22

രു​ദ്ര​പ്ര​യാ​ഗ്: ഉ​ത്ത​രാ​ഖ​ണ്ഡി​ലെ ന​ഗ്രാ​സു​വി​ലു​ള്ള ഗു​രു​ദ്വാ​ര​യി​ൽ ആ​യു​ധ​ധാ​രി​ക​ളാ​യ നി​ഹാം​ഗ് സി​ഖ് സം​ഘം അ​തി​ക്ര​മി​ച്ചു ക​യ​റി തീ​ർ​ത്ഥാ​ട​ക​നെ ബ​ന്ദി​യാ​ക്കി. ജൂ​ൺ 16-ന് ​ച​മോ​ലി​യി​ലു​ണ്ടാ​യ സം​ഘ​ർ​ഷ​വു​മാ​യി ബ​ന്ധ​പ്പെ​ട്ട് അ​റ​സ്റ്റി​ലാ​യ ത​ങ്ങ​ളു​ടെ നാ​ല് കൂ​ട്ടാ​ളി​ക​ളെ മോ​ചി​പ്പി​ക്ക​ണ​മെ​ന്ന് ആ​വ​ശ്യ​പ്പെ​ട്ടാ​ണ് ആ​റം​ഗ നി​ഹാം​ഗ് സം​ഘം മാ​ര​കാ​യു​ധ​ങ്ങ​ളു​മാ​യി ഗു​രു​ദ്വാ​ര​യു​ടെ മേ​ൽ​ക്കൂ​ര​യി​ൽ നി​ല​യു​റ​പ്പി​ച്ചി​രി​ക്കു​ന്ന​ത്. ശ​നി​യാ​ഴ്ച വൈ​കു​ന്നേ​രം ആ​രം​ഭി​ച്ച ഈ ​അ​നി​ശ്ചി​താ​വ​സ്ഥ​യെ തു​ട​ർ​ന്ന് പ്ര​ദേ​ശ​ത്ത് വ​ൻ പോ​ലീ​സ് സ​ന്നാ​ഹ​ത്തെ വി​ന്യ​സി​ച്ചി​ട്ടു​ണ്ട്.

രു​ദ്ര​പ്ര​യാ​ഗ് ഡി​സ്ട്രി​ക്റ്റ് മ​ജി​സ്‌​ട്രേ​റ്റും സൂ​പ്ര​ണ്ടും, ഗ​ർ​വാ​ൾ ക​മ്മീ​ഷ​ണ​റും സം​ഭ​വ​സ്ഥ​ല​ത്തെ​ത്തി നി​ഹാം​ഗു​ക​ളു​മാ​യി ച​ർ​ച്ച ന​ട​ത്തി​യെ​ങ്കി​ലും ഇ​വ​ർ താ​ഴെ​യി​റ​ങ്ങാ​ൻ ത​യ്യാ​റാ​യി​രു​ന്നി​ല്ല. ച​മോ​ലി​യി​ലെ ക​ർ​ണ​പ്ര​യാ​ഗി​ൽ ഹോ​ട്ട​ലി​ന് സ​മീ​പം പാ​ർ​ക്കിം​ഗി​നെ​ച്ചൊ​ല്ലി​യു​ണ്ടാ​യ ത​ർ​ക്ക​മാ​ണ് മു​ൻ​പ് ന​ട​ന്ന അ​ക്ര​മ സം​ഭ​വ​ങ്ങ​ളി​ലേ​ക്ക് ന​യി​ച്ച​ത്. ഇ​തി​ൽ പ​ഞ്ചാ​ബി​ലെ മൊ​ഹാ​ലി സ്വ​ദേ​ശി​ക​ളാ​യ നാ​ല് നി​ഹാം​ഗു​ക​ളെ പോ​ലീ​സ് അ​റ​സ്റ്റ് ചെ​യ്തി​രു​ന്നു. ഇ​തി​നെ​തി​രെ​യു​ള്ള പ്ര​തി​ഷേ​ധ​ത്തി​ന്‍റെ ഭാ​ഗ​മാ​യാ​ണ് ന​ഗ്രാ​സു​വി​ലെ ഗു​രു​ദ്വാ​ര​യി​ൽ ഇ​വ​ർ അ​തി​ക്ര​മം ന​ട​ത്തി​യ​ത്.

Tags : Nihangs Uttarakhand Latest News