പെരിന്തല്മണ്ണ: നഗരസഭ കുടുംബശ്രീ റംസാന്-വിഷുവിനോടനുബന്ധിച്ച് നടത്തുന്ന വിപണന മേള ആരംഭിച്ചു. കുടുംബശ്രീ യൂണിറ്റുകളുടെ ഉത്പന്നങ്ങള് ഉള്പ്പെടുത്തി പെരിന്തല്മണ്ണ പട്ടാമ്പി റോഡില് ആരംഭിച്ച വിപണന മേള ഇന്നു സമാപിക്കും.
വിപണിയും വരുമാനവും ഉറപ്പുവരുത്തി സംരംഭകരെ ശാക്തീകരിക്കുക, കുടുംബശ്രീ സംരംഭകര് ഉത്പാദിപ്പിക്കുന്ന മായം കലരാത്ത ഗുണമേന്മയുള്ള ഉത്പ്പന്നങ്ങള് ഉപഭോക്താക്കളിലേക്ക് എത്തിക്കുക എന്ന ലക്ഷ്യത്തോടെയാണ് റംസാന്-വിഷു ചന്ത ഒരുക്കിയിരിക്കുന്നത്. ക്ഷേമകാര്യ സ്റ്റാന്ഡിംഗ് കമ്മിറ്റി ചെയര്മാന് മുണ്ടുമ്മല് മുഹമ്മദ് ഹനീഫ,
സിഡിഎസ് പ്രസിഡന്റ് വി.കെ. വിജയ, വൈസ് പ്രസിഡന്റ് സീനത്ത്, മെംബര് സെക്രട്ടറി രാജീവന്,അഗ്രി. സിആര്പി ശ്രീജ, സിഒമാരായ ഉഷ, വസന്ത, അനീസ, അക്കൗണ്ടന്റ് ജിഷ, സിഡിഎസ് ഭരണ സമിതി അംഗങ്ങള്, ബ്ലോക്ക് കോഓര്ഡിനേറ്റര് ജിനി, കൃഷി ഓഫീസര്, സംരംഭകര്, സംഘ കൃഷി ഗ്രൂപ്പുകള് തുടങ്ങിയവര് പങ്കെടുത്തു.