കോ​ഴി​ക്കോ​ട്: 100 മീ​റ്റ​റി​ൽ സം​സ്ഥാ​ന കാ​യി​കമേ​ള​യി​ലെ ഇ​ത്ത​വ​ണ​ത്തെ ഏ​ക റി​ക്കാ​ർ​ഡു​മാ​യി ടി.​എം. അ​തു​ൽ. 15 വ​ർ​ഷം മു​ന്പ്, 2011ൽ ​കോ​ത​മം​ഗ​ലം മാ​ർ ബേ​സി​ൽ എ​ച്ച്എ​സ്എ​സ് വി​ദ്യാ​ർ​ഥി ജി​ജി​ൻ വി​ജ​യ​ൻ സ്ഥാ​പി​ച്ച റി​ക്കാ​ർ​ഡ് (10.70) പ​ഴ​ങ്ക​ഥ​യാ​ക്കി യാണ് അ​തു​ൽ (10.63) ട്രാ​ക്കി​ൽ തീ ​പ​ട​ർ​ത്തി.

ജൂ​നി​യ​ർ വി​ഭാ​ഗ​ത്തി​ൽ മ​ത്സരി​ച്ച​പ്പോ​ഴും അ​തു​ൽ റി​ക്കാ​ർ​ഡ് കു​റി​ച്ചി​രു​ന്നു. അ​തു​ലി​ന്‍റെ ക​ഴി​വു ക​ണ്ട​റി​ഞ്ഞ് സ​ഞ്ജു സാം​സ​ൺ ഫൗ​ണ്ടേ​ഷ​ൻ അ​തു​ലി​ന്‍റെ സ്പോ​ൺ​സ​ർ​ഷി​പ്പ് ഏ​റ്റെ​ടു​ക്കു​ക​യാ​യി​രു​ന്നു. സ​ഞ്ജു സാം​സ​ൺ ഫൗ​ണ്ടേ​ഷ​നു ന​ന്ദി അ​റി​യി​ച്ചു കൊ​ണ്ടാ​ണ് അ​തു​ൽ സ​ന്തോ​ഷം പ​ങ്കു​വ​ച്ച​ത്.

ചാ​ര​മം​ഗ​ലം ഗ​വ. ഡി​വി​വി​എ​ച്ച്എ​സ് പ്ല​സ്‌​ടു വി​ദ്യാ​ർ​ഥി​യാ​യ അ​തു​ലി​ന്‍റെ പി​താ​വ് മാ​ർ​ട്ടി​ൻ ( ജ​യ്മോ​ൻ ) മ​ത്സ്യത്തൊ​ഴി​ലാ​ളി​യാ​ണ്. അ​മ്മ: സി​നി​മോ​ൾ. കെ.​ആ​ർ. സാം​ജി​യു​ടെ നേ​തൃ​ത്വ​ത്തി​ൽ ക​ല​വൂ​ർ എ​ൻ ഗോ​പി​നാ​ഥ് സ്റ്റേ​ഡി​യ​ത്തി​ലാ​യി​രു​ന്നു പ​രി​ശീ​ല​നം.

പാ​ല​ക്കാ​ടിന് മറിക​ട​ന്ന് മ​ല​പ്പു​റം

കോ​ഴി​ക്കോ​ട്: സം​സ്ഥാ​ന സ്‌​കൂ​ൾ കാ​യി​കമേ​ള​യി​ലെ അ​ത്‌​ല​റ്റി​ക്സി​ൽ പാ​ല​ക്കാ​ടി​നെ മ​റി​ക​ട​ന്ന് മ​ല​പ്പു​റ​ത്തി​ന്‍റെ മു​ന്നേ​റ്റം. അ​ഞ്ചു സ്വ​ർ​ണ​വും ഒ​മ്പ​തു വെ​ള്ളി​യും ഏ​ഴു വെ​ങ്ക​ല​വും അ​ക്കൗ​ണ്ടി​ലാ​ക്കി​യാ​ണ് മ​ല​പ്പു​റം ഒ​ന്നാം സ്ഥാ​ന​ത്തെ​ത്തി​യ​ത്.

ര​ണ്ടാം സ്ഥാ​ന​ത്തു​ള്ള പാ​ല​ക്കാ​ടി​ന് ഏ​ഴു സ്വ​ർ​ണ​വും അ​ഞ്ചു വെ​ള്ളി​യും നാ​ലു വെ​ങ്ക​ല​വും ഉ​ൾ​പ്പടെ 54 പോ​യ​ന്‍റു​ണ്ട്. 45 പോ​യ​ന്‍റ് നേ​ടി​യ തി​രു​വ​ന​ന്ത​പു​ര​ത്തി​ന് ആ​റു സ്വ​ർ​ണ​വും നാ​ലു വെ​ള്ളി​യും മൂ​ന്നു വെ​ങ്ക​ല​വു​മാ​ണ്.

സ്‌​കൂ​ളു​ക​ളി​ൽ മ​ല​പ്പു​റം ക​ടാ​ശേ​രി ഐ​ഡി​യ​ല്‍ ഇ​എ​ച്ച്എ​സ്എ​സ് 19 പോ​യ​ന്‍റു​മാ​യി ഒ​ന്നാം സ്ഥാ​ന​ത്തു​ണ്ട്. മ​ല​പ്പു​റം ആ​ല​ത്തി​യൂ​ര്‍ കെ​എ​ച്ച്എം​എ​ച്ച്എ​സ് 16 പോ​യ​ന്‍റ് നേ​ടി ര​ണ്ടാം സ്ഥാ​ന​ത്താ​ണ്. ആ​ല​പ്പു​ഴ സെ​ന്‍റ് ജോ​സ​ഫ്‌​സ് ജി​എ​ച്ച്എ​സ്എ​സ് 16 പോ​യ​ന്‍റു​മാ​യി മൂ​ന്നാം സ്ഥാ​ന​ത്തു​ണ്ട്.

