16

പാ​ലക്കാ​ട് എം​എ​ൽ​എ ഓ​ഫീ​സ് തു​റ​ന്ന് ര​മേ​ഷ് പി​ഷാ​ര​ടി. പാ​ല​ക്കാ​ട് എം​പി വി.​കെ. ശ്രീ​ക​ണ്ഠ​നാ​ണ് ഓ​ഫീ​സ് ഉ​ദ്ഘാ​ട​നം ചെ​യ​ത​ത്. ര​മേ​ഷ് പി​ഷാ​ര​ടി​യു​ടെ ഭാ​ര്യ സൗ​മ്യ, മ​ക്ക​ളാ​യ പൗ​ർ​ണ​മി, ഗി​രി​ധ​ർ, ഗോ​വ​ർ​ധ​ൻ എ​ന്നി​വ​രും ഒ​പ്പ​മു​ണ്ടാ​യി​രു​ന്നു.

ഓ​ഫി​സ് ഉ​ദ്ഘാ​ട​ത്തി​നു മു​റി​ക്കാ​നു​ള്ള ക​ത്രി​ക​യ​ട​ക്കം എ​ല്ലാ ത​യാ​റെ​ടു​പ്പു​ക​ളും ന​ട​ത്തി​യ​ത് ഗി​രി​ധ​റും ഗോ​വ​ർ​ദ്ധ​നും ചേ​ർ​ന്നാ​യി​രു​ന്നു. ചെ​റി​യ പി​ഷാ​ര​ടി മു​ന്നോ​ട്ട് നി​ൽ​ക്കൂ​വെ​ന്ന് ശ്രീ​ക​ണ്ഠ​ൻ പ​റ​ഞ്ഞ​ത് എ​ല്ലാ​വ​രി​ലും ചി​രി പ​ട​ർ​ത്തി.

111 ദി​വ​സ​ത്തി​നു​ള്ളി​ൽ 111 വി​ക​സ​ന പ​ദ്ധ​തി​ക​ൾ പൂ​ർ​ത്തി​യാ​ക്കി നാ​ടി​നു സ​മ​ർ​പ്പി​ക്കു​മെ​ന്ന പ്ര​ഖ്യാ​പ​ന​ത്തോ​ടെ ര​മേ​ഷ് പി​ഷാ​ര​ടി എം​എ​ൽ​എ​യു​ടെ ഓ​ഫി​സ് ഉ​ദ്ഘാ​ട​നം ചെ​യ്തു.

മു​ൻ എം​എ​ൽ​എ​മാ​ർ തു​ട​ങ്ങി​വ​ച്ച​തും, പു​തു​താ​യി തു​ട​ങ്ങു​ന്ന​തും സാ​ങ്കേ​തി​ക​ത്വ​ത്തി​ൽ കി​ട​ക്കു​ന്ന​തും ഉ​ൾ​പ്പെ​ടെ നി​യോ​ജ​ക​മ​ണ്ഡ​ല​ത്തി​ലെ 111 പ​ദ്ധ​തി​ക​ളാ​ണ് പൂ​ർ​ത്തി​യാ​ക്കു​ക​യെ​ന്ന് ര​മേ​ഷ് പി​ഷാ​ര​ടി എം​എ​ൽ​എ പ​റ​ഞ്ഞു.

എം​എ​ൽ​എ എ​ന്ന നി​ല​യി​ൽ പൂ​ർ​ണ സേ​വ​നം ജ​ന​ങ്ങ​ൾ​ക്കു ന​ൽ​കാ​നാ​യി ഈ ​കാ​ല​യ​ള​വി​ൽ സി​നി​മ​യും സ്റ്റേ​ജ് പ്രോ​ഗ്രാ​മു​ക​ളും ഒ​ഴി​വാ​ക്കാ​നാ​ണു തീ​രു​മാ​നം.

അ​വ​താ​ര​ക​ൻ, ന​ട​ൻ, സം​വി​ധാ​യ​ക​ൻ എ​ന്നീ നി​ല​ക​ളി​ൽ ക​ലാ സാം​സ്കാ​രി​ക രം​ഗ​ത്ത് സ​ജീ​വ​സാ​ന്നി​ധ്യ​മാ​ണ് ര​മേ​ഷ് പി​ഷാ​ര​ടി. സ​ലിം കു​മാ​റി​ന്‍റെ 'കൊ​ച്ചി​ൻ സ്റ്റാ​ലി​യ​ൻ​സ്' എ​ന്ന മി​മി​ക്രി ട്രൂ​പ്പി​ലൂ​ടെ​യാ​ണ് അ​ദ്ദേ​ഹം ത​ന്റെ ക​രി​യ​ർ ആ​രം​ഭി​ച്ച​ത്.

പി​ന്നീ​ട് ധ​ർ​മ്മ​ജ​ൻ ബോ​ൾ​ഗാ​ട്ടി​ക്കൊ​പ്പം ചേ​ർ​ന്ന് മ​ല​യാ​ളി​ക​ളെ പൊ​ട്ടി​ച്ചി​രി​പ്പി​ച്ച പി​ഷാ​ര​ടി, ചു​രു​ങ്ങി​യ കാ​ലം കൊ​ണ്ട് ത​ന്നെ ടെ​ലി​വി​ഷ​ൻ രം​ഗ​ത്തെ അ​നി​ഷേ​ധ്യ സാ​ന്നി​ധ്യ​മാ​യി മാ​റി.

2008-ൽ ​പോ​സി​റ്റീ​വ് എ​ന്ന ചി​ത്ര​ത്തി​ലൂ​ടെ സി​നി​മാ​ഭി​ന​യ​ത്തി​ൽ തു​ട​ക്കം കു​റി​ച്ച അ​ദ്ദേ​ഹം പി​ന്നീ​ട് 'പ​ഞ്ച​വ​ർ​ണ്ണ​ത​ത്ത', 'ഗാ​ന​ഗ​ന്ധ​ർ​വ്വ​ൻ' എ​ന്നീ ചി​ത്ര​ങ്ങ​ളി​ലൂ​ടെ സം​വി​ധാ​യ​ക​നാ​യും ത​ന്‍റെ പ്ര​തി​ഭ തെ​ളി​യി​ച്ചു.

Tags : Ramesh Pisharadi MLA office Palakkad