ന്യൂഡൽഹി: ഗണേഷ് കുമാറിനെ മന്ത്രിസഭയിൽനിന്ന് പുറത്താക്കണമെന്ന് മഹിള കോണ്ഗ്രസ് സംസ്ഥാന പ്രസിഡന്റ് ജെബി മേത്തർ എംപി.
മന്ത്രിയുടെ ഭാര്യ ബിന്ദു മേനോൻ മുഖ്യമന്ത്രിയുടെ വീട്ടിൽ വിളിച്ച് പരാതി പറഞ്ഞിട്ടും നടപടിയെടുക്കാതെ മുഖ്യമന്ത്രി സംരക്ഷിക്കുകയായിരുന്നുവെന്നും ജെബി മേത്തർ ഡൽഹിയിൽ മാധ്യമങ്ങളോട് പറഞ്ഞു.
ഗണേഷിന്റെ ഭാര്യ പോലീസിനെ വിളിച്ച് പരാതിപ്പെട്ടിട്ടും നടപടിയെടുക്കാത്തത് എന്തുകൊണ്ടാണെന്ന് ഡിജിപി വ്യക്തമാക്കണമെന്നും എംപി ആവശ്യപ്പെട്ടു.
വിഷയത്തിൽ ഇടത് വനിതാ നേതാക്കൾ നിലപാട് വ്യക്തമാക്കണമെന്നും സ്ത്രീകൾക്ക് വാക്കത്തിയുമായി മന്ത്രിമാരുടെ ഓഫീസിൽ കയറേണ്ട സ്ഥിതിയാണെന്നും ജെബി മേത്തർ പറഞ്ഞു.
Tags : Ganesh Kumar Jebi Mather cabinet