കടുത്തുരുത്തി: വൈക്കം റോഡ് യൂസേഴ്സ് ഫോറത്തിന്‍റെ നേതൃത്വത്തില്‍ സതേണ്‍ റയില്‍വേ തിരുവനന്തപുരം ഡിവിഷനുമായി സഹകരിച്ചു ഗാന്ധിജയന്തി ദിനത്തില്‍ സ്വച്ഛതാ പഖ്വാഡ ശുചീകരണ യജ്ഞം സംഘടിപ്പിച്ചു. സാമൂഹിക, സാംസ്‌കാരിക, രാഷ്ട്രീയ, സന്നദ്ധ സംഘടനകള്‍, സ്‌കൂള്‍, കോളജ്, എന്‍എസ്എസ്, എന്‍സിസി വിദ്യാര്‍ഥികള്‍, പൗരസമിതി, റെസിഡന്‍സ് അസോസിയേഷനുകള്‍, തൊഴിലാളികള്‍, വ്യാപാര വ്യവസായികള്‍ തുടങ്ങിയവരുടെ സഹകരണത്തോടെയാണ് വൈക്കം റോഡ് റെയില്‍വേ സ്റ്റേഷനും പരിസരവും ശുചീകരിച്ചത്. സ്റ്റേഷനിലേക്കുള്ള റോഡും പഴയ റെയില്‍വേ സ്റ്റേഷന്‍ മന്ദിരവും കാടുമൂടി കിടന്ന കിണറും മോട്ടോര്‍ പുരയും പ്ലാറ്റ് ഫോമും ഉൾപ്പെടെ ശുചിയാക്കി. വൈക്കം റോഡ് റെയില്‍വേ സ്റ്റേഷനില്‍ നടന്ന സ്വച്ഛതാ പഖ്വാഡ ശുചീകരണ യജ്ഞം മോന്‍സ് ജോസഫ് എംഎല്‍എ ഉദ്ഘാടനം ചെയ്തു.
കടുത്തുരുത്തി ബ്ലോക്ക് പഞ്ചായത്ത് പ്രസിഡന്‍റ് പി.വി. സുനില്‍ അധ്യക്ഷത വഹിച്ചു. സതേണ്‍ റയില്‍വേ തിരുവനന്തപുരം ഡിവിഷന്‍ അസിസ്റ്റന്റ് പേഴ്‌സണല്‍ ഓഫീസര്‍ ഒ..രമേഷ്, ജില്ലാ പഞ്ചായത്ത് പ്രസിഡന്‍റ് നിര്‍മല ജിമ്മി, പഞ്ചായത്ത് പ്രസിഡന്‍റ് സൈനമ്മ ഷാജു, ലിജിന്‍ ലാല്‍, അശ്വന്ത് മാമലശ്ശേരില്‍, ജോസ് തോമസ്, ജെസ്സി കുര്യന്‍, നയന ബിജു, സന്തോഷ് കുഴിവേലി, സ്റ്റീഫന്‍ പാറവേലി, നോബി മുണ്ടയ്ക്കല്‍, പോള്‍ മാന്‍വെട്ടം, ജോസ് നിലപ്പനക്കൊല്ലി, ആപ്പാഞ്ചിറ പൊന്നപ്പന്‍ തുടങ്ങിയവര്‍ പ്രസംഗിച്ചു. സ്റ്റേഷന്‍ സൂപ്രണ്ട് വിജയകുമാറിന്റെ നേതൃത്വത്തില്‍ റെയില്‍വേ ജീവനക്കാര്‍, ഡോ ആന്‍സിയുടെ നേതൃത്വത്തില്‍ കുറവിലങ്ങാട് ദേവമാതാ കോളജിലെ എന്‍എസ്എസ് വിദ്യാര്‍ഥികള്‍, മനോജ് കുമാറിന്‍റ് നേതൃത്വത്തില്‍ വൈക്കം ജെസിഐ പ്രവര്‍ത്തകര്‍, വൈക്കം റോഡ് യൂസേഴ്സ് ഫോറം നേതാക്കളായ വിനോദ്കുമാര്‍, അഡ്വ ജോസ് ജോസഫ്, അഭിരാജ് സോമന്‍, അനില്‍കുമാര്‍, ജീത് കുര്യന്‍ മറ്റം, ചന്ദ്രബോസ്, കരണ്‍ സുധാകര്‍, സാബു, രാജു, സി.എസ്. ജോര്‍ജ്, കൃഷ്ണസാഗര്‍ തുടങ്ങിയവര്‍ ശുചീകരണ പ്രവര്‍ത്തനങ്ങള്‍ക്ക് നേതൃത്വം നല്‍കി
കല്ലറ: ബിജെപി കല്ലറ പഞ്ചായത്ത് കമ്മിറ്റിയുടെ നേത്വത്തില്‍ കല്ലറ പെരിയാര്‍ കുളങ്ങര കവലയില്‍ ശുചീകരണ പ്രവര്‍ത്തനങ്ങള്‍ നടത്തി. ഓട വൃത്തിയാക്കി, പ്ലാസ്റ്റിക് മാലിന്യങ്ങള്‍ ശേഖരിച്ച് എംസിഎഫ് ല്‍ എത്തിച്ചു. അരവിന്ദ് ശങ്കര്‍, ജോയി കല്‍പകശ്ശേരി, രമേശ് കാവിമറ്റം തുടങ്ങിയവര്‍ നേതൃത്വം നല്‍കി.
