സ്ത്രീ ശാക്തീകരണത്തിന്‍റെ കരുത്തുമായി സൗഭാഗ്യ കുടുംബശ്രീയിലെ അംഗനമാർ
Friday, June 2, 2023 12:53 AM IST
ഒ​റ്റ​പ്പാ​ലം: തൊ​ഴി​ലി​ട​ങ്ങ​ൾ സൃ​ഷ്ടി​ച്ച് സ്വ​ന്തം കാ​ലി​ൽ നി​ല​യു​റ​പ്പി​ച്ച സ്ത്രീ ​ശാ​ക്തീ​കര​ണ​ത്തി​ന്‍റെ ക​രു​ത്തു​മാ​യി സൗ​ഭാ​ഗ്യ​യി​ലെ അം​ഗ​ന​മാ​ർ.
ഗ്രാ​മീ​ണ മേ​ഖ​ല​ക​ളി​ൽ കു​ടും​ബ​ശ്രീ സം​രം​ഭ​ത്തി​ലൂ​ടെ തൊ​ഴി​ലി​ട​ങ്ങ​ൾ ക​ണ്ടെ​ത്തി സ്വ​ന്തം കാ​ലി​ൽ നി​ല്​ക്കാ​നു​ള്ള പെ​ണ്‍​പോ​രാ​ട്ട​ത്തി​ലാ​ണ് അ​ന്പ​ല​പ്പാ​റ ക​ട​ന്പൂ​ർ കൂ​ന​ൻ​മ​ല വാ​ർ​ഡി​ലെ സൗ​ഭാ​ഗ്യ കു​ടും​ബ​ശ്രീ യൂ​ണി​റ്റ്.
അ​ഞ്ച് സ്ത്രീ​ക​ളു​ടെ കൂ​ട്ടാ​യ്മ​യി​ൽ ആ​രം​ഭി​ച്ച മി​ല്ലാ​ണ് മ​റ്റ് വ​നി​ത​ക​ൾ​ക്ക് കൂ​ടി പ്ര​ചോ​ദ​ന​മാ​യി ഇ​വി​ടെ വി​ജ​യി​ച്ചു നി​ൽ​ക്കു​ന്ന​ത്. നെ​ല്ല് കു​ത്തു​ന്ന​തി​നും, ധാ​ന്യ​ങ്ങ​ൾ പൊ​ടി​ക്കു​ന്ന​തി​നും എ​ണ്ണ​യാ​ട്ടു​ന്ന​തി​നു​മു​ള്ള വി​പു​ല​മാ​യ യ​ന്ത്ര സം​വി​ധാ​ന​ത്തോ​ടെ​യു​ള്ള മി​ല്ലാ​ണ് ഗ്രാ​മീ​ണ മേ​ഖ​ല​യി​ലെ പ്ര​ദേ​ശ​വാ​സി​ക​ൾ​ക്ക് കൂ​ടി പ്ര​യോ​ജ​ന​പ്ര​ദ​മാ​യി വ​ള​യി​ട്ട കൈ​ക​ൾ ഭ​ദ്ര​മാ​ക്കു​ന്ന​ത്.
അ​രി​മാ​വ് ത​യാ​റാ​ക്കു​ന്ന യൂ​ണി​റ്റ് സ്ഥാ​പി​ക്കു​ക​യെ​ന്ന ല​ക്ഷ്യ​ത്തോ​ടെ​യാ​ണ് പ്രാ​രം​ഭ​ത്തി​ൽ വ​നി​താ സം​ഘം ഇ​റ​ങ്ങി​ത്തി​രി​ച്ച​ത്. ‌
എ​ന്നാ​ൽ സ്വ​ന്ത​മാ​യി സ്ഥ​ലം ല​ഭ്യ​മാ​യ​തോ​ടെ അ​ന്പ​ല​പ്പാ​റ പ​ഞ്ചാ​യ​ത്തി​ലെ തൊ​ഴി​ലു​റ​പ്പ് തൊ​ഴി​ലാ​ളി​ക​ളു​ടെ കൂ​ടി സ​ഹ​ക​ര​ണ​ത്തോ​ടെ ഷീ​റ്റി​ട്ട കെ​ട്ടി​ടം ഇ​വ​ർ യാ​ഥാ​ർ​ഥ്യ​മാ​ക്കി.
ര​ണ്ട് ല​ക്ഷം രൂ​പ​യാ​ണ് ഇ​തി​ന് മു​ത​ൽ മു​ട​ക്കി​യ​ത്.
