ​ങ്ങ​ളു​ടെ അ​ഭാ​വ​ത്താ​ല്‍ പ​തി​റ്റാ​ണ്ടു​ക​ളാ​യി ദു​രി​ത​മ​നു​ഭ​വി​ക്കു​ന്ന​ത്. നാ​ളി​തു​വ​രെ​യാ​യി​ട്ടും ഉ​ന്ന​തി​യി​ലേ​ക്കെ​ത്താ​ന്‍ വ​ഴി​യി​ല്ല.

സ്വ​കാ​ര്യ​വ്യ​ക്തി​ക​ളു​ടെ വ​യ​ല്‍​വ​ര​മ്പി​ലൂ​ടെ വേ​ണം ഇ​വ​ര്‍​ക്ക് പു​റം ലോ​ക​ത്തേ​ക്കെ​ത്താ​ന്‍. മ​ഴ​ക്കാ​ല​ങ്ങ​ളി​ല്‍ ഇ​തു​വ​ഴി​യു​ള്ള യാ​ത്ര​യും തീ​രാ​ദു​രി​ത​മാ​ണ്. ഉ​ന്ന​തി​യി​ല്‍ നി​ന്ന് സ്‌​കൂ​ളി​ല്‍ പോ​കു​ന്ന കു​ട്ടി​ക​ളു​ടെ പ​ഠ​ന​ത്തെ​യും വ​ഴി​യി​ല്ലാ​ത്ത​ത് സാ​ര​മാ​യി ബാ​ധി​ച്ചി​ട്ടു​ണ്ട്. മ​ഴ​പെ​യ്യു​ന്ന സ​മ​യ​ങ്ങ​ളി​ല്‍ വ​ഴു​ക്കു​ള്ള വ​യ​ല്‍​വ​ര​മ്പ് താ​ണ്ടി റോ​ഡി​ലെ​ത്തു​മ്പോ​ഴേ​ക്കും സ്‌​കൂ​ള്‍ വാ​ഹ​നം പോ​യി​ട്ടു​ണ്ടാ​വു​മെ​ന്നും അ​ന്ന​ത്തെ പ​ഠ​നം മു​ട​ങ്ങാ​റാ​ണ് പ​തി​വെ​ന്നും ഉ​ന്ന​തി​വാ​സി​ക​ള്‍ പ​റ​യു​ന്നു. ഉ​ന്ന​തി​ക്ക് മു​ന്നി​ല്‍ വ​ന​മാ​ണ്.

ഇ​തു​വ​ഴി ഉ​ന്ന​തി​യി​ലേ​ക്കെ​ത്താ​ന്‍ ഒ​രു മ​ണ്‍​പാ​ത ഉ​ണ്ട്. എ​ന്നാ​ല്‍ ഉ​ന്ന​തി​യെ​യും ഈ​പാ​ത​യെ​യും വേ​ര്‍​തി​രി​ച്ചൊ​ഴു​കു​ന്ന തോ​ടി​നു​കു​റു​കെ പാ​ല​മി​ല്ലാ​ത്ത​തും ദു​രി​തം കൂ​ട്ടു​ക​യാ​ണ്. വേ​ന​ല്‍​കാ​ല​ങ്ങ​ളി​ല്‍ വെ​ള്ളം​കു​റ​വാ​യി​രി​ക്കും. എ​ന്നാ​ല്‍ മ​ഴ​ക്കാ​ല​ങ്ങ​ളി​ല്‍ തോ​ട് ക​ര​ക​വി​ഞ്ഞൊ​ഴു​കും. ഈ​സ​മ​യ​ങ്ങ​ളി​ല്‍ ഇ​വ​ര്‍ ഒ​റ്റ​പ്പെ​ടാ​റാ​ണ് പ​തി​വ്.

ഉ​ന്ന​തി​യി​ല്‍ ഏ​ഴ് വീ​ടു​ക​ളാ​ണു​ള്ള​ത്. ഇ​വി​ട​ങ്ങ​ളി​ല്‍ മു​പ്പ​തി​ലേ​റെ അം​ഗ​ങ്ങ​ളു​മു​ണ്ട്. ഇ​വ​ര്‍​ക്ക് കു​ടി​ക്കാ​നും ഭ​ക്ഷ​ണം പാ​കം ചെ​യ്യാ​നു​മാ​വ​ശ്യ​മാ​യ ശു​ദ്ധ​ജ​ല​വും അ​ന്യ​മാ​ണ്. ഉ​ന്ന​തി​യി​ല്‍ കി​ണ​റു​ണ്ടെ​ങ്കി​ലും ഇ​വ​യി​ലെ വെ​ള്ളം മ​ലി​ന​മാ​ണ്. മ​ഞ്ഞ​ക​ള​റി​ലു​ള്ള വെ​ള്ളം കോ​രി​വ​ച്ച് മൂ​ന്നും നാ​ലും ദി​വ​സം ക​ഴി​ഞ്ഞാ​ണ് വ​സ്ത്ര​ങ്ങ​ള്‍ അ​ല​ക്കാ​ന​ട​ക്കം ഉ​പ​യോ​ഗി​ക്കു​ന്ന​ത്.

മു​ന്‍​മ്പ് ഷി​ഗെ​ല്ല ബാ​ധി​ച്ച് ഒ​രു കു​ട്ടി മ​ര​ണ​പ്പെ​ട്ട ഉ​ന്ന​തി​കൂ​ടി​യാ​ണ് പി​ലാ​ക്കാ​വ് കാ​ട്ടു​നാ​യ്ക്ക് ഊ​ര്. നി​ല​വി​ല്‍ ഒ​രു കി​ലോ​മീ​റ്റ​ര്‍ ദൂ​രം വ​യ​ല്‍​വ​ര​മ്പി​ലൂ​ടെ സ​ഞ്ച​രി​ച്ചാ​ണ് ഇ​വ​ര്‍ ശു​ദ്ധ​ജ​ലം ശേ​ഖ​രി​ക്കു​ന്ന​ത്. വ​യ​ലി​ന് ന​ടു​വി​ലെ ഒ​രു കേ​ണി​യി​ല്‍ നി​ന്നാ​ണ് ഇ​വ​ര്‍ ശു​ദ്ധ​ജ​ലം എ​ടു​ക്കു​ന്ന​ത്. മാ​റി​മാ​റി​വ​രു​ന്ന പ്രാ​ദേ​ശി​ക ഭ​ര​ണ​കൂ​ട​ത്തോ​ട് നി​ര​ന്ത​ര​മാ​വ​ശ്യ​പ്പെ​ട്ടി​ട്ടും അ​ടി​സ്ഥാ​ന സൗ​ക​ര്യ​ങ്ങ​ള്‍ നി​ഷേ​ധി​ക്ക​പ്പെ​ടു​ക​യാ​ണെ​ന്നും ഇ​നി ആ​രോ​ട് ത​ങ്ങ​ളു​ടെ സ​ങ്ക​ടം പ​റ​യ​ണ​മെ​ന്നു​മാ​ണ് ഉ​ന്ന​തി​ക്കാ​ര്‍ ആ​ശ​ങ്ക​പ്പെ​ടു​ന്ന​ത്.

Tags : Local News Nattuvishesham Wayanad