ന​മി​ത​യ്ക്ക് മ​ധു​ര​പ്പ​തി​നേ​ഴ്...

കോ​ഴി​ക്കോ​ട്: പ​തി​നേ​ഴാം ജ​ന്മ​ദി​ന​ത്തി​ല്‍ സ്വ​ര്‍​ണ​മെ​ഡ​ല്‍ സ്വ​ന്ത​മാ​ക്കി​യ​തി​ന്‍റെ ഇ​ര​ട്ടി സ​ന്തോ​ഷ​ത്തി​ലാ​ണ് വ​യ​നാ​ട് ക​ല്‍​പ്പ​റ്റ സ്വ​ദേ​ശി​നി എ.​ആ​ര്‍. ന​മി​ത. ജൂ​നി​യ​ര്‍ പെ​ണ്‍​കു​ട്ടി​ക​ളു​ടെ ജാ​വ​ലി​ന്‍ ത്രോ​യി​ലാ​ണ് ന​മി​ത​യു​ടെ സു​വ​ർ​ണ​നേ​ട്ടം.

പ​രി​ശീ​ല​ക​ൻ ജി. ​താ​ലി​ബ്. ആ​ഘോ​ഷ​ങ്ങ​ള്‍ മാ​റ്റി​വ​ച്ച് മ​ത്സ​ര​ത്തി​നി​റ​ങ്ങി​യ ന​മി​ത​യു​ടെ ല​ക്ഷ്യം സ്വ​ര്‍​ണം മാ​ത്ര​മാ​യി​രു​ന്നു. 32.47 മീ​റ്റ​ര്‍ ദൂ​രം ക​ണ്ടെ​ത്തി​യാ​ണ് ന​മി​ത സ്വ​ര്‍​ണ​ം സ്വ​ന്ത​മാ​ക്കി​യ​ത്. ക​ല്‍​പ്പ​റ്റ ഗ​വ. വൊ​ക്കേ​ഷ​ണ​ല്‍ ഹ​യ​ര്‍ സെ​ക്ക​ന്‍​ഡ​റി സ്‌​കൂ​ളി​ലെ വി​ദ്യാ​ര്‍​ഥി​നി​യാ​ണ്.

യാ​ത്രാ​ക്ഷീ​ണ​ത്തി​ലും അ​മൃ​തി​നു സ്വ​ര്‍​ണം 

കോ​ഴി​ക്കോ​ട്: ചെ​ന്നൈ​യി​ല്‍ ന​ട​ന്ന ജൂ​നി​യ​ര്‍ അ​ത്‌​ല​റ്റി​ക്‌​സ് മീ​റ്റി​ല്‍ പ​ങ്കെ​ടു​ത്ത് മ​ട​ങ്ങി​യെ​ത്തി​യ​തി​ന്‍റെ ക്ഷീ​ണ​ത്തി​നി​ട​യി​ലും 1500 മീ​റ്റ​റി​ല്‍ സ്വ​ര്‍​ണം നേ​ടി എം. ​അ​മൃ​ത്. പാ​ല​ക്കാ​ട് കു​മാ​രം​പു​ത്തൂ​ര്‍ കെ​എ​ച്ച്എ​സി​ലെ പ്ല​സ് ടു ​വി​ദ്യാ​ര്‍​ഥി​യാ​യ അ​മൃ​ത് നാ​ലു മി​നി​റ്റ് അ​ഞ്ചു സെ​ക്ക​ന്‍​ഡി​ല്‍ ഫി​നി​ഷ് ചെ​യ്താ​ണ് സ്വ​ര്‍​ണ​നേ​ട്ടം സ്വ​ന്ത​മാ​ക്കി​യ​ത്.

ചൊ​വ്വാ​ഴ്ച പു​ല​ര്‍​ച്ചെ​യാ​ണ് അ​മൃ​ത് ചെ​ന്നൈ​യി​ല്‍​നി​ന്നു തി​രി​ച്ചെ​ത്തി​യ​ത്. അ​വി​ടെ 800 മീ​റ്റ​ര്‍ ഓ​ട്ട​ത്തി​ലാ​ണു പ​ങ്കെ​ടു​ത്ത​ത്. എ​ന്നാ​ല്‍, മെ​ഡ​ല്‍ നേ​ടാ​നാ​യി​ല്ല. യാ​ത്രാ​ക്ഷീ​ണം ഇ​ന്ന​ല​ത്തെ പ്ര​ക​ട​ന​ത്തെ ബാ​ധി​ക്കാ​തെ അ​മൃ​ത് 1500 മീ​റ്റ​റി​ല്‍ മി​ക​ച്ച മു​ന്നേ​റ്റം ന​ട​ത്തി സ്വ​ര്‍​ണം സ്വ​ന്ത​മാ​ക്കു​ക​യാ​യി​രു​ന്നു.

