ന്യൂഡൽഹി: വൈദ്യുതാഘാതം മുതലുള്ള അത്യാഹിതങ്ങൾമൂലം 2009 മുതൽ ഇതുവരെ രാജ്യത്ത് 1765 ആനകൾ ചരിഞ്ഞതായി കേന്ദ്ര പരിസ്ഥിതി മന്ത്രാലയം. വേട്ടയാടലും വിഷം ഉള്ളിൽച്ചെന്നതും മരണകാരണങ്ങളിലുണ്ടെന്നു വിവരാവകാശ നിയമപ്രകാരമുള്ള അപേക്ഷയിൽ മന്ത്രാലയം വിശദീകരിച്ചു.
ഇക്കാലയളവിൽ വൈദ്യുതാഘാതമേറ്റ് 1185 ആനകൾ ചരിഞ്ഞു. ട്രയിൻ ഇടിച്ച് 277 എണ്ണത്തിനും വേട്ടയാടൽ മൂലം 222 ആനകൾക്കും ജീവൻ നഷ്ടമായി. വിഷം അകത്തുചെന്നു ചരിഞ്ഞത് 81 ആനകളാണ്. ആനത്താരകളോടു ചേർന്നുള്ള അനധികൃത വൈദ്യുതിവേലികളും താഴ്ന്നുകിടക്കുന്ന വൈദ്യുതിക്കന്പികളും എല്ലാം അത്യാഹിതങ്ങൾക്കു വഴിതെളിക്കുന്നുണ്ടെന്ന് വിവരാവകാശ പ്രവർത്തകനായ അമിത് ഗുപ്ത ചൂണ്ടിക്കാട്ടി.
ഒഡിഷ, കർണാടക, ആസാം തുടങ്ങിയ സംസ്ഥാനങ്ങളാണ് ആനകളുടെ അപകടനിരക്കിൽ മുന്നിലെന്നും മന്ത്രാലയത്തിന്റെ മറുപടിയിൽ പറയുന്നു.
Tags : elephants died Deepika DeepikaNewspaper BreakingNews NewsUpdate Headlines CurrentAffairs DailyNews InDepth NewsFlash