സോണിയ ഗാന്ധിയുടെ 'ബിലോംഗിംഗ്: എ ജേർണി ഓഫ് ലവ്' എന്ന ആത്മകഥാഗ്രന്ഥം ഇന്ത്യയൊട്ടാകെ വായിക്കപ്പെടുകയാണ്. പുസ്തകവുമായി ബന്ധപ്പെട്ടു നിരവധി വിവാദങ്ങളും പുകയുന്നുണ്ട്. അതേസമയം, പുസ്തകത്തിൽ വിവരിച്ചിരിക്കുന്ന ചില സംഭവങ്ങൾ ജനപ്രിയമായി മാറിയിരിക്കുകയാണ്, അതോടൊപ്പം വിശകലനങ്ങൾക്കും. ഒരു ജ്യോതിഷന്‍റെ പ്രവചനവുമായി ബന്ധപ്പെട്ട ഓർമ അത്തരത്തിലൊന്നാണ്. ജാതകം, ജ്യോതിഷം എന്നിവയിലൊന്നും താത്പര്യവും വിശ്വാസവുമില്ലാതിരുന്ന സോണിയ ഗാന്ധി ഒരിക്കൽ കൈനോട്ടക്കാരനെ തന്‍റെ വസതിയിൽനിന്ന് ഓടിച്ചതാണു കൗതുകരമായ സംഭവം.

ജവഹർലാൽ നെഹ്റുവിനുശേഷം പിന്തുടർച്ചക്കാരിയായി മകൾ ഇന്ദിര ഗാന്ധി പ്രധാനമന്ത്രിപദത്തിലെത്തി. കോൺഗ്രസിനെതിരേ മറുശബ്ദം ഉയരാതിരുന്ന കാലഘട്ടമാണിത്. ഇന്ദിരയുടെ പിൻഗാമി ആരായിരിക്കുമെന്ന ചർച്ചയും ഇന്ദ്രപ്രസ്ഥത്തിന്‍റെ ചില കോണുകളിൽ നടക്കുന്നുമുണ്ട്. എല്ലാവരും കരുതിയിരുന്നത്, ഇളയമകൻ സഞ്ജയ് ഗാന്ധി പാർട്ടിയുടെയും രാജ്യത്തിന്‍റെയും തലപ്പത്ത് എത്തുമെന്നാണ്.

1977-ലെ ​തെരഞ്ഞെടുപ്പിൽ കോൺഗ്രസിനു കനത്ത പരാജയം ഏറ്റുവാങ്ങേണ്ടിവന്നു. അടിയന്തരാവസ്ഥയും ഇന്ദിര ഗാന്ധിയുടെ അടിച്ചമർത്തൽ നയങ്ങളും പ്രതിപക്ഷനേതാക്കളെ വേട്ടയാടിയതും തിരിച്ചടിയായി. തുടർന്ന്, ഇ​ന്ദി​രയും കു​ടും​ബ​വും ഡ​ല്‍​ഹി​യി​ലെ വി​ല്ലിംഗ്​ടണ്‍ ക്ര​സന്‍റി​ലെ ബം​ഗ്ലാ​വി​ലേ​ക്കു താ​മ​സം മാ​റി. അ​ക്കാ​ല​ത്താ​ണ് ജ്യോ​തി​ഷ​ന്‍ അ​വി​ടെ​യെ​ത്തു​ന്ന​ത്.

അനുവാദമില്ലാതെ, ബംഗ്ലാവിലെത്തിയ ജ്യോതിഷനെ സോണിയ ഇറക്കിവിട്ടു. സോ​ണി​യ​യു​ടെ ദേ​ഷ്യം ക​ണ്ടു ഭ​യ​ന്നോ​ടി​ ഗേറ്റിലെത്തിയ അയാൾ ഉറക്കെ വിളിച്ചുപറഞ്ഞു: 'അ​ല്ല, അ​ല്ല... സ​ഞ്ജ​യ് അ​ല്ല, നി​ങ്ങ​ളു​ടെ ഭ​ര്‍​ത്താ​വ് രാ​ജീ​വ്ജി ഒരിക്കൽ രാ​ജ്യ​ത്തിന്‍റെ പ്ര​ധാ​ന​മ​ന്ത്രി​യാ​കും!'