ക​ഴി​ഞ്ഞ വ​ര്‍​ഷം പ​രി​ക്കു​മൂ​ലം മ​ത്സ​ര​ങ്ങ​ളി​ലൊ​ന്നും പ​ങ്കെ​ടു​ക്കാ​ന്‍ ക​ഴി​യാ​തി​രു​ന്ന അ​മൃ​ത് 2024ല്‍ ​എ​റ​ണാ​കു​ള​ത്ത് ന​ട​ന്ന സം​സ്ഥാ​ന സ്‌​കൂ​ള്‍ കാ​യി​ക​മേ​ള​യി​ല്‍ 400, 800, 1500 മീ​റ്റ​ര്‍ ഇ​ന​ങ്ങ​ളി​ല്‍ സ്വ​ര്‍​ണം നേ​ടി. പാ​ല​ക്കാ​ട് ചേ​രാ​മം​ഗ​ലം കു​ള​ത്തു​ങ്ക​ല്‍ മോ​ഹ​ന​ന്‍​-പു​ഷ്പ​ല​ത ദ​മ്പ​തി​ക​ളു​ടെ മ​ക​നാ​ണ്.

400ല്‍ ​പി​ഴ​ച്ചു 1500ൽ ​സ്വ​ര്‍​ണം നേടി അൽക്ക 

കോ​ഴി​ക്കോ​ട്: 400 മീ​റ്റ​റി​ല്‍ ന​ഷ്ട​മാ​യ സ്വ​ര്‍​ണം 1500 മീ​റ്റ​റി​ല്‍ തി​രി​ച്ചു​പി​ടി​ച്ച് അ​ല്‍​ക്ക ഷി​നോ​ജ്. കോ​ഴി​ക്കോ​ട് കു​ള​ത്തു​വ​യ​ല്‍ സെ​ന്‍റ് ജോ​ര്‍​ജ് എ​ച്ച്എ​സ്എ​സി​ലെ ഒ​മ്പ​താം ക്ലാ​സ് വി​ദ്യാ​ര്‍​ഥി​നി​യാ​യ അ​ല്‍​ക്ക ഷി​നോ​ജ്, ജൂ​നി​യ​ര്‍ പെ​ണ്‍​കു​ട്ടി​ക​ളു​ടെ 1500 മീ​റ്റ​ര്‍ ഓ​ട്ട​ത്തി​ല്‍ നാ​ല് മി​നി​റ്റ് 51 സെ​ക്ക​ന്‍​ഡി​ല്‍ ഫി​നി​ഷ് ചെ​യ്താ​ണ് സ്വ​ര്‍​ണം നേ​ടി​യ​ത്.

ക​ഴി​ഞ്ഞ വ​ര്‍​ഷ​ത്തെ സം​സ്ഥാ​ന കാ​യി​ക​മേ​ള​യി​ല്‍ 400, 600 മീ​റ്റ​ര്‍ ഇ​ന​ങ്ങ​ളി​ല്‍ സ്വ​ര്‍​ണ​വും 200 മീ​റ്റ​റി​ല്‍ വെ​ള്ളി​യും അ​ല്‍​ക്ക സ്വ​ന്ത​മാ​ക്കി​യി​രു​ന്നു. ചൊ​വ്വാ​ഴ്ച ന​ട​ന്ന 400 മീ​റ്റ​ര്‍ ഓ​ട്ട​ത്തി​ല്‍ സ്വ​ര്‍​ണ​പ്ര​തീ​ക്ഷ​യോ​ടെ​യാ​ണ് താ​രം ട്രാ​ക്കി​ലി​റ​ങ്ങി​യ​ത്. എ​ന്നാ​ല്‍, വെ​ള്ളി​കൊ​ണ്ടു തൃ​പ്തി​പ്പെ​ടേ​ണ്ടി​വ​ന്നു. ഇ​തി​ന് പ​ക​രം​വീ​ട്ടു​ക​യെ​ന്ന ല​ക്ഷ്യ​ത്തോ​ടെ​യാ​ണ് 1500 മീ​റ്റ​റി​ല്‍ വാ​ശി​യോ​ടെ ഓ​ടി​യ​തെ​ന്ന് അ​ല്‍​ക്ക ഷി​നോ​ജ് പ​റ​ഞ്ഞു.

സി​ആ​ര്‍​പി​എ​ഫ് ഉ​ദ്യോ​ഗ​സ്ഥ​നാ​യ ഷി​നോ​ജി​ന്‍റെ​യും ജി​തി​ന​യു​ടെ​യും മ​ക​ളാ​യ അ​ല്‍​ക്ക​യ്ക്ക് ഭാ​വി​യി​ല്‍ ഒ​ളി​മ്പി​ക്‌​സി​ല്‍ പ​ങ്കെ​ടു​ത്ത് മെ​ഡ​ലു​ക​ള്‍ നേ​ട​ണ​മെ​ന്നാ​ണ് ആ​ഗ്ര​ഹം.

ഉ​ന്ന​ത​ങ്ങ​ളി​ൽ റൊ​ണാ​ൾ​ഡ്

കോ​ഴി​ക്കോ​ട്: പോ​ൾ വോ​ൾ​ട്ടി​ൽ സ്വ​ർ​ണം മാ​ത്ര​മാ​യി​രു​ന്നി​ല്ല റൊ​ണാ​ൾ​ഡ് ടി. ​റോ​യി​യു​ടെ ല​ക്ഷ്യം. മു​ഖ​ത്ത് മു​റി​വ് പ​റ്റി​യി​ട്ടും സം​സ്ഥാ​ന റി​ക്കാ​ർ​ഡ് കൂ​ടെ പോ​രു​മെ​ന്ന ഉ​റ​ച്ച വി​ശ്വാ​സ​ത്തി​ൽ അ​വ​സാ​ന നി​മി​ഷം​വ​രെ അ​വ​ൻ പൊ​രു​തി. ഒ​ടു​വി​ൽ, പോ​രാ​ട്ടം മ​തി​യാ​ക്കു​മ്പോ​ൾ നി​റ​ഞ്ഞ കൈ​യ​ടി​യാ​യി​രു​ന്നു കാ​ണി​ക​ൾ അ​വ​ന് ന​ൽ​കി​യ​ത്

