19

മോ​സ്കോ: ഇ​റാ​ൻ പ​ര​മോ​ന്ന​ത നേ​താ​വ് ആ​യ​ത്തൊള്ള അ​ലി ഖ​മ​ന​യ്‌​യു​ടെ മ​ക​ൻ മോ​ജ്ത​ബ ഖ​മ​ന​യ് രാ​ജ്യ​ത്തു​ത​ന്നെ​യു​ണ്ടെ​ന്നും എ​ന്നാ​ൽ സു​ര​ക്ഷാ കാ​ര​ണ​ങ്ങ​ളാ​ൽ അ​ദ്ദേ​ഹം പൊ​തു​വേ​ദി​ക​ളി​ൽ പ്ര​ത്യ​ക്ഷ​പ്പെ​ടു​ന്ന​ത് ഒ​ഴി​വാ​ക്കു​ക​യാ​ണെ​ന്നും റ​ഷ്യ. ഇ​റാ​നി​ലെ രാ​ഷ്ട്രീ​യ സാ​ഹ​ച​ര്യ​ങ്ങ​ളെ​ക്കു​റി​ച്ചും ഭ​ര​ണ​മാ​റ്റ​ത്തെ​ക്കു​റി​ച്ചു​മു​ള്ള അ​ഭ്യൂ​ഹ​ങ്ങ​ൾ​ക്കി​ടെ​യാ​ണ് റ​ഷ്യ​ൻ വി​ദേ​ശ​കാ​ര്യ മ​ന്ത്രാ​ല​യ​ത്തി​ന്‍റെ ഈ ​സു​പ്ര​ധാ​ന വെ​ളി​പ്പെ​ടു​ത്ത​ൽ.

മോ​ജ്ത​ബ ഖ​മ​ന​യ് ഇ​റാ​ൻ വി​ട്ടു​പോ​യി​ട്ടി​ല്ലെ​ന്നും സു​ര​ക്ഷി​ത​നാ​ണെ​ന്നും റ​ഷ്യ​ൻ വി​ദേ​ശ​കാ​ര്യ വ​ക്താ​വ് വ്യ​ക്ത​മാ​ക്കി. അ​ദ്ദേ​ഹം എ​വി​ടെ​യാ​ണെ​ന്ന​ത് സം​ബ​ന്ധി​ച്ച് പാ​ശ്ചാ​ത്യ മാ​ധ്യ​മ​ങ്ങ​ളി​ൽ വ​രു​ന്ന വാ​ർ​ത്ത​ക​ൾ അ​ടി​സ്ഥാ​ന​ര​ഹി​ത​മാ​ണെ​ന്നും റ​ഷ്യ കൂ​ട്ടി​ച്ചേ​ർ​ത്തു. ഇ​സ്ര​യേ​ലും അ​മേ​രി​ക്ക​യു​മാ​യു​ള്ള സം​ഘ​ർ​ഷം നി​ല​നി​ൽ​ക്കു​ന്ന പ​ശ്ചാ​ത്ത​ല​ത്തി​ൽ, ഇ​റാ​ന്‍റെ അ​ടു​ത്ത പ​ര​മോ​ന്ന​ത നേ​താ​വാ​കാ​ൻ സാ​ധ്യ​ത​യു​ള്ള വ്യ​ക്തി എ​ന്ന നി​ല​യി​ൽ മോ​ജ്ത​ബ​യ്ക്ക് വ​ലി​യ സു​ര​ക്ഷാ ഭീ​ഷ​ണി​യു​ണ്ട്.

ഇ​താ​ണ് അ​ദ്ദേ​ഹം പൊ​തു​വേ​ദി​ക​ളി​ൽ നി​ന്ന് മാ​റി​നി​ൽ​ക്കാ​ൻ കാ​ര​ണ​മെ​ന്ന് റ​ഷ്യ​ൻ ഉ​ദ്യോ​ഗ​സ്ഥ​ർ സൂ​ചി​പ്പി​ച്ചു. 85 വ​യ​സാ​യ അ​ലി ഖ​മ​ന​യ്‌​യു​ടെ ആ​രോ​ഗ്യ​സ്ഥി​തി​യെ​ക്കു​റി​ച്ചു​ള്ള ച​ർ​ച്ച​ക​ൾ​ക്കി​ടെ, മോ​ജ്ത​ബ​യെ അ​ടു​ത്ത സാ​ര​ഥി​യാ​യി അ​വ​രോ​ധി​ക്കാ​നു​ള്ള നീ​ക്ക​ങ്ങ​ൾ ഇ​റാ​നി​ൽ സ​ജീ​വ​മാ​ണെ​ന്നാ​ണ് റി​പ്പോ​ർ​ട്ടു​ക​ൾ. ഇ​റാ​നും റ​ഷ്യ​യും ത​മ്മി​ലു​ള്ള പ്ര​തി​രോ​ധ സ​ഹ​ക​ര​ണം വ​ർ​ധി​ച്ചു​വ​രു​ന്ന സാ​ഹ​ച​ര്യ​ത്തി​ലാ​ണ് റ​ഷ്യ ഇ​ത്ത​ര​മൊ​രു പ്ര​സ്താ​വ​ന​യു​മാ​യി രം​ഗ​ത്തെ​ത്തി​യ​ത് എ​ന്ന​തും ശ്ര​ദ്ധേ​യ​മാ​ണ്. 

Tags : Mojtaba Khamenei Russia Latest News