ഇന്ത്യൻ രാ​ഷ്ട്രീ​യ ച​രി​ത്ര​ത്തി​ലെ ഏ​റ്റ​വും യാ​ദൃ​ശ്ചി​ക​വും എ​ന്നാ​ല്‍ പി​ന്നീ​ട് യാ​ഥാ​ര്‍​ഥ്യ​വു​മാ​യ പ്ര​വ​ച​നം! ജ്യോതിഷന്‍റെ ആ ​വാ​ക്കു​ക​ള്‍ ഏതാനും വ​ര്‍​ഷ​ങ്ങ​ള്‍​ക്കു​ള്ളി​ല്‍ സ​ത്യ​മാ​യി ഭ​വി​ച്ചു! രാഷ്‌ട്രീയത്തിൽ തീരെ താത്പര്യമില്ലാതിരുന്ന രാജീവ് അക്കാലത്ത് പൈലറ്റ് ആ‍യി ജോലി ചെയ്യുകയായിരുന്നു. ആരവങ്ങളിൽനിന്ന് ഒഴിഞ്ഞുമാറിയുള്ള ജീവിതമായിരുന്നു അദ്ദേഹത്തിന്‍റേത്.
എന്നാൽ, സഞ്ജയ് രാഷ്‌ട്രീയകാര്യങ്ങളിൽ സജീവമായിരുന്നു. 1980 ജൂ​ണി​ല്‍ വി​മാ​ന​പ​ക​ട​ത്തി​ലാണ് സ​ഞ്ജ​യ് ഗാ​ന്ധി മരിക്കുന്നത്. ആ ദുരന്തം നെഹ്റു കുടുംബത്തെയും കോൺഗ്രസിനെയും ഒരുപോലെ നടുക്കുന്നതായി. ​പ്രധാനമന്ത്രിയായിരിക്കുമ്പോൾ,1984 ഒ​ക്‌ടോബ​റി​ല്‍ ഇ​ന്ദി​ര ​ഗാ​ന്ധി​ വ​ധി​ക്ക​പ്പെ​ട്ടു. ഇന്ദിരയുടെ മ​ര​ണ​ശേ​ഷം രാ​ജീ​വിനെത്തേടി പ്ര​ധാ​ന​മ​ന്ത്രിപ​ദം എത്തു​മ്പോ​ള്‍ സോ​ണി​യ പൊ​ട്ടി​ക്ക​ര​ഞ്ഞു​കൊ​ണ്ട് എ​തി​ര്‍​ത്തി​രു​ന്നു. എ​ന്നാ​ല്‍ രാ​ജീ​വ് ആ ​വ​ലി​യ ഉ​ത്ത​ര​വാ​ദി​ത്തം ഏ​റ്റെ​ടു​ക്കു​ക​യാ​യി​രു​ന്നു.

സോണിയയ്ക്കു ജ്യോ​തി​ഷ​ത്തി​ല്‍ വി​ശ്വാ​സ​മി​ല്ലെ​ങ്കി​ലും ചി​ല ദു​ര​ന്ത​ങ്ങ​ളെ അപശ​കു​ന​ങ്ങ​ളാ​യി ക​ണ​ക്കാ​ക്കി​യിരുന്നു. 1985-ല്‍ ​രാ​ജീ​വ് ഗാ​ന്ധി​യു​ടെ പി​റ​ന്നാ​ള്‍ ദി​നത്തിലാണ് അ​കാ​ലി നേ​താ​വ് ഹ​ര്‍​ച​ന്ദ് സിം​ഗ് വെ​ടി​യേ​റ്റ് മ​രി​ച്ച​ത്. ആ സംഭവം അ​പ​ശ​കു​ന​മാ​യാ​ണു സോ​ണി​യയ്ക്കു തോന്നിയത്. പി​ന്നീ​ട് 1990-ല്‍ ​ജ​ന്‍​പ​ഥി​ലേ​ക്ക് താ​മ​സം മാ​റു​മ്പോ​ള്‍, ആ ​വസതി അ​ശു​ഭ​ക​ര​മാ​ണെ​ന്നു പ​ല​രും മു​ന്ന​റി​യി​പ്പു ന​ല്‍​കി​യി​രു​ന്നു. നി​ര്‍​ഭാ​ഗ്യ​വ​ശാ​ല്‍, അ​വി​ടെ താ​മ​സിക്കുമ്പോഴാണ് 1991-ല്‍ ​രാ​ജീ​വ് ഗാ​ന്ധി വ​ധി​ക്ക​പ്പെ​ട്ട​തും.

അത്രയും പ്രവചിച്ച ജ്യോതിഷന് അറിയാമായിരുന്നോ വരാനിരുന്ന ദുരന്തങ്ങളും..?

Tags : SoniyaGhandhi BelongingAJourneyOfLove RajivGandhi SanjayGandhi IndiraGandhi NehruGandhiFamily IndianPolitics PoliticalHistory Astrology