സീ​നി​യ​ർ വി​ഭാ​ഗം ആ​ൺ​കു​ട്ടി​ക​ളു​ടെ പോ​ൾ​വോ​ൾ​ട്ട് മ​ത്സ​ര​ത്തി​ലാ​ണ് മ​ല​പ്പു​റം ഐ​ഡി​യ​ൽ സ്‌​കൂ​ളി​ലെ പ്ല​സ് വ​ൺ വി​ദ്യാ​ർ​ഥി​യാ​യ റൊ​ണാ​ൾ​ഡ് സ്വ​ർ​ണം നേ​ടി​യ​ത്. 4.30 മീ​റ്റ​റാ​ണ് ചാ​ടി​യ​ത്. 4.80 ആ​ണ് റി​ക്കാ​ർ​ഡ്. ക​ർ​ഷ​ക​നാ​യ റോ​യി​ച്ച​ൻ - സീ​നി​യ ദ​മ്പ​തി​മാ​രു​ടെ മ​ക​നാ​ണ്. മാ​താ​പി​താ​ക്ക​ളും സ​ഹോ​ദ​രി റോ​സ്‌​ന​യും റൊ​ണാ​ൾ​ഡി​ന്‍റെ പ്ര​ക​ട​നം കാ​ണാ​ൻ ഗ്രൗ​ണ്ടി​ൽ എ​ത്തി​യി​രു​ന്നു

എ​റി​ഞ്ഞു​ നേ​ടി ഷാ​ബി​സ്

കോ​ഴി​ക്കോ​ട്: സീ​നി​യ​ർ വി​ഭാ​ഗം ആ​ൺ​കു​ട്ടി​ക​ളു​ടെ ഡി​സ്ക​സ് ത്രോ​യി​ൽ കെ.​പി. മു​ഹ​മ്മ​ദ് ഷാ​ബി​സി​ന് സ്വ​ർ​ണം. 40.26 മീ​റ്റ​ർ ആ​ണ് എ​റി​ഞ്ഞ​ത്. മ​ല​പ്പു​റം ആ​ല​ത്തി​യൂ​ർ കെ​എ​ച്ച്എം എ​ച്ച്എ​സ്എ​സ് പ്ല​സ് വ​ൺ വി​ദ്യാ​ർ​ഥി​യാ​ണ്.

തി​രൂ​ർ ക​ക്ക​രി​പാ​ക്കി​നി ക​ള​ത്തി​ൽ സു​ബൈ​ൽ-​സ​ൽ​മാ​ൻ ദ​മ്പ​തി​ക​ളു​ടെ മ​ക​നാ​ണ്. സം​സ്ഥാ​ന സ്കൂ​ൾ കാ​യി​ക​മേ​ള​യി​ൽ ക​ഴി​ഞ്ഞ ത​വ​ണ ജൂ​നി​യ​ർ വി​ഭാ​ഗം ഡി​സ്ക​സ് ത്രോ​യി​ൽ മൂ​ന്നാം സ്ഥാ​നം ല​ഭി​ച്ചി​രു​ന്നു.

പ​ത്ത​നം​തി​ട്ട കു​ള​ന​ട പ​ഞ്ചാ​യ​ത്ത് എ​ച്ച്എ​സ്എ​സി​ലെ മാ​ത്യു വ​ർ​ഗീ​സ് കോ​ശി​ക്കാ​ണ് ര​ണ്ടാം സ്ഥാ​നം (39.86). മ​ല​പ്പു​റം മൂ​ക്കു​ത​ല പി​സി​എ​ൻ​ജി എ​ച്ച്എ​സ്എ​സി​ലെ സി.​എ​സ്. മു​ഹ​മ്മ​ദ് നി​താ​ഷ് മൂ​ന്നാം സ്ഥാ​നം നേ​ടി.

ഡി​സ്‌​ക​സ് ത്രോ​യി​ല്‍ സ്വ​ര്‍​ണ​ത്തി​ള​ക്ക​വു​മാ​യി അ​ന്‍​വി​ക

ചാ​ത്ത​മം​ഗ​ലം: ജൂ​നി​യ​ര്‍ പെ​ണ്‍​കു​ട്ടി​ക​ളു​ടെ ഡി​സ്‌​ക​സ് ത്രോ​യി​ല്‍ 33.69 മീ​റ്റ​ര്‍ ദൂ​രം എ​റി​ഞ്ഞ് സ്വ​ര്‍​ണം സ്വ​ന്ത​മാ​ക്കി ക​ണ്ണൂ​ര്‍ മ​മ്പ​റം എ​ച്ച്എ​സ്എ​സി​ലെ പ്ല​സ് വ​ണ്‍ വി​ദ്യാ​ര്‍​ഥി​നി ബി.​കെ. അ​ന്‍​വി​ക.

മൂ​ന്നാം ത​വ​ണ സം​സ്ഥാ​ന കാ​യി​ക​മേ​ള​യി​ല്‍ മാ​റ്റു​ര​യ്ക്കു​ന്ന അ​ന്‍​വി​ക, റി​ക്കാ​ര്‍​ഡ് നേ​ട്ടം ല​ക്ഷ്യ​മി​ട്ടാ​ണ് ഇ​ത്ത​വ​ണ മ​ത്സ​ര​ത്തി​നി​റ​ങ്ങി​യ​ത്. പു​തി​യ റി​ക്കാ​ര്‍​ഡ് സ്ഥാ​പി​ക്കാ​നാ​യി​ല്ലെ​ങ്കി​ലും മി​ക​ച്ച പ്ര​ക​ട​ന​ത്തി​ലൂ​ടെ സ്വ​ര്‍​ണ​നേ​ട്ടം കൈ​വ​രി​ക്കാ​നാ​യി.

