28

അപ്രതീക്ഷിതമായിരുന്നു ആ വിയോഗം... ത​മി​ഴകത്തിന്‍റെ നാ​യ​ക സ​ങ്ക​ൽ​പ്പ​ങ്ങ​ളെ തി​രു​ത്തി​ക്കു​റി​ച്ച, വ​ലി​യ ആ​ക്ഷ​ൻ രം​ഗ​ങ്ങ​ളോ അ​മാ​നു​ഷി​ക പ​രി​വേ​ഷ​ങ്ങ​ളോ ഇ​ല്ലാ​തെ, ക​ണ്ണ​ട ധ​രി​ച്ച സാ​ധാ​ര​ണ​ക്കാ​ര​നാ​യ ഒരു നാ​യ​ക​ൻ, കെ. ഭാഗ്യരാജ് ഇനി നമ്മോടൊപ്പമില്ല. അദ്ദേഹത്തെ ദൃശ്യഭാഷയുടെ ഹരിശ്രീ എഴുതിച്ച ഗുരുനാഥൻ ഭാരതിരാജയുടെ മരണത്തിനു തൊട്ടുപിന്നാലെ സംഭവിച്ച വിടപറയൽ, അക്ഷരാർഥത്തിൽ എല്ലാവരെയും ഞെട്ടിക്കുന്നതായി. ഇന്നത്തെ ഈറോഡ് ജില്ലയിലെ ഗോപിച്ചെട്ടിപാളയത്തെ നാട്ടുന്പുറത്തു ജനിച്ചുവളർന്ന കൃഷ്ണസാമി ഭാഗ്യരാജ് എന്ന യുവാവ് കോടന്പാക്കത്തെത്തുന്നത് സാധാരണക്കാരുടെ കഥകളുമായാണ്.

സംവിധായകനായും തിരക്കഥാകൃത്തായും നടനായും നിർമാതാവായും ജനസേവകനായും അരനൂറ്റാണ്ടിലേറെ പൊതുമണ്ഡലത്തിൽ നിറഞ്ഞുനിന്ന അദ്ദേഹത്തിന്‍റെ ജീവിതം കഠിനാദ്ധ്വാനത്തിന്‍റെയും വിജയങ്ങളുടെയും വീഴ്ചകളുടെയും നഷ്ടപ്പെടലുകളുടെയും വീണ്ടെടുക്കലുകളുടെയും മഹായാനമാണ്. ചലച്ചിത്രവിജ്ഞാനകോശമാണ് അദ്ദേഹമെന്ന് ശിഷ്യന്മാർ പറയാറുണ്ട്. അദ്ദേഹത്തിനു വശമില്ലാത്ത സിനിമയിലെ ഒരു മേഖലയും ഉണ്ടായിരുന്നില്ല. ആ സന്പത്താണ് ഭാഗ്യരാജിനെ ഹിറ്റുകളുടെ ചക്രവർത്തിയാക്കി മാറ്റിയത്.

കുടുംബപ്രേക്ഷകരുടെ നായകൻ
ത​മി​ഴ് സി​നി​മ​യു​ടെ ച​രി​ത്ര​ത്തെ ഭാ​ഗ്യ​രാ​ജി​ന് മു​ൻ​പും പി​ൻ​പും എ​ന്നു വേ​ണ​മെ​ങ്കി​ൽ ത​രം​തി​രി​ക്കാം. കാ​ര​ണം, അ​തു​വ​രെ സ്ക്രീ​നി​ൽ തെളിഞ്ഞിരുന്ന നാ​യ​ക സ​ങ്ക​ൽ​പ്പ​ങ്ങ​ളെ​യും ക​ഥ​പ​റ​ച്ചി​ൽ രീ​തി​ക​ളെ​യും അദ്ദേഹം തിരുത്തിക്കുറിച്ചു. ആ​ക്ഷ​ൻ ഹീ​റോ​ക​ൾ​ക്കും അ​തി​ഭാ​വു​ക​ത്വ​മു​ള്ള ഡ​യ​ലോ​ഗു​ക​ൾ​ക്കും പ്രാ​ധാ​ന്യ​മു​ണ്ടാ​യി​രു​ന്ന ഒ​രു കാ​ല​ഘ​ട്ട​ത്തി​ലാ​ണ്, ഒ​രു ശ​രാ​ശ​രി ത​മി​ഴന്‍റെ രൂ​പ​വും ഭാ​വ​വു​മാ​യി ഭാ​ഗ്യ​രാ​ജ് സി​നി​മ​യി​ലേ​ക്കെത്തുന്നത്.