വൈക്കം: വൈക്കം സത്യഗ്രഹ സ്മാരക ഗാന്ധി മ്യൂസിയത്തിന്‍റെ ആഭിമുഖ്യത്തില്‍ ഗാന്ധി ജയന്തി ആഘോഷവും ലഹരിവിരുദ്ധ സെമിനാറും സംഘടിപ്പിച്ചു. മ്യൂസിയം ഹാളില്‍ നടന്ന ആഘോഷപരിപാടികള്‍ നഗരസഭ ചെയര്‍പേഴ്‌സണ്‍ രാധികശ്യാം ഉദ്ഘാടനം ചെയ്തു. മ്യൂസിയം സൂപ്രണ്ട് പി.കെ സജീവ് അധ്യക്ഷത വഹിച്ചു. നഗരസഭ വൈസ് ചെയര്‍മാന്‍ പി.ടി സുഭാഷ്, വാര്‍ഡ് കൗണ്‍സിലര്‍ ബിന്ദു ഷാജി, എക്‌സൈസ് സര്‍ക്കിള്‍ ഇന്‍സ്‌പെക്ടര്‍ ജി. ഗോപകുമാര്‍, കുടവെച്ചൂര്‍ ഗവൺമെന്‍റ് ദേവീവിലാസം ഹയര്‍ സെക്കന്‍ഡറി സ്‌കൂള്‍ എന്‍എസ്എസ് പ്രോഗ്രാം ഓഫീസര്‍ പി.അനില്‍കുമാര്‍, മ്യൂസിയം മാനേജര്‍ സി. ഗോകുല്‍ കൃഷ്ണ, ഗൈഡ് കെ.പി മനു, ഗോപീകൃഷ്ണൻ, ഗോപിക, അഭിരാമി, ആതിര പ്രകാശ്, ഗൈഡ് വിഷ്ണു സുരേന്ദ്രന്‍, വൈക്കം പോലീസ് സ്റ്റേഷന്‍ പിആര്‍ഒ ടി.ആര്‍ മോഹനന്‍ തുടങ്ങിയവർ പ്രസംഗിച്ചു.
ബ്രഹ്മമംഗലം : കോൺഗ്രസ് ചെമ്പ് മണ്ഡലം കമ്മിറ്റിയുടെ നേതൃത്വത്തിൽ ബ്രഹ്മമംഗലത്ത് ഗാന്ധിജയന്തി അനുസ്മരണ സമ്മേളനം നടത്തി. യോഗത്തോടനുബന്ധിച്ച് മഹാത്മ ഗാന്ധിയുടെ ഛായചിത്രത്തിന് മുന്നിൽ പുഷ്പാർച്ചന നടത്തി.
കോൺഗ്രസ് ചെമ്പ് മണ്ഡലം സെക്രട്ടറി കെ.കെ. കൃഷ്ണകുമാർ അധ്യക്ഷത വഹിച്ചു. മണ്ഡലം കമ്മിറ്റിയംഗം കെ.ഡി.രവി, കോൺഗ്രസ് നേതാക്കളായ എം.എസ്.മനീഷ്, എം.ടി.രവീന്ദ്രൻ, കെ.എം.ബാബു തുടങ്ങിയവർ പ്രസംഗിച്ചു.
തലയോലപ്പറമ്പ്:ഗാന്ധി ജയന്തി ദിനത്തിൽ തലയോലപ്പറമ്പിൽ നടത്തിയ ഗാന്ധിസ്മൃതി ജനകീയ ചിത്രരചനയും ചിത്ര പ്രദർശനവും അവിസ്മരണീയമായി. മുദ്ര ലൈബ്രറിയും അക്ഷരദീപം സാംസ്കാരികവേദിയും സംയുക്തമായാണ് പരിപാടി സംഘടിപ്പിച്ചത്.
ചിത്രകാരന്മാർ ചേർന്ന് പൊതു ക്യാൻവാസിൽ ഒരുക്കിയ ജനകീയ ചിത്രരചന കേരള ലളിതകലാ അക്കാദമി മുൻ സെക്രട്ടറി എം.കെ.ഷിബു ഉദ്ഘാടനം ചെയ്തു. മുദ്ര സെക്രട്ടറി ബേബി ടി. കുര്യൻ അധ്യക്ഷത വഹിച്ചു. ഇതിനോടനുബന്ധിച്ച് അജലിക ഷാജി രചിച്ച പ്രകൃതി ചിത്രങ്ങളുടെ പ്രദർശനം ഇടവട്ടം ജയകുമാർ ഉദ്ഘാടനം ചെയ്തു. അക്ഷരദീപം വൈസ് പ്രസിഡന്‍റ് കെ.ആർ. സുശീലൻ, എം.ജി. രാഘവൻ, ഡോ. എച്ച്.എസ്.പി, എം.കെ. കണ്ണൻ, കെ.കെ. രാധാകൃഷ്ണൻ, കാവ്യ ഭാസ്കർ തുടങ്ങിയവർ പ്രസംഗിച്ചു. ഇതിനോടനുബന്ധിച്ച് ഗാന്ധി സ്മൃതി കവിയരങ്ങും സംഘടിപ്പിച്ചു.