ക​ഴി​ഞ്ഞ വ​ര്‍​ഷം സ​ബ് ജൂ​നി​യ​ര്‍ വി​ഭാ​ഗം ഷോ​ട്ട്പു​ട്ടി​ല്‍ റി​ക്കാ​ര്‍​ഡോ​ടെ സ്വ​ര്‍​ണ​വും ഡി​സ്‌​ക​സ് ത്രോ​യി​ല്‍ വെ​ള്ളി​യും നേ​ടി​യ അ​ന്‍​വി​ക ഇ​ത്ത​വ​ണ​യും മി​ക​വ് ആ​വ​ര്‍​ത്തി​ക്കു​ക​യാ​യി​രു​ന്നു.

റി​ജു​വി​ന്‍റെ കീ​ഴി​ല്‍ എ​ല്ലാ ദി​വ​സ​വും രാ​വി​ലെ​യും വൈ​കു​ന്നേ​ര​വും മു​ട​ങ്ങാ​തെ ന​ട​ത്തു​ന്ന ക​ഠി​ന ​പ​രി​ശീ​ല​ന​മാ​ണ് അ​ൻ​വി​ക​യു​ടെ നേ​ട്ട​ങ്ങ​ള്‍​ക്ക് ക​രു​ത്താ​കു​ന്ന​ത്. ക​ള്ളു​ചെ​ത്ത് തൊ​ഴി​ലാ​ളി​യാ​യ രാ​ജേ​ഷി​ന്‍റെ​യും സ​ജ​ന​യു​ടെ​യും മ​ക​ളാ​ണ് അ​ന്‍​വി​ക. ആ​ല്‍​ബി​ന്‍ സ​ഹോ​ദ​ര​നാ​ണ്.

സൗ​ഹൃ​ദ​ത്തി​നെ​ന്ത് ഋ​തു​ഭേ​ദം!

ചാ​ത്ത​മം​ഗ​ലം: ത്രോ​യിം​ഗ് അ​രീ​ന​യി​ല്‍ സ്വ​ര്‍​ണ​ത്തി​നാ​യി ഇ​ഞ്ചോ​ടി​ഞ്ച് പോ​രാ​ട്ടം. മ​ത്സ​രം ക​ഴി​ഞ്ഞ​തോ​ടെ വാ​ശി​യെ​ല്ലാം മ​റ​ന്ന് സൗ​ഹൃ​ദ​ത്തി​ല്‍ ര​ണ്ട് കൗ​മാ​ര​താ​ര​ങ്ങ​ൾ. സം​സ്ഥാ​ന സ്‌​കൂ​ള്‍ കാ​യി​ക​മേ​ള​യു​ടെ മൂ​ന്നാം ദി​ന​ത്തി​ല്‍ ജൂ​നി​യ​ര്‍ ആ​ണ്‍​കു​ട്ടി​ക​ളു​ടെ ഷോ​ട്ട്പു​ട്ട് മ​ത്സ​ര​ത്തി​നു​ശേ​ഷം ക​ണ്ട ഈ ​കാ​ഴ്ച കാ​ണി​ക​ളു​ടെ മ​ന​സ് കീ​ഴ​ട​ക്കി.

13.80 മീ​റ്റ​ര്‍ ദൂ​രം ക​ണ്ടെ​ത്തി കാ​സ​ര്‍​ഗോ​ഡ് കു​ട്ട​മ​ത്ത് ജി​എ​ച്ച്എ​സ്എ​സി​ലെ എ.​വി. ഋ​തു​ഭേ​ദ് ഷോ​ട്ട്പു​ട്ടി​ല്‍ സ്വ​ര്‍​ണം സ്വ​ന്ത​മാ​ക്കി​യ​പ്പോ​ള്‍, മ​ല​പ്പു​റം ആ​ല​ത്തി​യൂ​ര്‍ കെ​എ​ച്ച്എം​എ​ച്ച്എ​സി​ലെ മു​ഹ​മ്മ​ദ് ഫ​ഹ​ദ് വെ​ള്ളി നേ​ടി. ക​ഴി​ഞ്ഞ ദി​വ​സം ഡി​സ്‌​ക​സ് ത്രോ​യി​ല്‍ സ്വ​ര്‍​ണം നേ​ടി​യ ഫ​ഹ​ദി​ന് ഷോ​ട്ട്പു​ട്ടി​ല്‍ സ്വ​ര്‍​ണം നേ​ടാ​നാ​യി​ല്ലെ​ങ്കി​ലും ഇ​രു​വ​രും ത​മ്മി​ലു​ള്ള പോ​രാ​ട്ടം ആ​വേ​ശ​ക​ര​മാ​യി​രു​ന്നു.

