ജുനൈദ് വട്ടപ്പാറ പോസ്റ്റർ പ്രകാശനം ചെയ്യുന്നു
ഫുജൈറ: ഡിസംബർ അഞ്ചിന് ഫുജൈറയിൽ നടക്കുന്ന "കൈരളി കേരളോത്സവം 2026'ന്റെ ഔദ്യോഗിക കവിയും സാംസ്കാരിക പ്രവർത്തകനുമായ ജുനൈദ് വട്ടപ്പാറ പ്രകാശനം ചെയ്തു.
പ്രവാസികളെയും നാടിനെയും സാംസ്കാരികമായി കൂട്ടിയിണക്കുന്നതിനും പ്രവാസികളുടെ കലാ - സർഗാത്മക കഴിവുകൾ പ്രകടിപ്പിക്കുന്നതിനുമാണ് കേരളോത്സവം സംഘടിപ്പിക്കുന്നത്.
ഫുജൈറ സെൻട്രൽ കമ്മിറ്റി മുൻ സെക്രട്ടറി സന്തോഷ് ഓമല്ലൂർ, സെൻട്രൽ കമ്മിറ്റി സെക്രട്ടറി വി.പി. സുജിത്, പ്രസിഡന്റ് വിത്സൻ പട്ടാഴി, ജോയിന്റ് സെക്രട്ടറി സുധീർ തെക്കേക്കര, വനിതാ കൺവീനർ ഷജറത്ത്, ബാലകൈരളി സെക്രട്ടറി ക്ഷീരജ പ്രമോദ്, കേരളോത്സവം ജനറൽ കൺവീനർ ടിറ്റോ തോമസ്, ചെയർമാൻ മുഹമ്മദ് നിഷാൻ, ഫുജൈറ യൂണിറ്റ് സെക്രട്ടറി ശിവപ്രസാദ്, യൂണിറ്റ് ട്രഷറർ ജുനൈസ്, മീഡിയ കൺവീനർ ഹരിഹരൻ, പ്രോഗ്രാം കൺവീനർ ജിബിൻ എന്നിവർ സന്നിഹിതരായിരുന്നു.
ഫുജൈറ എക്സ്പോ സെന്റർ ഗ്രൗണ്ടിലാണ് കേരളോത്സവം നടക്കുന്നത്. കലാപരിപാടികൾക്കുപുറമേ ഗായിക ആര്യാ ദയാൽ നയിക്കുന്ന സംഗീതനിശ, വിവിധ നാടൻ ഭക്ഷണവിഭവങ്ങളുടെ സ്റ്റാളുകൾ തുടങ്ങി വിപുലമായ പരിപാടികളാണ് ഒരുക്കിയിട്ടുള്ളതെന്ന് സംഘാടകസമിതി ഭാരവാഹികൾ അറിയിച്ചു.
യുഎഇ ഈസ്റ്റ് കോസ്റ്റ് മേഖലയിലെ ഏറ്റവും വലിയ ജനകീയ ഉത്സവമായി കേരളോത്സവത്തെ മാറ്റുകയാണ് ലക്ഷ്യമെന്നും ഭാരവാഹികൾ പറഞ്ഞു.
Tags : Keralotsavam Kairali PosterReleased CulturalEvent NRINews