തു​ട​ർ​ന്നാ​ണ് പ​ദ്ധ​തി വി​പു​ല​പ്പെ​ടു​ത്താ​നു​ള്ള വി​ശാ​ല​മാ​യ ആ​ലോ​ച​ന ന​ട​ന്ന​ത്.
ബ്ലോ​ക്ക് പ​ഞ്ചാ​യ​ത്ത് അ​നു​വ​ദി​ച്ച 6.5 ല​ക്ഷം രൂ​പ വി​നി​യോ​ഗി​ച്ചാ​ണ് പ​ദ്ധ​തി​ക്കാ​വ​ശ്യ​മാ​യ​യ​ന്ത്ര സം​വി​ധാ​ന​ങ്ങ​ൾ സ്ഥാ​പി​ച്ച​ത്.
നെ​ല്ല് കു​ത്തു​ന്ന​തി​നു​ള്ള സം​വി​ധാ​ന​ത്തി​ന് പു​റ​മെ കൊ​പ്ര ആ​ട്ടി​ക്കൊ​ടു​ക്കു​ന്ന​തി​നും മ​ല്ലി, മു​ള​ക്, മ​ഞ്ഞ​ൾ, അ​രി, ഗോ​ത​ന്പ് തു​ട​ങ്ങി​യ ധാ​ന്യ​ങ്ങ​ളും ആ​വ​ശ്യ​ക്കാ​രു​ടെ ഇ​ഷ്ടാ​നു​സ​ര​ണം പൊ​ടി​ച്ചു ന​ല്​കാ​ൻ വ​നി​താ കൂ​ട്ടാ​യ്മ അ​വ​സ​രം സൃ​ഷ്ടി​ച്ചു. ഒ​രേ​സ​മ​യം ഒ​ന്നി​ലേ​റെ യ​ന്ത്ര​ങ്ങ​ൾ പ്ര​വ​ർ​ത്തി​പ്പി​ക്കാ​ൻ ക​ഴി​യു​മെ​ന്ന പ്ര​ത്യേ​ക​ത​യും ഇ​വി​ടെ​യു​ണ്ട്. വി​വി​ധ​യി​നം ധാ​ന്യ​ങ്ങ​ൾ പൊ​ടി​ച്ച് പാ​ക്ക​റ്റു​ക​ളി​ലാ​ക്കി കു​ടും​ബ​ശ്രീ​യു​ടെ പേ​രി​ൽ വി​പ​ണി​ക​ളി​ലെ​ത്തി​ക്കാ​നും ഇ​വ​ർ​ക്ക് പ​ദ്ധ​തി​യു​ണ്ട്. അ​ന്പ​ല​പ്പാ​റ പ​ഞ്ചാ​യ​ത്ത് സിഡി​എ​സ് അം​ഗം ഇ.​എ​സ്. സു​നി​ത​യു​ടെ പ​രി​ശ്ര​മ​മാ​ണ് പ​ദ്ധ​തി​യു​ടെ വി​ജ​യ​ത്തി​ന് പി​ന്നി​ലു​ള്ള​ത്.
യൂ​ണി​റ്റ് പ്ര​സി​ഡ​ൻ​റ് എം.​ആ​ർ. ജ​യ​ശ്രീ, സെ​ക്ര​ട്ട​റി വി.​കെ. സ​ര​സ്വ​തി, അം​ഗ​ങ്ങ​ളാ​യ കെ.​ഡി. സ​ബി​ത, ഇ.​പി. ക​ല്യാ​ണി, ടി.​ജി. ഷൈ​നി എ​ന്നി​വ​ര​ട​ങ്ങി​യ കൂ​ട്ടാ​യ്മ​യാ​ണ് മി​ല്ല് ന​ട​ത്തി​വ​രു​ന്ന​ത്.
കു​റ​ഞ്ഞ മു​ത​ൽ മു​ട​ക്കി​ൽ വ​ള​രെ ലാ​ഭ​ക​ര​മാ​യി ചെ​റു​കി​ട വ്യ​വ​സാ​യ സം​രം​ഭ​ത്തെ മാ​റ്റി​യെ​ടു​ത്ത് സ്വ​ന്തം കാ​ലി​ൽ നി​ന്ന് വ​രു​മാ​ന​മു​ണ്ടാ​ക്കു​ക​യാ​ണ് ഈ ​വ​നി​താ കൂ​ട്ടാ​യ്മ.

Copyright @ 2022 , Rashtra Deepika Ltd.