ഡി​സ്‌​ക​സ് ത്രോ​യി​ല്‍ 42.35 മീ​റ്റ​ര്‍ ദൂ​രം എ​റി​ഞ്ഞ് ഫ​ഹ​ദ് ഹാ​ട്രി​ക് സ്വ​ര്‍​ണം തി​ക​ച്ച​പ്പോ​ള്‍, ക​ന്നി സം​സ്ഥാ​ന കാ​യി​ക​മേ​ള​യി​ല്‍ മ​ത്സ​രി​ച്ച ഋ​തു​ഭേ​ദി​ന് 41 മീ​റ്റ​ര്‍ ദൂ​ര​വു​മാ​യി വെ​ള്ളികൊ​ണ്ടു തൃ​പ്തി​പ്പെ​ടേ​ണ്ടി​വ​ന്നു. ര​ണ്ട് ഇ​ന​ങ്ങ​ളി​ലും സ്വ​ര്‍​ണ​ത്തി​നാ​യി ഇ​രു​വ​രും വി​ട്ടു​കൊ​ടു​ക്കാ​തെ പോ​രാ​ടി.​ എ​ന്നാ​ല്‍, മ​ത്സ​ര​വേ​ദി​യി​ലെ ഈ ​വാ​ശി സൗ​ഹൃ​ദ​ത്തി​ന് ത​ട​സ​മാ​യി​ല്ല. പോ​രാ​ട്ടം അ​വ​സാ​നി​ച്ച​തോ​ടെ പ​ര​സ്പ​രം ആ​ലിം​ഗ​നം ചെ​യ്തും വി​ശേ​ഷ​ങ്ങ​ള്‍ പ​ങ്കു​വ​ച്ചും ഇ​രു​വ​രും മ​ട​ങ്ങി.

റി​ക്കാ​ർ​ഡ് ഫ്രം ​ആ​ഗ്ര...

ചാ​ത്ത​മം​ഗ​ലം (കോ​ഴി​ക്കോ​ട്): ഉ​ത്ത​ര്‍​പ്ര​ദേ​ശി​ല്‍​നി​ന്നെ​ത്തി ആ​ദ്യ​മാ​യി സം​സ്ഥാ​ന സ്‌​കൂ​ള്‍ കാ​യി​ക​മേ​ള​യി​ല്‍ പ​ങ്കെ​ടു​ത്ത വി​ഷ്ണു യാ​ദ​വി​ന് റി​ക്കാ​ര്‍​ഡ് നേ​ട്ടം.

കോ​ട്ട​യം ജി​ല്ല​യ്ക്കു​വേ​ണ്ടി ജൂ​നി​യ​ര്‍ ആ​ണ്‍​കു​ട്ടി​ക​ളു​ടെ ലോം​ഗ്ജം​പി​ല്‍ 7.31 മീ​റ്റ​ര്‍ ദൂ​രം ചാ​ടി​യാ​ണ് വി​ഷ്ണു സ്വ​ര്‍​ണം നേ​ടി​യ​ത്. 7.05 മീ​റ്റ​റാ​യി​രു​ന്നു നി​ല​വി​ലെ റി​ക്കാ​ര്‍​ഡ്. കോ​രു​ത്തോ​ട് സി​കെ​എം​എ​ച്ച്എ​സ്എ​സി​ലെ പ്ല​സ് വ​ണ്‍ വി​ദ്യാ​ര്‍​ഥി​യാ​ണ് വി​ഷ്ണു.

ദേ​ശീ​യ മെ​ഡ​ല്‍ ജേ​താ​വാ​യ വി​ഷ്ണു, 2024ല്‍ ​റാ​ഞ്ചി​യി​ല്‍ ന​ട​ന്ന ദേ​ശീ​യ ജൂ​നി​യ​ര്‍ മീ​റ്റി​ല്‍ ലോം​ഗ് ജം​പി​ല്‍ ഉ​ത്ത​ര്‍​പ്ര​ദേ​ശി​നെ പ്ര​തി​നി​ധീ​ക​രി​ച്ച് സ്വ​ര്‍​ണം നേ​ടി​യി​രു​ന്നു. ഒ​രു വ​ര്‍​ഷം മു​മ്പാ​ണ് കോ​ട്ട​യം എ​ച്ച്ആ​ര്‍​ഡി​എ​സ് ഇ​ന്ത്യ സ്‌​പോ​ര്‍​ട്‌​സ് അ​ക്കാ​ദ​മി​യു​ടെ കീ​ഴി​ല്‍ പ​രി​ശീ​ല​നം നേ​ടു​ന്ന​തി​നാ​യി കേ​ര​ള​ത്തി​ലെ​ത്തി​യ​ത്.

2036 ഒ​ളി​മ്പി​ക്‌​സി​ല്‍ മെ​ഡ​ല്‍ നേ​ടാ​ന്‍ ക​ഴി​യു​ന്ന കാ​യി​ക​താ​ര​ങ്ങ​ളെ വാ​ര്‍​ത്തെ​ടു​ക്കു​ക​യെ​ന്ന ല​ക്ഷ്യ​ത്തോ​ടെ എ​ച്ച്ആ​ര്‍​ഡി​എ​സ് ഇ​ന്ത്യ രാ​ജ്യ​വ്യാ​പ​ക​മാ​യി ന​ട​ത്തി​യ സെ​ല​ക്‌​ഷ​ന്‍ ട്ര​യ​ലി​ലൂ​ടെ​യാ​ണ് വി​ഷ്ണു​വി​നെ ക​ണ്ടെ​ത്തി​യ​ത്. തു​ട​ര്‍​ന്ന് കേ​ര​ള​ത്തി​ലെ​ത്തി​ച്ച വി​ഷ്ണു​വി​ന് കോ​രു​ത്തോ​ട് സി​കെ​എം​എ​ച്ച്എ​സ്എ​സി​ല്‍ പ്ല​സ് വ​ണ്‍ ഹ്യു​മാ​നി​റ്റീ​സി​ല്‍ പ്ര​വേ​ശ​നം ല​ഭി​ച്ചു. പ​ത്താം ക്ലാ​സ് വ​രെ ഉ​ത്ത​ര്‍​പ്ര​ദേ​ശി​ലാ​യി​രു​ന്നു പ​ഠ​നം.