എൺപതുകളിലെ തരുണനാ​യ​ക സ​ങ്ക​ൽ​പ്പ​ങ്ങ​ളെ തി​രു​ത്തി​ക്കു​റി​ക്കുകയായിരുന്നു ഭാഗ്യരാജ്.
അതത്ര നിസാരകാര്യമായിരുന്നില്ല. ആഘോഷങ്ങളുടെയും കെട്ടുകാഴ്ചകളുടെയും മാസ് ഡയലോഗുകളുടെയും സംഘട്ടനങ്ങളുടെയും നായകകാലമായിരുന്നു അത്. എന്നാൽ, സ്തുതിപാഠകരില്ലാത്ത, അ​മാ​നു​ഷി​ക കൽപ്പനകളില്ലാത്ത, നിത്യജീവിതത്തിൽ കണ്ടുമുട്ടുന്ന സാധാരണക്കാരനായി, കുടുംബ നായകനായി അദ്ദേഹം മാറി. ദൈ​നം​ദി​ന ജീ​വി​ത​ത്തി​ലെ ചെ​റി​യ ചെറിയ പ്ര​ശ്ന​ങ്ങ​ളും സ​ങ്കീ​ർ​ണ​മാ​യ കു​ടും​ബ​ബ​ന്ധ​ങ്ങ​ളും ഹാ​സ്യ​ത്തി​ന്‍റെ അ​ക​മ്പ​ടി​യോ​ടെ അ​ദ്ദേ​ഹം വെള്ളിത്തിരയിലെത്തിച്ചു. സാമൂഹ്യതിന്മകളെ ന​ർമ​ത്തി​ൽ ചാ​ലി​ച്ച് വി​മ​ർ​ശി​ക്കാ​നും അ​ദ്ദേ​ഹം മ​ടി​കാണിച്ചി​ല്ല. കാമുകൻ, സഹോദരൻ, മകൻ, ചേട്ടൻ, അനിയൻ, ഭർത്താവ്, മരുമകൻ, കുടുംബനാഥൻ തുടങ്ങി ദ്രാവിഡ മക്കളുടെ റോൾ മോഡൽ ആയി ഭാഗ്യരാജ് മാറി.

