തിരുവല്ല: വൈഎംസിഎ സബ് റീജൺ റൂബി ജൂബിലി ആഘോഷ സമാപനം നാളെ മൂന്നിന് തിരുവല്ല വൈഎംസിഎയിൽ നടക്കും. മന്ത്രി രമേശ് ചെന്നിത്തല ഉദ്ഘാടനം ചെയ്യും. മലങ്കര മാർത്തോമ്മാ സഭാ പരമാധ്യക്ഷൻ ഡോ. തിയോഡോഷ്യസ് മാർത്തോമ്മാ മെത്രാപ്പോലീത്ത മുഖ്യാതിഥിയായി പങ്കെടുക്കും. സബ് റീജൺ ചെയർമാൻ ജോജി പി. തോമസ് അധ്യക്ഷത വഹിക്കും.
വർഗീസ് മാമ്മൻ എംഎൽഎ, വിനു ജോബ് എംഎൽഎ എന്നിവരെ അനുമോദിക്കും. വൈഎംസിഎ സംസ്ഥാന ചെയർമാൻ പ്രഫ. അലക്സ് തോമസ്, മുൻ സംസ്ഥാന ചെയർമാൻ പ്രഫ. ജോയ് സി. ജോർജ് എന്നിവർ സന്ദേശം നൽകും.
സബ് റീജൻ റൂബി ജൂബിലിയോടനുബന്ധിച്ച് തിരുവല്ല വൈഎംസിഎ വികാസ് സ്കൂളിന് സേവന രത്ന പുരസ്കാരവും 15001 രൂപയും സമ്മാനിക്കും. വൈഎംസിഎ സേവന ശ്രേഷ്ഠതാ പുരസ്കാരം ജെയിംസ് പീറ്ററിന് നൽകും.
ദേശീയ ബോഡി ബിൽഡിംഗ് ജഡ്ജി ബാബു ചെറിയാൻ, മുൻ സബ് റീജൺ ചെയർമാൻമാർ, ജനറൽ കൺവീനർമാർ, നാല്പത് വർഷങ്ങൾ പൂർത്തീകരിച്ച വൈഎംസിഎ കൾ, വികാസ് സ്കൂൾ അധ്യാപകർ, അനധ്യാപകർ എന്നിവരെ യോഗത്തിൽ ആദരിക്കും.