ഉ​ത്ത​ര്‍​പ്ര​ദേ​ശി​ലെ ആ​ഗ്ര​യി​ല്‍ ക​ര്‍​ഷ​ക​നാ​യ ചേ​തി​ലാ​ലി​ന്‍റെ​യും സു​നി​ത ദേ​വി​യു​ടെ​യും മ​ക​നാ​ണ് വി​ഷ്ണു. എ​ച്ച്ആ​ര്‍​ഡി​എ​സ് ഇ​ന്ത്യ​യു​ടെ മു​ഖ്യ​പ​രി​ശീ​ല​ക​നാ​യ സി. ​അ​ജി​ത്കു​മാ​റി​ന്‍റെ കീ​ഴി​ലാ​ണ് പ​രി​ശീ​ല​നം.

100 മീ​റ്റ​റി​ൽ റി​ക്കാ​ർ​ഡോ​ടെ അ​തു​ലി​നു സ്വ​ർ​ണം, വ​നി​ത​ക​ളി​ൽ വേ​ഗ​താ​രം ഋ​തു​പ​ർ​ണ

കോ​ഴി​ക്കോ​ട്: കാ​റ്റി​നോ​ടു കു​തി​ച്ചും സെ​ക്ക​ന്‍​ഡു​ക​ളോ​ടു പൊ​രു​തി​യും ന​ട​ന്ന സം​സ്ഥാ​ന സ്‌​കൂ​ള്‍ കാ​യി​ക​മേ​ള​യി​ലെ 100 മീ​റ്റ​ര്‍ ഫൈ​ന​ലി​ന് ആ​വേ​ശ​ക​ര​മാ​യ പ​രി​സ​മാ​പ്തി.

വേ​ഗ​ത്തി​ന്‍റെ അ​വ​സാ​ന വാ​ക്കാ​കാ​ന്‍ ട്രാ​ക്കി​ലി​റ​ങ്ങി​യ താ​ര​ങ്ങ​ളി​ല്‍ ഏ​റ്റ​വും വേ​ഗ​ത്തി​ല്‍ ഫി​നി​ഷിം​ഗ് ലൈ​ന്‍ തൊ​ട്ട് സീ​നി​യ​ര്‍ വി​ഭാ​ഗം ആ​ണ്‍​കു​ട്ടി​ക​ളി​ല്‍ ആ​ല​പ്പു​ഴ ചാ​ര​മം​ഗ​ലം ഗ​വ. ഡി​വി​എ​ച്ച്എ​സ്എ​സി​ലെ ടി.​എം. അ​തു​ല്‍. സീ​നി​യ​ര്‍ വി​ഭാ​ഗം പെ​ണ്‍​കു​ട്ടി​ക​ളി​ല്‍ പാ​ല​ക്കാ​ട് വ​ട​വ​ന്നൂ​ര്‍ വി​എം​എ​ച്ച്എ​സി​ലെ ആ​ര്‍. ഋ​തു​പ​ര്‍​ണ വേ​ഗ​റാ​ണി​യാ​യും കി​രീ​ടം ചൂ​ടി.

2011ല്‍ ​കോ​ത​മം​ഗ​ലം മാ​ര്‍ ബേ​സി​ല്‍ എ​ച്ച്എ​സ്എ​സി​ലെ ജി​ജി​ന്‍ വി​ജ​യ​ന്‍ സ്ഥാ​പി​ച്ച 10.70 സെ​ക്ക​ൻ​ഡി​ന്‍റെ റി​ക്കാ​ര്‍​ഡാ​ണ് അ​തു​ല്‍ മ​റി​ക​ട​ന്ന​ത്. 10.63 സെ​ക്ക​ന്‍​ഡി​ലാ​ണ് അ​തു​ല്‍ റി​ക്കാ​ര്‍​ഡി​ലേ​ക്ക് ഓ​ടി​ക്ക​യ​റി​യ​ത്.

ഋ​തു​പ​ര്‍​ണ 12:43 സെ​ക്ക​ന്‍​ഡി​ൽ സ്വ​ർ​ണം നേ​ടി. കാ​യി​കമേ​ള​യു​ടെ ഗ്ലാ​മ​ര്‍ ഇ​ന​ങ്ങ​ളി​ലൊ​ന്നാ​യ100 മീ​റ്റ​റി​ല്‍ മി​ന്ന​ല്‍ വേ​ഗ​വും മി​ക​വും ആ​വേ​ശ​വും ഒ​രു​മി​ച്ച​പ്പോ​ള്‍ കാ​ണി​ക​ള്‍​ക്കും അ​ത് അ​വി​സ്മ​ര​ണീ​യ കാ​ഴ്ച​യാ​യി.

സീ​നി​യ​ര്‍ വി​ഭാ​ഗം ആ​ണ്‍​കു​ട്ടി​ക​ളി​ല്‍ കോ​ട്ട​യം ഗ​വ.​ വി​എ​ച്ച്എ​സ്എ​സി​ലെ മു​രി​ക്കും​വ​യ​ലി​ലെ ശ്രീ​ഹ​രി സി. ​ബി​നു (10.74) ര​ണ്ടാം​സ്ഥാ​ന​വും കൊ​ല്ലം സെ​ന്‍റ് അ​ലോ​ഷ്യ​സ് എ​ച്ച്എ​സ്എ​സി​ലെ ട്രോ​യി എം.​എ​സ്. ഹെ​ന്‍​സ​ന്‍ (10.91) മൂ​ന്നാം സ്ഥാ​ന​വും നേ​ടി. സീ​നി​യ​ര്‍ വി​ഭാ​ഗം പെ​ണ്‍​കു​ട്ടി​ക​ളി​ല്‍ ആ​ല​പ്പു​ഴ സെ​ന്‍റ് ജോ​സ​ഫ്‌​സ് ജി​എ​ച്ച്എ​സ്എ​സി​ലെ ആ​ർ. ശ്രേ​യ ര​ണ്ടാം​സ്ഥാ​ന​വും (0:12:73), ആ​ല​പ്പു​ഴ ഗ​വ. എ​ച്ച്എ​സ്എ​സ് ക​ള​വൂ​രി​ലെ ബി. ​സ​ര​യൂ ല​ക്ഷ്മി (0:12:73) മൂ​ന്നാം​സ്ഥാ​ന​വും നേ​ടി.

