ച​ണ്ഡി​ഗ​ഡ്: ഹ​രി​യാ​ന​യി​ലെ ഫ​രീ​ദാ​ബാ​ദി​ൽ കാ​ർ പാ​ർ​ക്കിം​ഗി​നെ​ച്ചൊ​ല്ലി​യു​ണ്ടാ​യ ത​ർ​ക്ക​ത്തെ​ത്തു​ട​ർ​ന്ന് അ​യ​ൽ​വാ​സി​യു​ടെ വെ​ടി​യേ​റ്റു യു​വാ​വ് മ​രി​ച്ചു. സിം​ഗ​പ്പൂ​രി​ലെ ഒ​രു സ്വ​കാ​ര്യ ക​മ്പ​നി​യി​ൽ ജോ​ലി ചെ​യ്തി​രു​ന്ന പ​ര​ഞ്ജീ​ത് ധ​ങ്ക​റാ​ണ് കൊ​ല്ല​പ്പെ​ട്ട​ത്. ബ​ന്ധു​വി​ന്‍റെ വി​വാ​ഹ​ത്തി​ൽ പ​ങ്കെ​ടു​ക്കാ​നാ​ൻ ഇ​ദ്ദേ​ഹം ര​ണ്ട് ദി​വ​സം മു​മ്പാ​ണ് ഫ​രീ​ദാ​ബാ​ദി​ൽ എ​ത്തി​യ​ത്. ഇ​ദ്ദേ​ഹ​ത്തി​ന്‍റെ അ​യ​ൽ​വാ​സി മോ​ഹ​നാ​ണ് പ​ര​ഞ്ജീ​തി​നെ വെ​ടി​വ​ച്ചു കൊ​ല​പ്പെ​ടു​ത്തി​യ​ത്. ഇ​യാ​ൾ ത​ന്‍റെ ലൈ​സ​ൻ​സു​ള്ള തോ​ക്ക് ഉ​പ​യോ​ഗി​ച്ച് പ​തി​ന​ഞ്ചി​ല​ധി​കം ത​വ​ണ വെ​ടി​യു​തി​ർ​ക്കു​ക​യും അ​തി​ൽ മൂ​ന്നോ നാ​ലോ വെ​ടി​യു​ണ്ട​ക​ൾ പ​ര​ഞ്ജീ​തി​ന്‍റെ ശ​രീ​ര​ത്തി​ൽ തു​ള​ച്ചു​ക​യ​റി അ​ദ്ദേ​ഹം സം​ഭ​വ​സ്ഥ​ല​ത്തു​വ​ച്ചു​ത​ന്നെ മ​രി​ക്കു​ക​യു​മാ​യി​രു​ന്നു. 

സം​ഭ​വം ന​ട​ക്കു​ന്ന ദി​വ​സം ജി​മ്മി​ൽ നി​ന്ന് രാ​ത്രി വീ​ട്ടി​ലെ​ത്തി​യ പ​ര​ഞ്ജീ​തും മോ​ഹ​നും ത​മ്മി​ൽ വാ​ഹ​ന പാ​ർ​ക്കിം​ഗി​നെ​ച്ചൊ​ല്ലി വാ​ക്കു​ത​ർ​ക്ക​മു​ണ്ടാ​യ​താ​ണ് കൊ​ല​പാ​ത​ക​ത്തി​ൽ ക​ലാ​ശി​ച്ച​ത്. എ​ന്നാ​ൽ ഈ ​ത​ർ​ക്ക​ത്തി​ന് വ​ള​ർ​ത്തു​നാ​യ​യു​മാ​യി ബ​ന്ധ​പ്പെ​ട്ട പ്ര​ശ്ന​ങ്ങ​ളും കാ​ര​ണ​മാ​യി​രു​ന്നോ എ​ന്ന് പൊ​ലി​സ് സം​ശ​യി​ക്കു​ന്നു​ണ്ട്.

ര​ണ്ട് കു​ടും​ബ​ങ്ങ​ളും ത​മ്മി​ൽ മു​മ്പും പ​ല പ്ര​ശ്ന​ങ്ങ​ൾ ഉ​ണ്ടാ​യി​രു​ന്ന​താ​യി പൊ​ലി​സ് വ്യ​ക്ത​മാ​ക്കു​ന്നു. സം​ഭ​വ​ത്തി​ന് അ​ഞ്ച് ദി​വ​സം മു​മ്പ് പ്ര​തി പ​ര​ഞ്ജീ​തി​ന്‍റെ മ​ക​നെ അ​സ​ഭ്യം പ​റ​ഞ്ഞി​രു​ന്നു. സം​ഭ​വ​ത്തി​ന് ശേ​ഷം പ്ര​തി​യും കു​ടും​ബ​വും സം​ഭ​വ​സ്ഥ​ല​ത്തു​നി​ന്ന് ര​ക്ഷ​പ്പെ​ടു​ക​യാ​യി​രു​ന്നു.

വി​വ​ര​മ​റി​ഞ്ഞ ഉ​ട​ൻ ത​ന്നെ പൊ​ലി​സ് സ്ഥ​ല​ത്തെ​ത്തി. ഒ​ളി​വി​ൽ ക​ഴി​യു​ന്ന പ്ര​തി​ക്കാ​യു​ള്ള തെ​ര​ച്ചി​ൽ ആ​രം​ഭി​ച്ചി​ട്ടു​ണ്ട്. സം​ഭ​വ​ത്തി​ൽ കൂ​ടു​ത​ൽ അ​ന്വേ​ഷ​ണം ന​ട​ന്നു​വ​രി​ക​യാ​ണ്.

Tags : ParkingDispute Shot Dead