ആഗോള ബോക്സ്ഓഫീസ് തരംഗമായ സൂപ്പർസ്റ്റാർ രജനികാന്ത് ചിത്രം 'ജയിലർ 2'-വിനെ പ്രശംസിച്ച് ടോളിവുഡ് താരം അല്ലു അർജുൻ. ഒക്‌ടോബർ 15-ന് റിലീസ് ചെയ്ത ചിത്രം ഇതിനോടകം ആഗോളതലത്തിൽ 600 കോടിയിലേറെ കളക്ഷൻ നേടി തിയേറ്ററുകളിൽ കുതിപ്പുതുടരുകയാണ്.

ഇതിനിടയിലാണു രജനികാന്തിനെയും ചിത്രത്തെയും പ്രശംസിച്ച് അല്ലു അർജുൻ രംഗത്തെത്തിയത്.
സമൂഹമാധ്യമങ്ങളിൽ പങ്കുവച്ച കുറിപ്പിലാണ് അല്ലു ചിത്രത്തെക്കുറിച്ചുള്ള അഭിപ്രായം പങ്കുവച്ചത്: 'സ്റ്റാർ പവറിന്‍റെയും സ്റ്റൈലിന്‍റെയും യഥാർഥ പ്രകടനമാണു ചിത്രം! പ്രേക്ഷകരിൽ ആവേശം നിറയ്ക്കുന്ന കംപ്ലീറ്റ് എന്‍റർടൈനർ.'

ചിത്രത്തിന്‍റെ സംഗീതസംവിധായകൻ അനിരുദ്ധ് രവിചന്ദറിനെ 'സഹോദരൻ' എന്നു വിശേഷിപ്പിച്ച താരം, ഗാനങ്ങൾ മനോഹരമെന്നും അഭിപ്രായപ്പെട്ടു: 'ആർട്ടിസ്റ്റുകളും ടെക്നിഷ്യന്മാരും നിർമാതാക്കളും തങ്ങളുടെ പൂർണ സമർപ്പണമാണു നടത്തിയത്. നെൽസൺ മറ്റൊരു ഹിറ്റ് കൂടി സമ്മാനിച്ചിരിക്കുന്നു.'

രജനികാന്തിന്‍റെ ആരാധകനായ അല്ലു അർജുൻ തനിക്ക് കോളിവുഡുമായുള്ള ബന്ധം മുമ്പും പലതവണ വ്യക്തമാക്കിയിട്ടുണ്ട്. ബോക്സ്ഓഫീസിൽ റെക്കോർഡുകൾ ഭേദിച്ചു മുന്നേറുന്ന ചിത്രത്തിനു സിനിമാലോകത്തുനിന്നു മികച്ച പ്രതികരണങ്ങളാണു ലഭിച്ചുകൊണ്ടിരിക്കുന്നത്.

Tags : Jailer2Movie Entertainment Jailer2 Rajinikanth AlluArjun Kollywood FilmNews