സ​ബ് ജൂ​ണി​യ​ര്‍ ബോ​യ്‌​സി​ല്‍ തി​രു​വ​ന​ന്ത​പു​രം ജി​വി രാ​ജ സ്‌​പോ​ര്‍​ട്‌​സ് സ്‌​കൂ​ളി​ലെ എം. ​ശ്രീ​ഹ​രി 12.01 സെ​ക്ക​ന്‍​ഡി​ല്‍ ഫി​നി​ഷ് ചെ​യ്ത് സ്വ​ര്‍​ണ​ത്തി​ല്‍ മു​ത്ത​മി​ട്ടു. മ​ല​പ്പു​റം ക​ട​ക​ശേ​രി ഐ​ഡി​യ​ല്‍ സ്‌​കൂ​ളി​ലെ കെ.​വി. മു​ഹ​മ്മ​ദ് ഇ​സാ​ന്‍ (12.13) ര​ണ്ടാം​സ്ഥാ​ന​വും കോ​ഴി​ക്കോ​ട് മേ​പ്പ​യൂ​ര്‍ ഗ​വ. എ​ച്ച്എ​സ്എ​സി​ലെ ഫ​സ​ല്‍ മു​ഹ​മ്മ​ദ് (12.18) മൂ​ന്നാം​സ്ഥാ​ന​വും നേ​ടി.

സ​ബ്ജൂ​ണി​യ​ര്‍ ഗേ​ള്‍​സി​ല്‍ തി​രു​വ​ന​ന്ത​പു​രം ജി​വി രാ​ജ സ്‌​പോ​ര്‍​ട്‌​സ് സ്‌​കൂ​ളി​ലെ എ​സ്. സ​ങ്കീ​ര്‍​ത്ത​ന 13.10 സെ​ക്ക​ന്‍​ഡി​ല്‍ ഫി​നി​ഷ് ചെ​യ്ത് സ്വ​ര്‍​ണം നേ​ടി. ആ​ല​പ്പു​ഴ സെ​ന്‍റ് ജോ​സ​ഫ്‌​സ് ജി​എ​ച്ച്എ​സ്എ​സി​ലെ ഹ​ര്‍​ഷ ജോ​ണ്‍ (13.20) ര​ണ്ടാം സ്ഥാ​ന​വും ആ​ല​പ്പു​ഴ ഗ​വ. യു​പി​എ​സ് ത​മ്പ​ക്ക​ചു​വ​ടി​ലെ എ​സ്. സ്‌​നേ​ഹ (13.38) മൂ​ന്നാം സ്ഥാ​ന​വും നേ​ടി.

ജൂ​നി​യ​ര്‍ ബോ​യ്‌​സി​ല്‍ ആ​ല​പ്പു​ഴ ലി​യോ XIII എ​ച്ച്എ​സ്എ​സി​ലെ മി​ല​ന്‍ ജോ​ര്‍​ജ് 11.02 സെ​ക്ക​ന്‍​ഡി​ല്‍ ഫി​നി​ഷ് ചെ​യ്ത് ഒ​ന്നാം​സ്ഥാ​നം നേ​ടി. കോ​ട്ട​യം സി​കെ​എം എ​ച്ച്എ​സ് കോ​രു​ത്തോ​ട് സ്‌​കൂ​ളി​ലെ വി​ഷ്ണു യാ​ദ​വ് (11.07) ര​ണ്ടാം​സ്ഥാ​ന​വും തി​രു​വ​ന​ന്ത​പു​രം ജി​വി രാ​ജ സ്‌​പോ​ര്‍​ട്‌​സ് സ്‌​കൂ​ളി​ലെ ഗൗ​രീ​ഷ് ബി​നോ​യ് (11.27) മൂ​ന്നാം സ്ഥാ​ന​വും സ്വ​ന്ത​മാ​ക്കി.

ജൂ​നി​യ​ര്‍ ഗേ​ള്‍​സി​ല്‍ തി​രു​വ​ന​ന്ത​പു​രം ജി​വി രാ​ജ സ്‌​പോ​ര്‍​ട്‌​സി​ലെ ജി​ല്‍​ഷ ജി​നി​ല്‍ 12.29 സെ​ക്ക​ന്‍​ഡി​ല്‍ ഫി​നി​ഷ് ചെ​യ്ത് സ്വ​ര്‍​ണ​മ​ണി​ഞ്ഞു. പാ​ല​ക്കാ​ട് ബി​ഇ​എം എ​ച്ച്എ​സ്എ​സി​ലെ എ​സ്. ആ​ന്‍​വി (12.65) ര​ണ്ടാം സ്ഥാ​ന​വും ആ​ല​പ്പു​ഴ സെ​ന്‍റ് ജോ​സ​ഫ്‌​സ് ജി​എ​ച്ച്എ​സ്എ​സി​ലെ സ്‌​നേ​ഹ ശ്യാം (12.82) ​മൂ​ന്നാം​സ്ഥാ​ന​വും നേ​ടി.

Tags : TMAtul StateSchoolSportsMeet Record Sports