വാഷിംഗ്ടൺ ഡിസി: വെനസ്വേലയിൽ നയതന്ത്ര സാന്നിധ്യം പുനഃസ്ഥാപിക്കാൻ ഒരുങ്ങി യുഎസ്. ഈ ആഴ്ച തന്നെ തലസ്ഥാനമായ കാരക്കാസില് എംബസിയുടെ പ്രവർത്തനം പുനഃരാരംഭിക്കാനാണ് നീക്കം.
യുഎസിൽ നിന്നുള്ള നയതന്ത്ര സംഘം ഉടൻ വെനസ്വേലയിൽ എത്തും. എയർഫോഴ്സ് വണ്ണിലെ യാത്രക്കിടെ മാധ്യമപ്രവർത്തകർ എംബസി വീണ്ടും തുറക്കാനുള്ള സാധ്യതയെക്കുറിച്ച് ട്രംപിനോട് ചോദിച്ചിരുന്നു. തങ്ങൾ അതിനെക്കുറിച്ച് ചിന്തിക്കുകയാണെന്നായിരുന്നു ട്രംപ് പറഞ്ഞത്.
നേരത്തെ 1995ലാണ് വെനസ്വേലയിലെ യുഎസ് എംബസി ഓഫീസ് പ്രവർത്തനം ആരംഭിച്ചത്. 2019-ൽ യുഎസ് ഇവിടത്തെ പ്രവർത്തനങ്ങൾ നിർത്തിവച്ചിരുന്നു. തുടർന്ന് അയൽരാജ്യമായ കൊളംബിയയിലാണ് യുഎസ് എംബസി പ്രവർത്തിച്ചിരുന്നത്.
മഡുറോയെ സ്ഥാനത്ത്നിന്ന് നീക്കിയതിനു പിന്നാലെയാണ് യുഎസ് നയതന്ത്ര നീക്കം ഇപ്പോൾ ശക്തമാക്കിയിരിക്കുന്നത്.