4

കൊച്ചി: റാപ്പര്‍ ഹനുമാന്‍കൈന്‍ഡ് കൊച്ചിയില്‍ എത്തുന്നു. ജനുവരി 18ന് എറണാകുളം ബോള്‍ഗാട്ടി പാലസ് ആന്‍ഡ് റിസോര്‍ട്ട് ഗ്രൗണ്ടില്‍ നടക്കുന്ന ഹോം റണ്‍ സംഗീതപരിപാടിയുമായാണ് ഹനുമാന്‍കൈന്‍ഡ് എത്തുന്നത്. ആദ്യമായാണ് ഹനുമാന്‍കൈന്‍ഡ് കേരളത്തില്‍ പരിപാടി അവതരിപ്പിക്കാനെത്തുന്നത്.

ഈ വര്‍ഷത്തെ ഹനുമാന്‍കൈന്‍ഡിന്‍റെ സംഗീതപര്യടനം ആരംഭിക്കുന്നതും കേരളത്തില്‍ നിന്നാണ്. തുടര്‍ന്ന് ഫെബ്രുവരി ഒന്നിന് ബംഗളൂരുവില്‍ ഹോം റണ്‍ പരിപാടി നടത്തും. ശേഷം ഫെബ്രുവരി 18ന് ലോസ് ആഞ്ചലസില്‍ പരിപാടി അവതരിപ്പിക്കും. തുടര്‍ന്ന് 19ന് സാന്‍ഫ്രാന്‍സിസകോയിലും പരിപാടി അവതരിപ്പിക്കും.

പൊന്നാനിയിലെ മരണക്കിണറില്‍ ചിത്രീകരിച്ച ബിഗ് ഡാഗ്‌സ് എന്ന ആല്‍ബത്തിലൂടെയാണ് സൂരജ് ചെറുകാട് എന്ന ഹനുമാന്‍കൈന്‍ഡ് ലോകമെമ്പാടും ശ്രദ്ധ നേടുന്നത്. മരണക്കിണറില്‍ ഓടുന്ന ബൈക്കിലും കാറിലും ലൈവ്സ്റ്റണ്ട് നടത്തി ഹനുമാന്‍കൈന്‍ഡ് 2024ല്‍ അവതരിപ്പിച്ച റാപ് സോംഗ് 278 മില്യണ്‍ വ്യൂസ് ഇതുവരെ നേടിയിട്ടുണ്ട്.

Tags : Hanumankind Kochi Music