തിരുവല്ല: മലയാളി പർവതാരോഹക നേപ്പാളിലെ മലനിരകളിൽ കുടുങ്ങി. തിരുവല്ല സ്വദേശി സീന സാറ മജ്നു യാത്രക്കിടയിലെ അപകട വിവരം സമൂഹമാധ്യമത്തിലൂടെയാണ് പുറംലോകത്തെ അറിയിച്ചത്.

തിരുവല്ലയിലെ നാഷണൽ കോളജിന്‍റെ ഡയറക്ടർ കൂടിയാണ് സാറ. നേപ്പാളിൽ സമു​ദ്രനിരപ്പിൽ നിന്ന്​ 6119 അടി ഉയരത്തിലുളള ലൊബൂചെ കൊടുമുടിയിലേക്കായിരുന്നു യാത്ര. ഏഴാം ദിവസം ഇവിടെ എത്തിയ ശേഷം ഇറങ്ങുന്നതിനിടെയാണ്​ അപകടമുണ്ടായത്​. അബദ്ധത്തിൽ താഴേക്ക്​ വീഴുകയായിരുന്നു. വീഴ്ച മൂലം തന്‍റെ കൈയ്ക്കു ക്ഷതമേറ്റിട്ടുണ്ടെന്നും വേദനയുണ്ടെന്നും പറഞ്ഞു.

മുമ്പും ഇവർ ​ലൊബൂച്ച കയറിയിട്ടുള്ളതാണ്​. അപകട വിവരം അറിഞ്ഞതിനു പിന്നാലെ ഭർത്താവ് മജ്​നു എം. രാജൻ സീനയുമായി ബന്ധപ്പെടാൻ ശ്രമിച്ചെങ്കിലും സാധിച്ചില്ല. കേന്ദ്ര സർക്കാരിന്‍റെ ഇടപെടൽ അഭ്യർഥിച്ചതായും മജ്നു പറഞ്ഞു.
‌
സഹായം തേടി ബിജെപി നേതാവ് അനൂപ് ആന്‍റണി നേപ്പാളിലെ ഇന്ത്യൻ എംബസിയുമായി ബന്​ധപ്പെട്ടു. വിഷയം വിദേശകാര്യ മന്ത്രിയുടെ ശ്രദ്ധയിൽ പെടുത്തിയതായും അനൂപ്​ ആന്‍റണി അറിയിച്ചു.

Tags : Mountaineer Malayali Stranded Mountains Nepal