ചങ്ങനാശേരി: ജനഹിതവും ഹൈക്കോടതി പരാമര്ശവും കണക്കിലെടുത്ത് സില്വര് ലൈന് വിരുദ്ധ സമരകേസുകള് സര്ക്കാര് പിന്വലിക്കണമെന്ന് കെപിസിസി രാഷ്ട്രീയകാര്യ സമിതിയംഗം കെ.സി. ജോസഫ്. ജനങ്ങള്ക്ക് വേണ്ടാത്ത സില്വര് ലൈന് പദ്ധതി സര്ക്കാര് ഉപേക്ഷിക്കണമെന്നും അദ്ദേഹം കൂട്ടിച്ചേര്ത്തു.
കെ.റെയില് സില്വര് ലൈന് വിരുദ്ധ ജനകീയ സമതി കേസുകള് പിന്വലിക്കണമെന്ന് ആവശ്യപ്പെട്ട് ജില്ലയില് നടത്തിയ കരിദിനാചരണത്തിന്റെ ജില്ലാതല പരിപാടി മാടപ്പള്ളിയില് ഉദ്ഘാനം ചെയ്യുകയായിരുന്നു അദ്ദേഹം.
സമരസമിതി ജില്ലാ ചെയര്മാന് ബാബു കുട്ടന്ചിറ അധ്യക്ഷത വഹിച്ചു. വി.ജെ.ലാലി, കുഞ്ഞുകോശി പോള്, മിനി കെ.ഫിലിപ്പ്, മാത്തുക്കുട്ടി പ്ലാത്താനം, സജി ജോസഫ്, ആന്റണി കുന്നുംപുറം, റ്റി.എസ്. സലിം, പ്രൊഫ. കെ.എം. തോമസ്, ബാബു കുരീത്ര, ബാബു രാജേന്ദ്രന്, കെ.എ. ജോസഫ്, പി.എ. സാലി, സൈനാ തോമസ്, ഡി. സുരേഷ്, ബിജു ചെറുകാട്, ആന്റണി പി.ജെ., ബേബി ദാനിയേല്, നാസര് എസ്. മുഹമ്മദ്, കെ.എന്. രാജന്, റ്റി.ജെ. ജോണിക്കുട്ടി, അന്സാരി ബാപ്പു, ജിജി ഇയ്യാലില്, അപ്പിച്ചന് എഴുത്തുപള്ളി, അഭിഷേക് ബിജു, പി.വി. ഷാജിമോന്, ജോണികുട്ടി പുന്നശ്ശേരില്, ടോണി കുട്ടംപേരൂര്, സുമതികുട്ടിയമ്മ, ബാബു സെബാസ്റ്റ്യന്, സാജന് കൊരണ്ടിത്തറ, എ.റ്റി. വര്ഗീസ്, ബിന്സി ബിനോയ് തുടങ്ങിയവര് പ്രസംഗിച്ചു.
ജില്ലാ അതിര്ത്തിയായ മാടപ്പള്ളി വള്ളോക്കുന്ന് മുതല് മുളക്കുളം ആറാട്ടുകടവുവരെയുള്ള 40 സമരസമിതി യൂണിറ്റുകളില് കരിദിനാചരണം നടത്തിയെന്ന് സമരസമിതി ജില്ലാ ചെയര്മാന് ബാബു കുട്ടന്ചിറ അറിയിച്ചു.