ഭാരതിരാജ എന്ന ഗുരു
പ്ര​ശ​സ്ത സം​വി​ധാ​യ​ക​ൻ ഭാ​ര​തി​രാ​ജ​യു​ടെ സ​ഹാ​യി​യാ​യാ​ണ് ഭാ​ഗ്യ​രാ​ജ് ച​ല​ച്ചി​ത്ര ജീ​വി​തം തുടങ്ങുന്നത്. പ​തി​നാ​റു വ​യ​തി​നി​ലേ, കി​ഴ​ക്കേ പോ​കും റെ​യി​ൽ തു​ട​ങ്ങി​യ ചി​ത്ര​ങ്ങ​ളി​ൽ ഭാ​ര​തി​രാ​ജ​യോ​ടൊ​പ്പം അ​ദ്ദേ​ഹം പ്ര​വ​ർ​ത്തി​ച്ചു. പു​തി​യ വാ​ർ​പു​ഗ​ൾ - എ​ന്ന ചി​ത്ര​ത്തി​ലൂ​ടെ ഭാ​ഗ്യ​രാ​ജി​നെ നാ​യ​ക​നാ​യും ഭാരതിരാജ അ​വ​ത​രി​പ്പി​ച്ചു. 1979-ൽ ​പു​റ​ത്തി​റ​ങ്ങി​യ സു​വ​രി​ല്ലാ​ത ചി​ത്തിരങ്ങൾ - എ​ന്ന സി​നി​മ​യി​ലൂ​ടെ​യാ​ണ് കെ. ഭാഗ്യരാജ് സ്വ​ത​ന്ത്ര സം​വി​ധാ​യ​ക​നാ​കു​ന്ന​ത്. നഗര-ഗ്രാമ പശ്ചാത്തലങ്ങളിൽ സാ​ധാ​ര​ണ മ​നു​ഷ്യ​രു​ടെ ക​ഥ​ക​ളും അ​വ​ർ​ക്കി​ട​യി​ലെ ത​മാ​ശ​ക​ളും പ്ര​ണ​യ​വും കു​ടും​ബ​ബ​ന്ധ​ങ്ങ​ളും വ​ള​രെ ല​ളി​ത​മാ​യി സ്ക്രീ​നി​ൽ എ​ത്തി​ക്കാ​ൻ അ​ദ്ദേ​ഹ​ത്തി​ന് ക​ഴി​ഞ്ഞു.

തി​ര​ക്ക​ഥ​ക​ളു​ടെ രാ​ജാ​വ്
"തി​ര​ക്ക​ഥാ ച​ക്ര​വ​ർ​ത്തി' എ​ന്നൊരു സ്ഥാനവും ഭാഗ്യരാജിനുണ്ട്. അ​ദ്ദേ​ഹ​ത്തിന്‍റെ ഓ​രോ സി​നി​മ​യും മി​ക​ച്ച തി​ര​ക്ക​ഥ​ക​ളു​ടെ​യും സം​ഭാ​ഷ​ണ​ങ്ങ​ളു​ടെ​യും പാ​ഠ​പു​സ്ത​ക​ങ്ങ​ളാണ്. അക്കാലത്ത്, ആരും ആലോചിക്കാൻ പോലും ധൈര്യപ്പെടാത്ത കഥാഗതിയും മേക്കിംഗും അദ്ദേഹം പരീക്ഷിച്ചു. പിന്നീട്, അതെല്ലാം കോളിവുഡിന്‍റെ വിജയ ഫോർമുലയായി മാറുകയും ചെയ്തു. മു​ന്താ​ണൈ മു​ടി​ച്ച്, അ​ന്ത ഏ​ഴ് നാ​ട്‌​ക​ൾ, ഡാ​ർ​ലിം​ഗ് ഡാ​ർ​ലിം​ഗ് ഡാ​ർ​ലിം​ഗ്, ചി​ന്ന വീ​ട്, എ​ങ്ക ചി​ന്ന രാ​സ തു​ട​ങ്ങി അ​ദ്ദേ​ഹം ഒ​രു​ക്കി​യ ചി​ത്ര​ങ്ങ​ൾ ത​മി​ഴ്നാ​ട്ടി​ൽ മാ​ത്ര​മ​ല്ല, മ​റ്റ് ഭാ​ഷ​ക​ളി​ലും വ​ലി​യ വി​ജ​യ​ങ്ങ​ൾ നേ​ടി. പ്ര​ശ​സ്ത ന​ടി​മാ​രാ​യ ഉ​ർ​വ​ശി (മുന്താണൈ മുടിച്ച്-1983), ക​ൽപ്പന തു​ട​ങ്ങി​യ പ​ല പ്ര​തി​ഭ​ക​ളെ​യും സി​നി​മ​യ്ക്ക് പ​രി​ച​യ​പ്പെ​ടു​ത്തി​യ​ത് അ​ദ്ദേ​ഹ​മാ​ണ്.

മലയാള സിനിമയും ഭാഗ്യരാജും
അ​ഭി​നേ​താ​വ് എ​ന്ന നി​ല​യി​ലും ഭാ​ഗ്യ​രാ​ജ് മ​ല​യാ​ളി​ക​ൾ​ക്ക് സുപ​രി​ചി​ത​നാ​ണ്. ദിലീപ് നായകനായി എത്തിയ മിസ്റ്റർ മരുമകൻ (2012) എന്ന ചിത്രത്തിൽ പ്രധാനവേഷം കൈകാര്യം ചെയ്ത് അദ്ദേഹമാണ്. അദ്ദേഹത്തിന്‍റെ ആദ്യ മലയാളചിത്രമായിരുന്നു മിസ്റ്റർ മരുമകൻ. ഭാഗ്യരാജ് ത​മി​ഴി​ൽ ചെ​യ്ത ഹി​റ്റ് ചി​ത്ര​ങ്ങ​ൾ കേ​ര​ള​ത്തി​ലെ തി​യ​റ്റ​റു​ക​ളി​ലും നിറഞ്ഞസദസിൽ പ്രദർശിപ്പിച്ചിരുന്നു. ഹാ​സ്യ​വും കു​ടും​ബ​ബ​ന്ധ​ങ്ങ​ളും കോ​ർ​ത്തി​ണ​ക്കി​യു​ള്ള അ​ദ്ദേ​ഹ​ത്തിന്‍റെ മേക്കിംഗ് ശൈ​ലി മ​ല​യാ​ള സി​നി​മ​യി​ലെ പ​ല ജ​ന​പ്രി​യ ചി​ത്ര​ങ്ങ​ളെ​യും സ്വാ​ധീ​നി​ച്ചി​ട്ടു​ണ്ട്. ഭാ​ഗ്യ​രാ​ജി​ന്‍റെ ഭാര്യ പൂർണിമ ജയറാം മലയാളിയാണ്. എ​ൺ​പ​തു​ക​ളി​ൽ മ​ല​യാ​ള സി​നി​മ​യി​ൽ തി​ള​ങ്ങി​നി​ന്ന താരം, ഭാഗ്യരാജ് സംവിധാനം ചെയ്ത ഡാ​ർ​ലിം​ഗ് ഡാ​ർ​ലിം​ഗ് ഡാ​ർ​ലിം​ഗ്' എ​ന്ന ചി​ത്ര​ത്തി​ൽ നാ​യി​ക​യാ​യി​രു​ന്നു. ഈ ​സൗ​ഹൃ​ദ​മാ​ണ് പി​ന്നീ​ട് വി​വാ​ഹ​ത്തി​ലെ​ത്തി​യ​ത്.

അ​വ​സാ​ന നാ​ളു​ക​ളി​ലും സ​ജീ​വ​മാ​യി​രു​ന്ന ഭാഗ്യരാജ് പൊ​തു​പ​രി​പാ​ടി​ക​ളി​ൽ പ​ങ്കെ​ടു​ത്തി​രു​ന്നു. ധ​നു​ഷ് നാ​യ​ക​നാ​യ കു​ബേ​ര - എ​ന്ന ചി​ത്ര​ത്തി​ലാ​ണ് അ​ദ്ദേ​ഹം അ​വ​സാ​ന​മാ​യി അ​ഭി​ന​യി​ച്ച​ത്. വീ​ണ്ടു​മൊ​രു ചി​ത്രം സം​വി​ധാ​നം ചെ​യ്യാ​നു​ള്ള ഒ​രു​ക്ക​ങ്ങ​ൾ​ക്കി​ട​യി​ലാ​ണ് ​അ​പ്ര​തീ​ക്ഷി​ത വി​യോ​ഗം.

Tags : K Bhagyaraj Tamil Movie Kollywood Poornima Bhagyaraj Tamil Director Mundhaanai Mudichu Andha 7 Naatkal Darling Darling Darling Mouna Geethangal Film news